Under Cover – Chapter One er det 125. albumet totalt og det 49. studioalbumet til den tyske electronicagruppa Tangerine Dream, utgjeve desember 2010.

Undertittelen «kapittel ein», indikerte at det kom til å kome fleire coveralbum frå bandet, men så langt har det ikkje kome fleire.

Ideen til albumet kom til i 2008 i Los Angeles då eit bandmedlem på spøk sa at bandet burde spele inn Topp 40-hits. Etter kvart tende bandet på ideen og laga eit heilt album med coverversjonar.^[1]

Kvart bandmedlem fekk kvar velje ut tre songar som skulle spelast inn, og i følgje plateheftet valde dei:

• Edgar Froese: «Everybody Hurts», «Space Oddity», «Heroes»
• Thorsten Quaeschning: «Cry Little Sister», «Precious», «Hallelujah»
• Linda Spa: «The Model», «Suzanne», «Forever Young»
• Iris Camaa: «Wicked Game», «Hotel California», «Iris»
• Bernhard Beibl: «Norwegian Wood», «Wish You Were Here»

Vokalisten Christian Hausl, som tidlegare hadde sunge med Tangerine Dream på albumet Madcap's Flaming Duty (2007), song vokal på størsteparten av songane.

• Edgar Froese - klaverinstrument, vokal på «Heroes», gitar på «Space Oddity» og «Hotel California»
• Thorsten Quaeschning - klaverinstrument, korvokal, vokal på «Suzanne», «Norwegian Wood», «Hallelujah» og «Wish You Were Here».
• Iris Camaa - perkusjon, korvokal
• Bernhard Beibl - gitar
• Linda Spa - fløyte, perkusjon, korvokal

Gjesteartistar

• Chris Hausl - vokal