Xosé Ramón Vázquez Sandes

Biografía
Nacemento	1 de setembro de 1929 Santa María de Neda, España
Morte	7 de outubro de 2016 (87 anos)
Actividade
Ocupación	político
Premios
(1999)  Medalla Castelao

Xosé Ramón Vázquez Sandes, nado en Santa María de Neda^[1] o 1 de setembro de 1929 e finado o 7 de outubro de 2016, foi un xuíz galego e Valedor do Pobo entre 2002 e 2007.

Ingresou na carreira xudicial no ano 1956 e o seu primeiro destino foi o xulgado de primeira instancia de Sepúlveda (Segovia)^[2]. Despois trasladouse a Salas de los Infantes (Burgos) e logo a Noia. Ascendeu a maxistrado no ano 1970 e foi destinado durante dous anos no xulgado de primeira instancia e instrución 2 de Badaxoz e a continuación incorporouse como maxistrado, a petición propia, á Audiencia Provincial de Pontevedra^[2].

En 1985 foi nomeado presidente da Audiencia Provincial de Salamanca, cargo que ocupou ata 1990, cando foi nomeado presidente do Tribunal Superior de Xustiza de Galicia (TSXG).

Xubilouse o 1 de setembro de 1999, ao cumprir os regulamentarios 70 anos, e durante os meses seguintes exerceu como maxistrado emérito do Tribunal Supremo.

O 19 de febreiro de 2002 foi nomeado Valedor do Pobo polo Parlamento de Galicia, cargo do que tomou posesión o 1 de marzo dese mesmo ano. Rematoulle o mandato en marzo de 2006, pero tivo que seguir en funcións durante máis dun ano pola falta dun consenso político na súa substitución, ata xullo de 2007^[2].

Estivo casado con María Carmen Cueto Álvarez-Santullano e tivo catro fillos.

• Medalla Castelao
• Cruz Distinguida de 1ª Clase e Cruz de Honra de San Raimundo de Peñafort
• Cruz do Mérito Policial
• Gran Cruz do Mérito Miliar.