Viena[3][4] (n'alemán: Wien) ye la capital d'Austria y ún de los sos nueve estaos federaos (Bundesland Wien). Ye una ciudá asitiada a la vera del Ríu Danubiu, nel valle de los Montes de Viena, al pie de les primeres estribaciones de los Alpes.
Tien una población de 1 973 403 hab. (1 ochobre 2022)[5][6], siendo la mayor ciudá d'Austria. El so área metropolitana cuenta con 2,4 millones d'habitantes, población asemeyada a la de la ciudá en 1914.
La ciudá tien una llarga historia, yá que ye una de les más antigües capitales d'Europa, polo que cunta con un importante patrimoniu artísticu. Nel sieglu XIX foi una de les grandes capitales musicales del Mundu y a principios del sieglu XX meca de la filosofía y l'alderique políticu d'Occidente, asina como un de los principales centros culturales mundiales.
