Antonio Starabba, markgreifi af Rudini (6. apríl 1839 – 7. ágúst 1908) var ítalskur stjórnmálamaður og aðalsmaður og tvisvar forsætisráðherra Ítalíu. Hann var af ríkri sikileyskri landeigendafjölskyldu en tók afstöðu með Garibaldi og undirbjó innrás hans 1860. Hann var kjörinn borgarstjóri Palermó og barði niður uppreisn aðskilnaðarsinna 1866. 1868 var hann gerður að fylkisstjóra í Napólí.

1869 varð hann innanríkisráðherra í ríkisstjórn Menabrea. 1891 varð hann forsætisráðherra á eftir aðalkeppinauti sínum, Francesco Crispi, sem leiðtogi hægrimanna á þinginu. 1892 var honum velt úr sessi með atkvæðagreiðslu í þinginu og Giovanni Giolitti tók við. Ósigur Ítala í orrustunni við Adúa gerði honum kleift að mynda aftur stjórn 1896.

Wikimedia Commons er með margmiðlunarefni sem tengist Antonio Starabba.