«Merry Christmas Baby» er ein R&B-julesong skriven av Lou Baxter og Johnny Moore og opphavleg spelt inn i 1947 av Johnny Moore's Three Blazers, med songaren og pianisten Charles Brown.^[1] Han har sidan blitt spelt inn av mange artistar, inkludert Chuck Berry, Otis Redding, B.B. King, Elvis Presley, Bruce Springsteen, Christina Aguilera, Melissa Etheridge og Hanson. Ein versjon av songen vart spelt inn av Bonnie Raitt og Brown på albumet A Very Special Christmas 2 i 1992.

Johnny Moore's Three Blazers var eit av dei mest populære bluesbanda på Vestkysten då innspelinga deira av «Merry Christmas Baby» nådde tredjeplassen på Billboard's R&B Juke Box-lista i jula 1947. Brown vart akkompagnert av bassisten Eddie Williams og gitaristen Oscar Moore.^[2]

Versjonar av «Merry Christmas Baby» er blitt spelt inn av mellom andre:

• Chuck Berry, som singel i 1958
• Mae West i 1960 på albumet Wild Christmas
• Booker T. & the MGs i 1966 på albumet In the Christmas Spirit
• Elvis Presley i 1971 på albumet Elvis Sings the Wonderful World of Christmas
• Bruce Springsteen i 1987 på albumet A Very Special Christmas
• Hanson i 1997 på albumet Snowed In
• Etta James i 1998 på albumet 12 Songs of Christmas
• Christina Aguilera i 2000 på albumet My Kind of Christmas
• Pepe the King Prawn i 2006 på albumet The Muppets: A Green and Red Christmas
• Jessica Simpson i ein duett med Willie Nelson på albumet Happy Christmas i 2010
• Donna Loren so singe i 2010
• CeeLo Green og Rod Stewart med Trombone Shorty i 2012 på albuma Cee Lo's Magic Moment and Merry Christmas, Baby.^[3]
• Colbie Caillat i 2012 på albumet Christmas in the Sand, med Brad Paisley
• Kenny Burrell på albumet Have Yourself a Soulful Little Christmas
• Aubrey Peeples på albumet Christmas with Nashville