«You Don't Know Me» er ein song skriven av Cindy Walker basert på ein tittel og ei soge ho fekk av Eddy Arnold i 1955. «You Don't Know Me» var først spelt inn av Arnold det året og gjeven ut på singel den 21. april 1956 på RCA Victor.^[1] Den første versjonen av songen som nådde Billboard-lista vart gjeven ut av Jerry Vale i 1956, med ein 14. plass på poplista. Arnold sin eigen versjon gjekk inn på lista to månader seinare, med «The Rockin' Mockin' Bird» som B-side. Denne nådde 10. plassen på Billboard country-lista. Magasinet Cash Box, som kombinerte alle versjonane til ei plassering inkluderte òg ein versjon av Carmen McRae som aldri nådde Billboard Top 100.

Den mestseljande versjonen av songen er av Ray Charles, som nådde andreplassen på Billboard Hot 100-lista i 1962, etter å ha gjeve ut songen på albumet Modern Sounds In Country And Western Music. Denne versjonen toppa òg «Easy listening»-lista i tre veker i 1962, og vart nytta i komedien Groundhog Day i 1993. Songen vart den tolvte hitten som nådde toppen av countrylista for Mickey Gilley i 1981.^[2]

Songen har blitt framført eller innspelt av hundrevis av artistar, inkludert Elvis Presley, Bob Dylan og Willie Nelson. Charles spelte inn songen på ny med Diana Krall på albumet hans, Genius Loves Company. Han vart sungen av Meryl Streep i filmen Postcards from the Edge i 1990, av John Legend i 2007 i ein episode av Curb Your Enthusiasm, av Robert Downey jr. i filmen Two Girls and a Guy i 1998 og av Lizzy Caplan i ein episode av Masters of Sex i 2013.

• 1965: Boots Randolph
• 1967: Ramsey Lewis
• 1984: Gene Harris
• 1986: Bob James/David Sanborn
• 1986: The Ray Brown All Stars
• 1994: Thomas Chapin
• 1995: Gene Harris Quartet med Frank Wess
• 1995: David Sanborn
• 1998: Denis Solee
• 2002: David Acker
• 2008: Jim Tisdall med David Bromberg og Tyrone Brown

• Eddy Arnold: Pioneer of the Nashville Sound Arkivert 2016-12-20 ved Wayback Machine.
• Heile songteksten på MetroLyrics