Meryl Streep
Irudi gehiago
Bizitza
Jaiotzako izen-deiturak	Mary Louise Streep
Jaiotza	Summit, 1949ko ekainaren 22a (75 urte)
Herrialdea	Ameriketako Estatu Batuak
Bizilekua	Connecticut Brentwood Connecticut Bernardsville New York
Lehen hizkuntza	ingelesa
Familia
Ama	Mary Wilkinson Streep
Ezkontidea(k)	Don Gummer  (1978ko irailaren 30a -  2017)
Bikotekidea(k)	ikusi John Cazale
Seme-alabak	ikusi Mamie Gummer Henry Wolfe Gummer Grace Gummer Louisa Gummer
Familia	ikusi Brooke Shields (lehengusina txiki)
Hezkuntza
Heziketa	Vassar College (en) 1971) Artean graduatu Yale School of Drama Yale Unibertsitatea 1975) Master of Fine Arts (en) Bernards High School (en)
Hizkuntzak	ingelesa
Irakaslea(k)	Gladys Greene Carmen De Lavallade Robert Lewis Estelle Liebling (en)
Jarduerak
Jarduerak	zinema aktorea, antzerki aktorea, telebista-aktorea, ahots-aktorea, aktorea, zinema ekoizlea eta telebista-ekoizlea
Jasotako sariak	ikusi Emakumezko aktore onenaren Oscar Saria  (1983) : Sophie's Choice Taldeko emakumezko aktore onenaren Oscar Saria  (1980) : Kramer vs. Kramer National Medal of Arts Donostia Saria (Zinemaldia)  (2008) Emakumezko aktore onenaren Oscar Saria  (2011) : The Iron Lady Golden Globe Award for Best Actress in a Motion Picture – Musical or Comedy  (2006) : The Devil Wears Prada Golden Globe Award for Best Actress in a Motion Picture – Musical or Comedy  (2009) : Julie & Julia AACTA Award for Best Actress in a Leading Role  (1989) : Evil Angels (en) Satellite Award for Best Actress – Motion Picture Musical or Comedy  (2006) : The Devil Wears Prada Screen Actors Guild Award for Outstanding Performance by a Female Actor in a Leading Role  (2009) : Doubt London Film Critics Circle Award for Actress of the Year  (2006) : The Devil Wears Prada Theatre World Award  (1976) Cecil B. DeMille Saria  (2017) New Jersey Ospe-aretoa Askatasunaren Domina Presidentziala  (2014ko azaroaren 24a) Kennedy Center Honors AFI Life Achievement Award  (2004) Rungstedlund Award  (1993) Princetongo Unibertsitateko honoris causa doktoregoa Arte eta letren komendadorea Golden Globe Award for Best Supporting Actress – Motion Picture  (1980) : Kramer vs. Kramer Aktoreen Sindikatuaren Sariak  (2003) Primetime Emmy Award for Outstanding Lead Actress in a Miniseries or a Movie  (1978) : Holocaust Honorary César  (2003) Emakumezko aktore onenaren saria (Cannesko Zinemaldia)  (1989) : Evil Angels (en) Silver Bear for Best Actress  (2003) : The Hours Crystal Award  (1998) Fellow of the American Academy of Arts and Sciences honorary doctor of Harvard University  (2010) MTV Movie Award for Best Villain  (2015) : Into the Woods (filma) BAFTA Award for Best Actress in a Leading Role  (1981) : The French Lieutenant's Woman (filma) Primetime Emmy Award for Outstanding Lead Actress in a Miniseries or a Movie  (2004) : Angels in America (en) Primetime Emmy Award for Outstanding Narrator  (2017) : Five Came Back (en) Izarra Hollywoodeko Ospearen pasealekuan BAFTA Award for Best Actress in a Leading Role  (2012) : The Iron Lady Golden Globe Award for Best Supporting Actress – Motion Picture  (2003) : Adaptation Golden Globe Award for Best Actress – Miniseries or Television Film  (2003) : Angels in America (en) Golden Globe Award for Best Actress – Motion Picture Drama  (1982) : The French Lieutenant's Woman (filma) Golden Globe Award for Best Actress – Motion Picture Drama  (1983) : Sophie's Choice Golden Globe Award for Best Actress – Motion Picture Drama  (2012) : The Iron Lady Arteetako Asturiasko Printzesa saria  (2023) Hasty Pudding Woman of the Year  (1980)
Kidetza	Arteen eta Zientzien Ameriketako Estatu Batuetako Akademia SAG-AFTRA (en) Screen Actors Guild (en)
Sinesmenak eta ideologia
Erlijioa	ateismoa
Alderdi politikoa	Ameriketako Estatu Batuetako Alderdi Demokrata

Meryl Louise Streep (Summit, 1949ko ekainaren 22a - ) Estatu Batuetako aktorea da. Hirutan irabazi du Oscar Saria, eta izendapenei dagokienez, errekorra dauka 21ekin. Hori guztia dela eta, bere belaunaldiko aktore hoberenetakotzat jotzen da Meryl Streep.^[1] Urrezko Globoetarako 31 izendapen jaso ditu, eta zortzi aldiz izan da irabazlea. Horrela, historian beste inork baino hautagaitza gehiago lortu ditu. Bere ibilbidean, besteak beste, bi SAG, bi BAFTA eta Grammy sarietarako bost izendapen ere izan ditu. 2004an American Film Institute erakundeak omendu zuen, interpretazio-arteen bidez kultura estatubatuarrari egindako ekarpenagatik, eta saria jaso zuen aktorerik gazteena izan zen. 2008an Donostia Saria jaso zuen.^[2] 2010ean, Arteen Domina Nazionala eman zion Barack Obamak.^[3]

Mary Wolf (Wilkinson) artista komertzialaren eta Harry William Streep, Jr., farmaziako exekutiboaren alaba zen. Aitaren arbasoak suediarrrak eta alemaniarrak ziren eta amarenak ingelesak, irlandarrak eta alemaniarrak.^{[4] [5]} Opera gogoko zuen.^[6] 12 urterekin hasi zen ahotsa lantzen eta institutuan hasi zen antzezten. 1971ean Vassar Collegen graduatu zen, New Yorken, antzerki eta jantzien diseinuan. Drama ikssketak egin zituen Yale Unibertsitatean, non arte ederretako masterra lortu zuen 1975ean.^[7]

Yalen graduatu ondoren, Streepek New York eta New Jerseyko antzerki-ekoizpen ugaritan parte hartu zuen, besteak beste, Shakespeare in the Park jaialdian Sam Waterston eta John Cazalerekin batera. 1975ean egin zuen debuta Broadwayn. Bi urte geroago bere lehen film luzean agertu zen, Julia (1977), baina The Deer Hunter (1978) filmarekin lortu zuen Streepek ezaguna izatea eta Oscarretarako lehen nominazioa, nahiz eta bere papera ez zen protagonista. Urte berean, Holokausto telebistako minisailetako protagonista izan zen, eta Emmy sari bat irabazi zuen.

Hurrengo 10 urteetan, Streepek Hollywoodeko aktore dramatiko onenaren ospea berretsi zuen. Kramer vs. Kramerren (1979) — seme gaztea utzi eta gero zaintza berreskuratzeko borrokan ari den ama gisa — eta Sophie 's Choice (1982) — nazien kontzentrazio-esparru batetik bizirik atera zen poloniar bat — interpretazioekin Akademia Sariak irabazi zituen, bigarren mailako aktorea eta aktore nagusia kategorietan. Emakume viktoriar bat erretratatu zuen The French Lieutenant 's Woman (1981) filmean, Silkwood-en (1983) ekintzaile bat eta Isak Dinesen daniar aristokrata Out of Africa (1985) filmean. Cannesko Zinemaldian eta New Yorkeko Zinema Kritikarien Zirkuluan emakumezko aktore onenaren saria irabazi zuen A Cry in the Dark (1988) filmean egindako antzezpen hunkigarriagatik. 1984 eta 1990 urteen artean sei People 's Choice Awards sari jaso zituen aktore faborito gisa.^[7]

Orduko Streepek zortzi izendapen zituen Oscarretarako, eta garai hartan izendapen gehien zituen aktoreetako bat izan zen. Dramaz gain, komedia ere egiten hasi zen, genero desberdinetan sartu zen, oso rol desberdinekin. The House of the Spirits(1993) filmean Jeremy Irons, Glenn Close, Winona Ryder eta Antonio Banderas aktoreekin aritu zen. Bille Augustek zuzendu zuen eta Isabel Allende idazle txiletarraren La casa de los Espíritus eleberrian oinarrituta dago.^[8] 1995ean, The Bridges of Madison County filmak arrakasta lortu zuen Clint Eastwoodekin batera.^[9]

The Hours (2002) filma Virginia Woolfen Mrs. Dalloway eleberrian oinarrituta zegoen. ^[10] 2003an, Streepek Akademiaren 13. saria jaso zuen. Oscar sarietarako beste izendapen bat lortu zuen (emakumezko aktore onenarena) The Devil Wears Prada (2006) filmarekin.^[11] 2008an, Mamma Mia! filma musikala egin zuen. ^[12] Eta, urte horren amaieran, Philip Seymour Hoffmanekin aritu zen Doubt filmean. ^[13]Azken film horrekin Akademia Sarirako beste izendapen bat lortu zuen. Gainera, Julia Child chef estatubatuarraren erretratua egin zuen Julie & Julia (2009) filmean, eta Urrezko Globo Saria eta Oscarretarako 16 izendapen jaso zituen.^[14][7]

The Iron Lady filmean (2011) Margaret Thatcher pertsonaia interpretatu zuen eta, horri esker, bere lehen BAFTA, Urrezko Globo bat eta bere hirugarren Oscarra lortu zituen.^{[15] [16][17][18]} 2015aren amaieran, Suffragette filmean, XIX. mendearen amaierako eta XX. mendearen hasierako Emmeline Pankhurst lider sufragista britainiarra interpretatzeko aukeratu zuten.^[19]

Bere ofizioan perfekzionista eta bere pertsonaien prestaketan zorrotz aritzen da.^[6]

2008ko irailaren 25ean Donostiara iritsi zen, bertako Zinemaldian Donostia Saria jasotzera.^[20]

Harro nago aktore izateaz, artearentzako une erabakigarri batean, kulturak hurbiltzeko beharrezkoa den elementu bat. (Meryl Streep)^[21]

Taula honetan ikus daitezke film bakoitzaren zuzendaria, enpresa ekoizlea eta beste izenburuak (gaztelaniaz, frantsesez):

• Oscar sarietarako 21 izendapen lortu ditu. Jack Nicholson eta Katherine Hepburn dira hurrengoak nominatuenen zerrendan, 12 izendapenekin.^[22][23]
• Urrezko Globoetarako izendapen errekorra du ere bai (30), horietatik 8 irabazi dituelarik, gizonezko edo emakumezko edozein aktorek baino gehiago.^[24]
• Bere lehenengo Oscar saria komunean ahaztu zuen galaren ondoren egindako festan.^[22]
• Aditua da hizkuntzak eta azentuak menderatzen: australiarra, britainiarra, italiarra, baita beste batzuk ere, hala nola poloniarra edo daniarra. ^[22]
• Ekintzailea da: 2011n The Iron Lady-n egindako lanagatik irabazitako soldata National Women’s History Museum-i eman zion.^[22]

Amonak hiru seme-alaba zituen eskolan, eta golf-zelaira joan eta aitona atera behar zuen eskolako batzarreko hauteskundeetara joan zedin, berak ezin izan baitzuen botoa eman. Hori oso presente izan dut nire bizitzan. Eskubideak kendu zizkiguteneko oroitzapen hori ikastea garrantzitsua da. (Meryl Streep) ^[25]

• Publikoki Trumpen aurka agertu da.^[24]
• Barnerakoia da.^[24]
• Sarritan, jendeak Meryl Streep eta Glenn Close aktorea nahasten ditu elkarren artean duten antzekotasunagataik.^[24]

• [Bideoa] Gala Premio Donostia - Meryl Streep - 56 edición 2008
• [Bideoa] Meryl Streep wins BAFTA for Leading Actress in 2012

Wikimedia Commonsen badira fitxategi gehiago, gai hau dutenak: Meryl Streep

• Webgune ofiziala