Kiev[2] (n'ucraín Київ, Kyiv, IPA: [ˈkɪjiu̯](escuchar))) ye la capital d'Ucraína y la ciudá más importante del país. Ta asitiada nel centru-norte del país, a la vera del ríu Dniéper. Con una población de 2 952 301 habitantes (1 xineru 2022)[3][4] y aproximao 3.650.000 na so área metropolitana, ye la séptima ciudá más poblada d'Europa.[5]
Alministrativamente, Kiev ye un "conceyu con un estatus especial" (Миста державного значения, Mista derjàvnoho znatxènnia, lliteralmente, ciudá d'importancia estatal), independiente del óblast de Kiev que lu arrodia. Kiev ye un centru industrial, científicu, educativu y cultural importante de la Europa del Este. Ye la sede de numberoses industries teunolóxiques, d'unes 200 instituciones d'educación superior y monumentos históricos conocíos perdayures. La ciudá tien una infraestructura de tresporte públicu estensa y altamente desenvuelta qu'inclúi un sistema de metro.
Historia
A lo llargo de la so historia, Kiev, una de les ciudaes más antigües de la Europa del Este, pasó per delles etapes de gran prominencia y de relativa escuridá. Considérase que la ciudá foi fundada nel sieglu V como una ciudá comercial na tierra de los primeros eslavos orientales, esto ye, los que s'autodenomaríen los Rus de Kiev. Gradualmente empezó a ganar prestíu como'l centru de la civilización eslava oriental, convirtiéndose del sieglu X a XII na capital cultural y política del Principáu de Kiev, l'estáu eslavu oriental de la edá media precursor directu del estáu ucraín modernu. La ciudá foi dafechu destruyida mientres la invasión mongola de 1240 y perdió la so influyencia nos siguientes sieglos.
.jpeg)
.svg)
.svg){kind=small}
.svg){kind=small}
.svg){kind=small}
