ალექსანდრე (სანდრო) ბრეგაძე (დ. 1 ოქტომბერი, 1971, თბილისი, საქართველოს სსრ, სსრკ) — ქართველი პოლიტიკოსი, ფილოსოფოსი.
1993 წელს დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ფილოსოფია-ფსიქოლოგიის ფაკულტეტი. პოლიტიკური კარიერის დასაწყისში „დემოკრატიული აღორძინების კავშირის“ წევრი, 1999-2004 წლებში საქართველოს მე-5 მოწვევის პარლამენტის წევრი პარტიული სიით, საარჩევნო ბლოკი „საქართველოს აღორძინება“. იყო პარტია „თავისუფლების“ გენერალური მდივანი. 2010 წლის თბილისის საკრებულოს არჩევნებში კენჭს იყრიდა საბურთალოს მაჟორიტარულ ოლქში, სადაც ხმათა 4,51% მიიღო.[1] 2014-2016 წლებში იკავებდა დიასპორის საკითხებში საქართველოს სახელმწიფო მინისტრის მოადგილის პოსტს.[2][3] 2016 წელს მონაწილეობდა საპარლამენტო არჩევნებში „ქართული იდეის“ პარტიული სიით[4], კენჭს იყრიდა საბურთალოს მაჟორიტარულ ოლქში. 2017 წლიდან „ქართული მარშის“ ერთ-ერთი ლიდერი.[5]
რესურსები ინტერნეტში
სქოლიო
