PROFILPELAJAR.COM

Victor Mature
	;
Biografía
Nacemento	(en) Victor Joseph Maturi ; 29 de xaneiro de 1913 ; Louisville, Estados Unidos de América
Morte	4 de agosto de 1999 (86 anos); Rancho Santa Fe, Estados Unidos de América (pt)
Causa da morte	leucemia
Lugar de sepultura	Kentucky
Educación	St. Xavier High School (en) ; Kentucky Military Institute (en) ; Spencerian College (en)
Altura	187 cm
Actividade
Ocupación	actor, actor de televisión, actor de teatro, actor de cinema
Período de actividade	1939 - 1984
Partido político	Partido Republicano
Xénero artístico	Wéstern
Carreira militar
Conflito	segunda guerra mundial
Familia
Cónxuxe	valor descoñecido (1974–1999), morte da persoa; valor descoñecido (1959–1969), divorcio; valor descoñecido (1948–1955), divorcio; Martha Stephenson (1941–1943), divorcio; valor descoñecido (1938–1940), nulidade matrimonial
Premios
	Medalla da Campaña Americana; Medalla da Vitoria da segunda guerra mundial; Asiatic-Pacific Campaign Medal (en) ; European-African-Middle Eastern Campaign Medal (en) ; estrela no Paseo da Fama de Hollywood ;
Descrito pola fonte	Obálky knih,

Victor John Mature, nado en Louisville (Kentucky) o 29 de xaneiro de 1913 e finado en Rancho Santa Fe (California) o 4 de agosto de 1999, foi un actor estadounidense.

Traxectoria

Primeiros anos

Mature naceu en Kentucky. O seu pai, Marcello Gelindo Maturi, despois Marcellus George Mature, era un coiteleiro Pinzolo (actualmente en Italia, mais daquela no Imperio Austrohúngaro),^[1]^[2] que emigrou aos Estados Unidos coa súa familia en 1912, para fuxir da dominación austrohúngara. A súa nai, Clara P. (Ackley), nacera en Kentucky de orixe suíza.^[3]

Na súa mocidade, Mature traballou co seu pai na coitelaría e, ás veces, como pescador. Estudou na Academia Militar de Kentucky. Un dos seus compañeiros de clase era o futuro actor Jim Backus, que posteriormente dobrou a personaxe “Mr. Magoo”, no famoso debuxo animado da década de 1960.

Esperando converterse en actor, estudou no Playhouse de Pasadena. Conseguiu unha audición para unha proba coa intención de conseguir un papel en Foise co vento en 1939, mais perdeu contra o seu compañeiro do Playhouse, George Reeves, o futuro Superman da televisión na década de 1950.

Após algúns papeis pequenos, Mature conseguiu o éxito cos seus primeiros papeis principais, sobre todo entre o público feminino, que o consideraba “un pedazo de home” ou “o sorriso máis cativador do mundo”, grazas ao seu porte de 1,89 metros e os seus ombreiros largos. A crítica xamais o tomou en serio como actor (e el mesmo admitía que non actuaba ben), aínda que converteu nun dos actores máis populares e solicitados por grandes directores nas décadas de 1940 e 1950, debido á súa masculina presenza na pantalla.

Segunda guerra mundial

Como moitos outros astros de Hollywood que se alistaron no Servizo de Guerra, como James Stewart, Alan Ladd e Clark Gable, Victor Mature intentou alistarse na armada durante a segunda guerra mundial, mais foi rexeitado polo seu daltonismo. Alistouse entón na garda costeira, onde serviu nun navío de transporte de tropas. Atravesou o Atlántico norte, incluída Normandía, o Mediterráneo e o Caribe. Estaba en Okinawa cando se lanzou a bomba atómica sobre o Xapón.

Volta a Hollywood e consagración

Coa fin da guerra, volveu a Hollywood e traballou máis que nunca. Os seus papeis en My Darling Clementine, de John Ford, en 1946, e Kiss of Death, de Henry Hathaway, que fora desenvolvida como vehículo para el,^[4] foron considerados os seus traballos máis destacados. Posteriormente, pasou a realizar papeis máis exóticos, principalmente en épicos, como Samson and Delilah, de Cecil B. DeMille (1949),^[5] The Robe, de Henry Koster (1953),^[6] Demetrius and the Gladiators, de Delmer Daves (1954) e The Egyptian, de Michael Curtiz (1954). Ata que xurdiu Charlton Heston, Mature foi o astro dominante do cinema “épico bíblico” que triunfaba en Hollywood. Mature aínda actuou en diversos filmes de comedia, criminais, guerra e western, interpretando aventureiros, cowboys, policías, soldados e mesmo nativos americanos. Xamais foi unha estrela con pretensións artísticas, mais continuou a se manter como un dos actores de máis éxito de público na década de 1950.

A partir da década de 1960, Mature diminiuíu o seu ritmo de traballo no cinema, interesándose máis en se dedicar ao golf e ao ramo imobiliario, onde destacou como corretor, mesmo abrindo a súa propia firma. En 1966, aceptou facer unha parodia del mesmo, interpretando un actor de mediana idade aínda tratando de facer de galán no filme Caccia alla volpe, dirixido por Vittorio De Sica.

O golf e os seus últimos anos

Mature dedicouse ao golf, e sempre dicía que era máis fácil xogar que actuar: "Realmente, eu son un xogador de golf. Esta é miña ocupación real. Eu nunca fun un actor, pregunte a calquera, particularmente, a todos os críticos".^[7]

Coa aceptación ou non da crítica, en 1984 Mature fixo un descanso no seu deporte favorito e fixo unha pequena interpretación nun telefilme, un remake de Samson and Delilah, onde aos 71 anos de idade interpretou o pai de Sansón. Foi o seu último traballo como actor.

Lonxe da vida artística e das axitacións de Hollywood, levou unha vida sinxela nos seus últimos anos, morando coa súa familia no seu rancho de Santa Fe, California. Victor Mature morreu o 4 de agosto de 1999, aos 86 anos de idade, de leucemia, deixando a súa esposa Loretta e a súa filla Victoria. O actor foi sepultado no memorial da familia Mature, en Kentucky.

Vida persoal

Victor Mature casou en cinco ocasións:^[8]

En 1938 casou coa actriz Frances Charles, matrimonio que foi anulado en 1940.
O ano seguinte, casou con Martha Stephenson Kemp, viúva do músico Hal Kemp, con quen estivo ata 1943, cando se divorciaron.^[9]
En 1948, con Dorothy Stanford Berry, de quen se divorciou en 1955.^[10]
Catro anos despois, en 1959, contraeu nupcias con Adrienne Joy Urwick, con quen ficou casado ata 1969, cando novamente se divorciou.
En 1974, casou con Loretta Sebena, con quen tivo a súa única filla, Victoria (nada en 1975), e con quen viviu o resto da súa vida.^[11]

É probábel que os tres primeiros divorcios fosen motivados polas aventuras amorosas de Mature fóra dos platós. Sábese que tivo relacións coas actrices Lana Turner, Susan Hayward, Rita Hayworth e Esther Williams. Williams, célebre estrela dos musicais da Metro, contou na súa autobiografía detalles explícitos da súa relación con Mature durante a rodaxe de Million Dollar Mermaid. Segundo Williams, o actor fixo o amor con ela, en plena madrugada, nunha praia que servía de localización para o filme mentres o resto do equipo e do elenco durmía, e que el foi un dos homes que máis a satisfizo nunha relación.

Filmografía

Longametraxes
Ano	Título	Personaxe	Compañía	Notas
1939	The Housekeeper's Daughter	Lefty	Hal Roach Studios
1940	One Million B.C.	Tumak	Hal Roach Studios	Título alternativo: Cave Man
1940	Captain Caution	Dan Marvin	Hal Roach Studios
1940	No, No, Nanette	William Trainor	RKO Studios
1941	I Wake Up Screaming	Frankie Christopher (Botticelli)	20th Century Fox	Título alternativo: Hot Spot
1941	Shanghai Gesture, TheThe Shanghai Gesture	Doctor Omar	United Artists
1942	Song of the Islands	Jeff Harper	20th Century Fox
1942	My Gal Sal	Paul Dresser	20th Century Fox
1942	Footlight Serenade	Tommy Lundy	20th Century Fox
1942	Seven Days' Leave	Johnny Grey	RKO
1943	Show Business at War	El mesmo		Curtametraxe
1946	My Darling Clementine	Doc Holliday	20th Century Fox
1947	Moss Rose	Michael Drego	20th Century Fox
1947	Kiss of Death	Nick Bianco	20th Century Fox
1948	Fury at Furnace Creek	Cash Blackwell / Tex Cameron	20th Century Fox
1948	Cry of the City	Tte. Candella	20th Century Fox
1949	Easy Living	Pete Wilson	RKO
1949	Red, Hot and Blue	Danny James	Paramount
1949	Samson and Delilah	Samson	Paramount
1950	Wabash Avenue	Andy Clark	20th Century Fox
1950	Stella	Jeff DeMarco	20th Century Fox
1951	Gambling House	Marc Fury	RKO
1952	The Las Vegas Story	Tte. Dave Andrews	RKO
1952	Something for the Birds	Steve Bennett	20th Century Fox
1952	Million Dollar Mermaid	James Sullivan	MGM
1952	Androcles and the Lion	Captain	RKO
1953	The Glory Brigade	Tte. Sam Pryor	20th Century Fox
1953	Affair with a Stranger	Bill Blakeley	RKO
1953	Robe, TheThe Robe	Demetrius	20th Century Fox	Primeiro filme en CinemaScope
1954	The Veils of Bagdad	Antar	Universal
1954	Dangerous Mission	Matt Hallett	RKO	Título alternativo: Rangers of the North
1954	Demetrius and the Gladiators	Demetrius	20th Century Fox	Secuela de The Robe
1954	Egyptian, TheThe Egyptian	Horemheb	20th Century Fox
1954	Betrayed	"The Scarf"	MGM
1955	Chief Crazy Horse	Cabalo Tolo	Universal
1955	Violent Saturday	Shelley Martin	20th Century Fox
1955	The Last Frontier	Jed Cooper	20th Century Fox
1956	Safari	Ken Duffield	Warwick Films
1956	The Sharkfighters	Tte. Comandante Ben Staves	United Artists
1956	Zarak	Zarak Khan	Warwick Films
1957	Interpol	Charles Sturgis	Warwick Films	Título alternativo: Pickup Alley
1957	Long Haul, TheThe Long Haul	Harry Miller
1958	No Time to Die	Sgt. David H. Thatcher	Warwick Films	Título alternativo: Tank Force
1958	China Doll	Captain Cliff Brandon	Romina Productions, empresa propia de Mature
1958	Escort West	Ben Lassiter	Romina Productions
1959	The Bandit of Zhobe	Kasim Khan
1959	Big Circus, TheThe Big Circus	Henry Jasper "Hank" Whirling	Allied Artists
1959	Timbuktu	Mike Conway
1959	Hannibal	Haníbal		Título alternativo: Annibale
1962	The Tartars	Oleg	MGM
1966	After the Fox	Tony Powell
1968	Head	The Big Victor
1972	Every Little Crook and Nanny	Carmine Ganucci	MGM
1976	Won Ton Ton, the Dog Who Saved Hollywood	Nick	Paramount	cameo
1979	Firepower	Harold Everett		cameo

Notas

↑ 1920 U.S. Census, Louisville Ward 4, Jefferson, Kentucky; Roll: T625_578; Page: 1B; Enumeration District: 98; Image: 1039
↑ World War I Draft Registration, Jefferson County, Kentucky; Roll: 1653508; Draft Board: 3
↑ 1900 U.S. Census, Louisville Ward 4, Jefferson, Kentucky; Roll: T623 529; Page: 10A
↑ "Mature Will Star in 'Kiss of Death': Fox Buys Story of Convict by Lawrence Blaine for Actor --Hathaway to Direct". New York Times. 12 de novembro de 1946. p. 53.
↑ Koury, Phil (20 de xuño de 1948). "HAIRCUT BY DE MILLE: Biblical Strong Man Meets Tough Foe in Director". New York Times. p. X3.
↑ "Victor Mature to Do 'Story of Demetrius'" Hopper, Hedda. Los Angeles Times 10 de xaneiro de 1953: 14.
↑ Shipman, David. The Great Movie Stars: The International Years. St. Martin's Press, 1972, p. 330
↑ Harmetz, Aljean (12 de decembro de 1971). "Victor Mature—Fresh Out of Rancho Santa Fe". Los Angeles Times. p. Z1.
↑ "Victor Mature Divorced". The Sydney Morning Herald (32,802) (New South Wales, Australia). 12 de febreiro de 1943. p. 6. Consultado o 8 de xullo de 2016 – vía National Library of Australia.
↑ 'Victor Mature's Wife Wins Divorce, $500,000: Judge Grants Decree After Hearing Her Testify He Often Flew Into Rages in Public', Los Angeles Times 9 de novembro de 1955: A1.
↑ Natale, Richard (10 de agosto de 1999). "Victor Mature dies at 86". variety.com. Consultado o 28 de febreiro de 2020.