En 895 la hungaraj gentoj en la proksimeco trairis Karpatojn kaj okupis la basenon, sed en Irŝava oni trovis terfortikaĵon antaŭ la hungaroj. La loko estis menciita unue en 1341 en formo Makszemháza. Poste la komunumo iĝis nesto de familio Ilosvay. La plej fama, kiu havis la komunumonomon estis muzikisto-kantisto el la 16-a jarcentoPetroIlosvai Selymes (ŝejmeŝ). Post la mezepoko la loko apartenis al princlando Transilvanio. En 1910 Ilosva havis 1919 da loĝantoj (969 rutenoj kaj 947 hungaroj). Ĝis 1920 Ilosva apartenis al Hungara reĝlando, al Bereg, al distrikto de Ilosva, kies distriktejo estis, poste al Ĉeĥoslovakio. En 1939 la plej orienta regiono de disfalanta Ĉeĥoslovakio deklaris malgrandan sendependan respublikonKarpata Ukrainio. Iom poste Hungario okupis la respublikon kaj tuj aranĝis aŭtonomion, kies apartaĵo estis Ilosva/Irŝava. Ekde 1945 Irŝava apartenis al Sovetunio, fine ekde 1991 al Ukrainio. Irŝava urbiĝis en 1982.
