Por aliaj signifoj, bv. rigardi la apartigilan paĝon: Stanovice

Stanovice
germane Donawitz
municipo
Kamparana bieno, en fono Ercmontaro
Flago Blazono
Oficiala nomo: Stanovice
Ŝtato	Ĉeĥio
Regiono	Regiono Karlovy Vary
Distrikto	Distrikto Karlovy Vary
Administra municipo	Karlovy Vary
Historiaj regionoj	Bohemio, Sudetio
Montaro	Slavkova arbaro
Akva rezervujo	Rezervujo Stanovice
Situo	Stanovice
- alteco	558 m s. m.
- koordinatoj	50° 09′ 55″ N 12° 52′ 26″ O / 50.16528 °N, 12.87389 °O / 50.16528; 12.87389 (mapo)
Areo	31,61 km² (3 161 ha)
Loĝantaro	638 (2024)
Denseco	20,18 loĝ./km²
Unua skribmencio	1358
Horzono	MET (UTC+1)
- somera tempo	MET (UTC+2)
Poŝtkodo	360 01
NUTS 3	CZ041
NUTS 4	CZ0412
NUTS 5	CZ0412 555550
Katastraj teritorioj	3
Partoj de municipo	4
Bazaj setlejunuoj	5
Situo enkadre de Ĉeĥio
Vikimedia Komunejo: Stanovice (Karlovy Vary District)
Retpaĝo: www.obecstanovice.cz
Portalo pri Ĉeĥio

Stanovice (germane Donawitz) estas municipo de Ĉeĥio, en Regiono Karlovy Vary, en distrikto Karlovy Vary. Ĝi situas sur altaĵo sur la maldekstra bordo de rojo Lomnický potok, sur kiu estis en la jaroj 1973–1978 konstruita rezervujo Stanovice provizanta per trinkakvo urbon Karlovy Vary kaj la ĉirkaŭaĵon. La municipo havas kvar partojn: 2 km malproksiman Nové Stanovice, 3 km malproksiman Dražov kaj 5 km malproksiman Hlinky. Vivas ĉi tie 638 loĝantoj (2024). En la municipo troviĝas tri arkitekturaj memorindaĵoj: bienoj kun konstruaĵoj de franka tipo kun masonitaj teretaĝoj, trabfakaj etaĝoj kaj ornamitaj ŝildoj.

En la plej proksima ĉirkaŭaĵo de Stanovice troviĝas tiuj ĉi urboj: Karlovy Vary (14 km), Bečov nad Teplou (10 km), Horní Slavkov (10 km), Loket (14 km) kaj Bochov (18 km). La najbaraj municipoj estas Háje (2 km), Kolová (3 km), Březová (5 km), Teplička (3 km).

La najbaraj municipoj de la setlejo estas Krásno, Březová, Teplička, Karlovy Vary, Kolová, Bečov nad Teplou, Bochov, Horní Slavkov, Pila, Útvina kaj Loket.

La unua skribmencio pri la vilaĝo devenas el la jaro 1358.

Direkte al Nové Stanovice estis post la dua mondmilito malkovritaj tri tomboj kun ses viktimoj de marŝo de morto. Post fino de la milito okazis forŝovo de sudetgermanoj, kaj per tio ankaŭ granda sinko de la nombro de loĝantoj.

Proksime de municipo Stanovice okazis en la jaro 1951 interpafado. Nokte el la 14-a je la 15-a de oktobro 1951 okazis verŝajne la plej granda amasa fuĝo el komunismaj tendaroj. Dek unu malliberigitoj sukcesis fuĝi el ŝakto n-ro 14 de uraniaj minejoj de Jáchymov proksime de Horní Slavkov. La fuĝo verŝajne ne sukcesis, la duan tagon la plimulto de la fuĝintaj malliberigitoj estis kaptita aŭ pafmortigita ĉe Stanovice. El ĉirkaŭigo sukcesis eskapi nur František Čermák, kiu estis pli poste pafmortigita dum transiro de la ŝtatlimo ĉe Malacky, kaj Miroslav Hasil, kiu venis ĝis Dolní Bojanovice, kie li estis pli poste malkaŝita al Státní bezpečnost. Ne estas klare, ĉu li pafmortigis sin mem aŭ ĉu pafmortigis lin membro de StB. El la dek unu fuĝintoj supervivis nur Karel Kukal kaj Zdeněk Štich, la ceteraj estis aŭ pafmortigitaj dum la fuĝo aŭ kondamnitaj al mortpuno.^[1]

• Stanovice
• Dražov
• Hlinky
• Nové Stanovice

• Domo n-ro 1, la tn. kamparana korto Stanovice, antaŭe nomata Korto de Hain, estadis en la pasinteco la plej ekspoziciata en la paroĥo. Temas pri kelke da konstruaĵoj de franka tipo kun masonita teretaĝo kaj trabfaka etaĝo kun tipa ornamaĵo de la ŝildo.
• Domo n-ro 72
• Preĝejo de Apero de Sinjoro

• 
  Kamparana korto Stanovice, ĉefa enveturejo
• 
  Stanovice, preĝejo de Apero de Sinjoro kaj paroĥo
• 
  Akva laboraĵo Stanovice – digo kaj konsumturo
• 
  Stanovice, trabfaka domo n-ro 72 (2012)
• 
  Stanovice, futballudejo kaj kabinoj kaj kovrita tribuno (2012)
• 
  Trabfaka domo Stanovice 69

Stanovice de sudo