Maumusson/Maumesson. Las fòrmas ancianas son Malmusson, en 1170, Malmuso, en 1281 e Sanctus Mauricius de Malomussone, en 1741. La prononciacion actuala es [mawme'sun], per dissimilacion [2], çò que pòt justificar la grafia Maumesson. Meilèu qu'un nom de persona Mamucius damb un sufixe -onem, ambe atraccion de malus (Dauzat[3]), o que manumissionem (Negre), lo nom vendré de mau (de male o malum) e de mus, « morre », damb sufixe diminutiu on, utilizat com chafre, damb lo sens de « persona reguèrga, morruda, de mala cara ». Burgan e Lafon causeishen la grafia Maumusson[2]. Un simple chafre personau conven plan per una aglomeracion qu'a probablament ua origina modèsta e qu'a remplaçat en tant que borg d'autas pus ancianas, com veirem.
Maumusson ha seguida a un prumèr vilatge, situat a Malacasa, nom encara present sus las mapas IGN [4], que demanda pas de traduccion.
L'anciana glèisa èra a Pomaret. Las atestacions son Lopomareto, en 1281, prior de Pomareto, en 1381, Sanctus Egidius de Pomareto, en 1482, e Poumaret (Cassini). Pomaret es format deu latin poma, « hrut », damb un sufixe -ar-etum. Lo sens es equivalent de pomareda : « lòc plantat de pomèrs » [2].
La Grua, prononciat [la'gryjɔ]. I avè tanben ua glèisa, dejà dispareguda au sègle XVIII, e en demòra lo cementèri. Lo nom de la glèisa es atestat Sanctus Genifors de Gruas, en 1513, e La Grue (Cassini). La grua es un ausèth qu'èra ligat a plan de supersticions en Gasconha[2].
Istòria
En 1793, lo nom de la comuna èra Lagrue Maumusson (en francés). Veire Toponimia.
Abans la refòrma cantonala de 2014, aplicada en 2015, la comuna èra deu canton de La Vit de Lomanha; es ara deu canton de Garonne-Lomagne-Brulhois (en francés), donc de Garona Lomanha Brulhés.
.jpg)
.svg){kind=small}