Quatre còps pus petit que Burzet e ara pus poblat, Sant Pèire es la sola comuna de l'ancian canton que creis en populacion. Poiriá èsser pr'amor d'una altitud pus bassa e de la relativa proximitat d'Aubenàs, mas en realitat, los ostaus individuaus modèrnes, que son pas dirèctament sus la rota principala, la RD 26, mas darrièr, datan sovent de 20 a 30 ans. Lo desvolopament d'una importanta comunautat religiosa, femenina (1947), puèi tanben masculina (1975), Nòstra Dama de las Nèus [1], poiriá explicar una partida de las fluctuacions.
La prononciacion a La Chalm Rafaièl (12 km en linha dreita) es [san'pjɛrɔ des kulum'bjɛs] [2].
Sant Pèire (fòrma supausada) es lo nom de l'apòstol, Petros en grèc, Petrus en latin [3],[4]. Lo determinant Colombièr ven delh latin columbarium[3] e son sens es lo qu'es conegut en occitan, de bastiment per los colombs (pijons)
[3] (e sovent, per extension, delh chastèl que n'aviá un, quand la possession de colombs èra un privilègi senhorau).
Abans la refòrma cantonala de 2014, aplicada en 2015, la comuna èra delh canton de Burzet; es ara delh canton de Nauta Ardecha (Tuèis burèu centralizator).
Comunas d'Ardecha (comunas actualas, comunas que caupon de comunas delegadas, ancianas comunas, ancianas comunas vengudas comunas delegadas)
Cal melhorar l'escritura d'aquel article. L’ortografia, la gramatica, lo vocabulari, la sintaxi o autres aspèctes lingüistics incorrèctes son de verificar. O podètz corregir o crear la discussion.
.svg){kind=small}
