Lo borg es Ardús (La Mòta es pas una aglomeracion e Capdevila es un vilatjòt sense importància).
Comunas a l'entorn.
Toponimia
La comuna es sovent apelada del nom d'Ardús, que correspond al borg o caplòc de la comuna.
Mòta vendriá d'un nom *mutta, d'origina pre-latina, conservat coma apellatiu a l'Edat mejana, al sens de "tap subremontat d'un castèl". Capdevila designa sovent un ostal situat en la partida nauta d'un vilatge, mès aprèp pòt venir un nom de persona (deu èsser lo cas aicí, puèi que i a pas de vertadièr vilatge).
Entre las nombrosas fòrmas ancianas de Ardús, se pòt citar Podio Doderamino en 841 (la referéncia a Doderaminus dispareis aprèp), Arduno (en latin, 926, 955, 961, 1096), Ardu (sègle XII, 1236, 1271), Ardun (1526). Puèi Ardus apareis tanlèu 1290.
Ardús s'explica per dos mots galleses : are (davant, prèp de) e dunon (interpretat en latin coma dunum) qu'a lo sens de fortalesa[5]. L' s finala sembla d'aver la valor d'un collectiu : los Ardús = los abitants del vilatge d'Ardú (sense sufixe), puèi se faguèt la confusion entre lo nom dels abitants e lo del vilatge o de la parròquia. En Tarn e Garòna se pòt tanben citar Los Sarrasins a partir de Castèlsarrasin (aquí i agèt una simplicacion del nom, Castèl- passant per malha, e la conservacion de l'article).
Istòria
Aquesta seccion es voida, pas pro detalhada o incompleta. Vòstra ajuda es benvenguda !
.svg){kind=small}