PROFILPELAJAR.COM

	< 1913 >
	1911 \| 1912 \| 1913 \| 1914 \| 1915
	; ; Vitskap i 1913; ;
Kategoriar
	1913 1913 etter land 1913 etter verdsdel Døde i 1913 Fødde i 1913 Hendingar i 1913 Katastrofar i 1913 Konfliktar i 1913 Kultur i 1913 Nedleggingar i 1913 Politikk i 1913 Samferdsle i 1913 Skip frå 1913 Skipingar i 1913 Vitskap i 1913
1913 i andre kalendrar
Gregoriansk kalender	1913 ; MCMXIII
Ab urbe condita	2666
Armensk kalender	1362 ; ԹՎ ՌՅԿԲ
Kinesisk kalender	4609 – 4610 ; ?子 – 癸丑
Etiopisk kalender	1905 – 1906
Jødisk kalender	5673 – 5674
Iransk kalender	1291 – 1292
Islamsk kalender	1331 – 1332
Hindukalendrar
- Vikram Samvat	1968 – 1969
- Shaka Samvat	1835 – 1836
- Kali Yuga	5014 – 5015

1913 (romartal MCMXIII) var eit normalår som byrja på ein onsdag i den gregorianske kalenderen og eit normalår som byrja på ein tysdag i den julianske kalenderen.

Hendingar

Utlandet

1. januar: British Board of Film Censors byrja arbeidet sitt med å klassifisera og sensurera filmar.
13. januar: Militsgruppa Ulster Volunteer Force blei formelt skipa som ein reaksjon mot arbeidet for irsk sjølvstyre.
1. februar: Grand Central Terminal i New York opna etter ombygging som verdas største jernabanestasjon.
22. februar: Den meksikanske revolusjonen. President Francisco I. Madero og visepresident José María Pino Suárez blei drepne i eit attentat. General Victoriano Huerta tok over som leiar.
4. mars: Woodrow Wilson blei ny president i USA etter William Howard Taft.
18. mars: Kong Georg I av Hellas vart skoten av ein makedonsk anarkist i eit attentat i Saloniki. Sonen Konstantin vart ny konge.
3. mai: Premieren til Raja Harishchandra, den første indiske langfilmen, markerte byrjinga på indisk filmindustri.
29. mai: Vårofferet av Igor Stravinskij hadde premiere ved Théâtre des Champs-Élysées i Paris. Det modernistiske stykket forårsaka opptøyar.
30. mai: Den første balkankrigen blei avslutta då ein fredsavtale vart underteikna i London.
1. juni: Hellas og Serbia inngjekk ein allianse som skulle vara ved til 1924. Alliansen la grunnen for Den andre balkankrigen.
24. juni: Joseph Cook blei statsminister i Australia.
29. juni: Den andre balkankrigen braut ut då Bulgaria gjekk til åtak på sine tidlegare allierte Serbia og Hellas.
4. juni: Røysterett for kvinner. Emily Davison, ei britisk suffragette, sprang ut framfor kongen sin hest under Epsom Derby. Ho døydde av skadane 4 dagar seinare.
10. august: Makedonia blei delt som følgje av Den andre balkankrigen.
13. august: Harry Brearley i Sheffield fann opp rustfritt stål.

23. august: Den lille havfrue-statuen blei avduka i København i Danmark.
14. oktober: Ein eksplosjon ved Universal Colliery i Senghenydd i Sør-Wales drap 439 gruvearbeidarar.
31. oktober: Lincoln Highway, den første bilvegen gjennom heile USA, blei formelt opna.
6. november: Mohandas Gandhi blei arrestert då han leia ein marsj av indiske gruvearbeidarar i Sør-Afrika.
21. desember: Arthur Wynne publiserte eit «word-cross», det første kryssordet, i New York World.
30. desember: Italia sende Mona Lisa tilbake til Frankrike. Måleriet var blitt stole to år tidlegare av Vincenzo Perugia, ein italiensk nasjonalist.

Ny jordlov i Sør-Afrika (Natives Land Act) reserverte ca. 80 % av jorda til kvite.

Noreg

De Conservative Foreningers Centralstyre endra namn til Høire.
Røysterett for kvinner. Kvinner over 25 år fekk alminneleg stemmerett.
25. oktober - Stavanger Norsk Bibliotekforening blir stifta.

SSB samla mellom anna fylgjande fakta for 1913:^[1]

Folketalet i Noreg var 2 435 178.
61 294 born vart fødd.
6,4 prosent av nyfødde døydde før dei fylte eit år.
Eit nyfødd guteborn kunne forvente å bli 56 år, ei nyfødd jente 60 år.
Dei mest populære namna på nyfødde var Anna, Solveig, Astrid og Gudrun for jenter og Arne, Olav, Einar og Johan for gutar.
Det var 15 262 par som gifta seg, og 501 par som skilde seg.
Snitthøgda for rekruttar var 171,4 cm.
Det var ca. 1 500 studentar ved Kristiania universitet.
Eit kilo geitost kosta 1,56 kroner, og eit kilo potetmjøl kosta 0,47 kroner.