You Don't Fool Me

You Don't Fool Me' è na canzuna dî Queen, pubbricata comu nonu sìngulu nna l'ùrtimu discu dû gruppu, Made in Heaven dû 1995. La canzuna fu pubbricata comu sìngulu ntô 1996. Chista è una di pochi canzuni ca sunnu stati scritti e riggistrati doppu l'album Innuendo, la canzuna fu scritta di tuttu lu gruppu, sutta la supirvisioni di David Richards. Fu nu successu munniali e arrivò ô 1° postu nnâ classìfica taliana.

La canzuna fu scritta nnî primi misi dû 1991 (jinnaru – giugnu) 'n arcuni sissioni di riggistrazzioni succissivi a chiddi di l'album Innuendo, quinni pochi misi prima dâ morti di Freddie Mercury pi l'AIDS. Lu cantanti dû gruppu fu nzistenti cu l'àutri tri cumpunenti dû gruppu pi vuliri turnari 'n studiu, nustanti li so' cunnizzioni fùssiru oramai assai gravi, pi ncidiri quantu cchiù mùsica ca putìa fari. Di sti sissioni nasceru puru àutri tratti di l'album; A Winter's Tale e Mother Love.

Lu vidiu è ambientatu 'n nu night club unni nu giuvani omu ncontra a so ex zita e racconta li ricordi dâ so brevi rilazzioni. Lu tema dâ canzuna putissi èssiri a cuntinuazzioni dâ storia di pricidenti canzuni dî Queen, Play the Game e It's a Hard Life.