Kissen Hit 'N Run Tour bira Kissek 2007ko udan eman zituen kontzertu multzoa da. San Jacintoko kontzertua garrantzitsua izan zen Paul Stanley gitarjole eta abeslariak ezin izan zuelako jo bihotz taupadak oso azkar zituelako.[1] Zaleak bertan behera ez uzteko, Gene Simmonsek, Tommy Thayerek eta Eric Singerek kontzertua eman zuten Paul ospitalean zegoen bitartean. Gertaera hauek grabatu zituzten eta Gene Simmons Family Jewels telesaileko pasarte batean eman zituzten. Uztailaren 29an, Paulek Kissen webgunean ondo zegoela esan zuen. Abuztuaren 24an, Kissek kontzertu bat gehitu zuen Whistler, British Columbiaen, Kanadan. Kontzertua Kanadan 7 urtetan jotzen zuten lehen aldia izango zen, eta Kanadan ematen zuten 100. kontzertua. 2007ko irailaren 10ean, Big Mountain Concertsek Whistlereko kontzertua bertan behera utzi zutela esan zuen.
