Las fòrmas ancianas son en latin : condominum de Marsaco, en 1343, prior de Marssaco, en 1381, actum apud Marsanum, en 1387, domini de Marsaco, en 1391, dominus de Marsaco, en 1428, Sanctus Bartholomeus de Marsaco, en 1741. Marçac ven d'un nom latin d'òme Martius o Marcius (lo resultat es lo medish), damb lo sufixe -acum[5], latinizacion deu sufixe gallés -aco(n). Marçac èra probablament ua anciana grana proprietat antica qu'avèva per mèste Martius o Marcius.
Lo siti de Corneillon (en francés) èra abitat pendent la Hauta Edat Mejana e una glèisa arroïnada Sent Orenç èra presenta sus la mapa de Cassini, près de Corneillon. Se lo nom a pas cambiat, ven benlèu deu nom latin d'òme Cornelius damb lo sufixe -one. Se n'es atau, lo nom remembra tanben un ancian gran domeni de l'Antiquitat.
Abans la refòrma cantonala de 2014, aplicada en 2015, la comuna èra deu canton de La Vit de Lomanha; es ara deu canton de Garonne-Lomagne-Brulhois (en francés), donc de Garona Lomanha Brulhés.
_-1.JPG)
.svg){kind=small}