Wayne Carson sa han skreiv songen på ti minuttar på kjøkenet i heimen sin i Springfield med hjelp av Christopher og James.
Carson, som hadde songen kring eitt år, var i ferd med å fullføre ei innspeling. Produsenten Chips Moman spurte om å spele inn «that mind» song, men la til at dei trengde eit mellomspel. Carson gjekk til det gamle pianoet i studioet, der han prøvde å skrive eit mellomspel, då Christopher og Carson kom inn og han spurte dei om hjelp.
Trioen meinte songen alt var ferdig og kom først ikkje på noko, men Carson forklarte at Moman insisterte på at dei måtte ha eit mellomspel. Dei kom så opp med det to linjer lange mellomspelet.
Songen vart gjeven til livvaktene til Presley, som gav songen vidare til Presley i studio. Moman produserte ikkje innspelinga til Presley, men spelte inn songen med Willie Nelson fleire år seinare.
Elvis Presley spelte inn sin versjon av «Always on My Mind» den 29. mars 1972, eit par veker etter han skilde seg frå kona Priscilla i februar det året.[3] Songen vart særs kjend og vert rekna som ein av dei beste Elvis-songane i 1970-åra. Songen kom ut som B-sida til «Separate Ways», og selde til gullplate i USA for over ein halv million selde eksemplar. Han vart oppført som ei dobbel A-side og nådde 16. plassen på Billboard magazine's Hot Country Singles- lista i november 1972.[4] I Storbritannia var «Always on My Mind» hitlåten og «Separate Ways» var B-sida. Han vart kåra til den beste Presley-songen i ei undersøking utført av ITV i 2013[5]].
I 1979 nådde John Wesley Ryles 20. plassen på den amerikanske countrylista med si utgåve, kalla «You Are Always on My Mind», frå albumet Let the Night Begin.[9]
Songen vart spelt inn av Willie Nelson og gjeven ut tidleg i 1982. Songen nådde raskt toppen av Billboard's Hot Country Singles-lista i mai og låg på toppen i to veker og totalt 21 veker på lista. Songen gjorde det òg bra på pop-lista og nådde femteplassen på Billboard Hot 100. På årslista var songen den størte countryhitten i 1982 i USA. Versjonen gjorde det òg bra i mange andre land.
Nelson sin versjon gav han tre Grammyprisar i februar 1983, for årets song, årets beste countrysong og beste mannlege countryvokal.
Versjonen vann òg Country Music Association-prisar to år på rad som årets song både i 1982 og 1983, årets singel i 1982 for Nelson. I tillegg vann Nelson prisen for årets album i 1982.
I 1987 framførte Pet Shop Boys ein synthpopversjon av «Always on My Mind» på Love Me Tender, eit fjernsynsprogram på ITV i Storbritannia. Dette var til minne om at det var ti år sidan Presley døydde. Pet Shop Boys-utgåva vart så godt motteken at duoen valde å spele inn songen og gje han ut på singel.
Denne versjonen vart songen som toppa salslista i juleveka det året. Han låg fire veker på toppen og i USA nådde han fjerdeplassen på Billboard Hot 100.[16][17]
Pet Shop Boys-versjonen nyttar ein harmonisk variasjon som ikkje finst i originalen.
I november 2004 sette The Daily Telegraph versjonen på andreplassen på ei liste over dei femti beste coverversjonane gjennom tidene.[18] I oktober 2014 hadde BBC ei undersøking der songen vart kåra til den beste coverversjonen gjennom tidene.[19]
I musikkvideoen (eit utdrag frå den surrealistiske musikkfilmen deira It Couldn't Happen Here), sit Neil Tennant og Chris Lowe i framsetet på ein taxi, når ein rar passasjer kjem inn, spelt av den britiske skodespelaren Joss Ackland. På slutten av songen går han ut av bilen, som køyrer avstad. Ståande aleine seier han: «You went away. It should make me feel better. But I don't know how I'm going to get through», som er ein del av teksten til ein annan Pet Shop Boys-song, «What Have I Done to Deserve This», som kom ut tidlegare på året.
I 1988 vart ein remiksa versjon av songen gjeven ut på det tredje albumet deira, Introspective, der han vart kombinert med ein acid-house-song kalla «In My House».
↑Pennanen, Timo (2006). Sisältää hitin – levyt ja esittäjät Suomen musiikkilistoilla vuodesta 1972 (på finsk) (1st utg.). Helsinki: Tammi. ISBN978-951-1-21053-5.
