Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde abril de 2023.)

Robert A. Heinlein

Biografía
Nacemento	(en) Robert Anson Heinlein 7 de xullo de 1907 Butler, Estados Unidos de América (pt)
Morte	8 de maio de 1988 (80 anos) Carmel-by-the-Sea, Estados Unidos de América
Causa da morte	insuficiencia cardíaca
Residencia	Colorado Springs Santa Cruz
Relixión	Ateísmo
Educación	Academia Naval dos Estados Unidos (pt) - enxeñaría (1925–1929)
Actividade
Campo de traballo	Literatura
Ocupación	escritor, oficial da armada, crítico literario, guionista, ensaísta
Período de actividade	1939 - 8 de maio de 1988
Partido político	Partido Demócrata
Xénero artístico	Ciencia ficción, Fantasía, ficção científica militar (pt) e literatura xuvenil
Pseudónimo literario	Anson MacDonald Caleb Saunders John Riverside Lyle Monroe Simon York
Obra
Obras destacables (1941) The Puppet Masters (en) (1951) Stranger in a Strange Land (pt) (1956) Double Star (en) (1958) Have Space Suit—Will Travel (en) (1959) Starship Troopers (pt) (1962) Farnham's Freehold (en)
Familia
Cónxuxe	Virginia Heinlein (1948–1988)
Premios
(2018)  Retro Hugo Award for Best Novel (en) , premiado polo traballo Beyond This Horizon (en) (2018)  Retro Hugo Award for Best Novella (en) , premiado polo traballo Waldo (en) (2017)  Prometheus Award - Hall of Fame (en) , premiado polo traballo Coventry (en) (2016)  Retro Hugo Award for Best Novelette (en) , premiado polo traballo The Roads Must Roll (en) (2016)  Retro Hugo Award for Best Novella (en) , premiado polo traballo "If This Goes On—" (en) (2003)  Prometheus Award - Hall of Fame (en) , premiado polo traballo Requiem (en) (2001)  Retro Hugo Award for Best Novel (en) , premiado polo traballo Farmer in the Sky (en) (2001)  Retro Hugo Award for Best Novella (en) , premiado polo traballo The Man Who Sold the Moon (en) (1998)  Science Fiction and Fantasy Hall of Fame (1998)  Prometheus Award - Hall of Fame (en) , premiado polo traballo Time Enough for Love (pt) (1996)  Prometheus Award - Hall of Fame (en) , premiado polo traballo Red Planet (en) (1987)  Prometheus Award - Hall of Fame (en) , premiado polo traballo Stranger in a Strange Land (pt) (1985)  Locus Award for Best Fantasy Novel (en) , premiado polo traballo Job: A Comedy of Justice (en) (1983)  Prometheus Award - Hall of Fame (en) , premiado polo traballo The Moon is a Harsh Mistress (pt) (1977)  Premio Inkpot (1975)  Damon Knight Memorial Grand Master Award (en) (1967)  Premio Hugo á mellor novela, premiado polo traballo The Moon is a Harsh Mistress (pt) (1962)  Premio Hugo á mellor novela, premiado polo traballo Stranger in a Strange Land (pt) (1960)  Premio Hugo á mellor novela, premiado polo traballo Starship Troopers (pt) (1956)  Premio Hugo á mellor novela, premiado polo traballo Double Star (en)
Sinatura
Descrito pola fonte	Obálky knih,

Robert Anson Heinlein, nado en Butler (condado de Bates, Missouri) o 7 de xullo de 1907 e finado en Carmel-by-the-Sea (condado de Monterrei, California) o 8 de maio de 1988, foi un escritor de ficción científica estadounidense, considerado por algúns críticosModelo:Uen entre os tres mellores de tódolos tempos xunto con Asimov e Clarke.

Foi o terceiro de sete irmáns, catro homes e tres mulleres. Pouco despois do seu nacemento a familia mudouse a Kansas City, onde recibiu a educación básica. Continuou os estudos na Academia Naval de Annapolis ata titularse en 1929 como enxeñeiro mecánico. O seu primeiro destino foi o USS Lexington, un dos dous primeiros portaaeronaves da armada estadounidense.

A súa andaina militar rematou cedo, en 1934 e con 27 anos, cando o retiran como non apto para o servizo por motivos médicos. Casou en 1932 con Leslyn MacDonald e atópase entón nos Ánxeles, retirado cunha pequena pensión, que non lle chega para manterse. Ata 1939 dedicouse a diversas ocupacións, entre elas unha breve incursión na política. Neste ano comeza a publicar ciencia ficción, co envío á revista Astounding Science-fiction do relato A liña da vida (Lifeline). En dous anos acada a fama no mundo da ciencia ficción, pero entón o seu país entra na segunda guerra mundial e Heinlein deixa a literatura para unirse de novo á Armada. Con todo volven a rexeitalo por motivos médicos. Finalmente consegue colaborar no esforzo bélico traballando como enxeñeiro civil na "Naval Air Experimental Station", preto de Filadelfia, un laboratorio de materiais da Armada. En canto a contenda termina, deixa o laboratorio, volve a California e busca axentes literarios para introducirse en novos mercados. E consegue o que quere, chegando a publicar no Saturday Evening Post, a revista que mellor paga e a máis prestixiosa da época. Isto supón un pulo para o xénero da ciencia ficción, que comeza así, da man de Heinlein, a saír do gueto.

Neste período Heinlein empeza a escribir os chamados "libros xuvenís", libros de aventuras para adolescentes. Tamén nestes anos complícase a súa situación persoal, chegando en 1948 a divorciarse de Leslyn. Enseguida volve a contraer matrimonio, con Virxinia Doris Gerstenfeld, á que coñecera no seu traballo durante a guerra. Este matrimonio durará ata o final da súa vida e Virxina converteráse ademais na principal colaboradora de Heinlein no seu traballo.

Instálase con ela en Colorado Springs e continúa escribindo. En 1948 crea un guión que foi levado ao cine coa súa colaboración o ano seguinte baixo o título Con destino á Lúa (Destination Moon). Durante os anos 50 conseguiu dous premios Hugo, un en 1956 por Estrela dobre (Double Star) e outro en 1959 por Tropas do Espazo (Starship Troopers), novela que, para sorpresa de Heinlein resulta polémica á vez que exitosa. En 1960 finaliza unha das súas obras máis importantes, Forasteiro en terra estraña (Stranger In A Strange Land) extensa novela que recorta a petición do editor e que a pesar diso gaña o premio Hugo de 1962.

En 1965 os Heinlein volven a California, esta vez a Santa Cruz. En 1967 gaña de novo o Hugo por A lúa é unha cruel amante (The Moon Is A Harsh Mistress). En 1970 unha peritonite case acaba coa súa vida, pero recupérase e en 1973 publica Tempo para amar (Time Enough For Love). Durante os anos seguintes Heinlein interrompe a súa produción de ficción, ata que en 1980 publica O número da besta (The Number of The Beast). Seguírona outras catro novelas ata que o 8 de maio de 1988 falece apraciblemente mentres dorme. As súas cinzas foron esparexidas sobre o océano Pacífico, e as de Virginia seguírono cando morreu en 2003.

Gañou catro premios Hugo por Estrela dobre (1956), Tropas do espazo (1960), Forasteiro en terra estraña (1962) e A lúa é unha cruel amante (1967). Foi elixido en 1974 Gran Mestre pola Asociación de escritores de ficción científica e fantasía dos Estados Unidos (SFWA), converténdose así no primeiro galardoado con esta distinción.

Habitualmente rigoroso en canto á base científica nas súas historias, ata as súas historias de fantasía conteñen unha estrutura científica lóxica. Unha das características que definen a súa escritura foi o introducir na temática da ficción científica a administración, a política, a economía, a lingüística, a socioloxía e a xenética. Foi tamén un dos abandeirados do individualismo, o cal quedaba reflectido na riqueza dos personaxes (exemplo claro é Lazarus Long), tanto en coñecementos, como en habilidades.

Outro dos temas recorrentes neste autor é cuestionar os costumes contemporáneos, culturais, sociais e sexuais, describindo sociedades con ideais bastante afastados dos da sociedade occidental da súa época. Estas ideas reflíctense en varios dos seus libros, como en Forasteiro en terra estraña ou O número da besta (1980).

Os títulos de obras literarias, musicais, filmes, videoxogos etc. contidos neste artigo deberían aparecer na súa forma orixinal, a non ser que exista versión en galego (consulte a base de datos de libros editados en España ou a lista de filmes con versión en galego). Colabore connosco neste artigo e noutros en condicións semellantes para que a Galipedia mellore e medre.

• Amos de monifates (1951)
• Estrela dobre (1956) (Premio Hugo, 1956)
• Porta ao verán (1956)
• Os fillos de Matusalén (1958) (ou As 100 vidas de Lazarus Long)
• Tropas do espazo (1959) (Premio Hugo, 1960)
• Forasteiro en terra estraña (1961) (Premio Hugo, 1962, publicado en versión orixinal en 1991)
• Ruta de gloria (1963)
• Os dominios de Farnham (1964)
• A lúa é unha cruel amante (1966) (Premio Hugo, 1967)
• Tempo para amar (1973)
• O número da besta (1979)
• Venres (1982)
• Job: Unha comedia de Xustiza (1984)
• O gato que atravesa as paredes (1985)

• Rocket Ship Galileo (1947)
• Cadete do espazo (1948)
• Rebelión no espazo (1949)
• Farmer in the Sky (1950) (Premio Hugo á mellor novela - 1951, 2001)
• A besta estelar (1954)
• A hora das estrelas (1956)
• Cidadán da galaxia (1957)
• Consegue un traxe espacial: viaxarás (1958)
• Filla de Marte (1963)

• A liña da vida (1939)
• Inadaptado (1939)
• Réquiem (1940)
• «Se isto continúa...» (1940)
• As estradas deben rodar (1940)
• Coventry (1940)
• Ocorren explosións (1940)
• Magic, Inc. (1940)
• Lóxica do Imperio (1941)
• Universo (1941)
• Solución insatisfactoria (1941)
• Os fillos de Matusalén (1941)
• «... tamén paseamos cans» (1941)
• Polos seus propios medios (1941)
• O sentido común (1941)
• A herdanza perdida (1941)
• Un acuario con peixes de cores (1942)
• Waldo (1942)
• A desagradable profesión de Jonathan Hoag (1942)
• Os verdes outeiros da Terra (1947)
• Jockey do espazo (1947)
• Colón foi un cretino (1947)
• «¡Que grande é estar de volta!» (1947)
• Os negros fosos da Lúa (1948)
• Cabaleiros, permanezan sentados (1948)
• Proba no espazo (1948)
• Dalila e o montador do espazo (1949)
• A longa garda (1949)
• O home que vendeu a Lúa (1950)
• A ameaza da Terra (1957)
• Todos vós, zombis... (1959)
• Raio de luz (1962)

Wikimedia Commons ten máis contidos multimedia na categoría:  Robert A. Heinlein