Body Language (Queen)

Body Language è na canzuna dû gruppu ngrisi li Queen, ca fa parti di l'album Hot Space dû 1982. Vinni pubbricata comu sìngulu lu 19 di aprili 1982. La canzuna fu scritta di Freddie Mercury e pubbricata comu secunnu sìngulu (latu A di "Life is Real (Song for Lennon)") dû discu.

La canzuna fa vidiri ê fans' li canciamenti dû sonu dû gruppu, trasfurmannu li canzuni 'n unu stili pop-dance.

Lu granni successu di Another One Bites the Dust spirau lu gruppo ô timpuraneu abbannunu dû clàssicu glam rock e sperimental rock, pi pruvari gèniri comu disco, funk e soul. Body Language fu unu di sti spirimenti. La canzuna fu sunata pochi voti di vivu, la prima vota duranti lu cuncertu a Vienna, lu 13 di maiu 1982.

Lu sìngulu fu nu granni successu 'n Amèrica dû Nord, ma 'n Europa nun ebbi la stessa furtuna, stu spirimentu nun fici piaciri

ê fans, la canzuna arrivau ô 25° postu nnî classìfichi ngrisi.

Nnî Stati Uniti lu vidiu causau granni pulèmichi, grazzi a li sfumaturi eròtichi cu òmini e fìmmini nìuri e surati, pi lu pirìudu (1982) la canzuna fu rifiutata dâ MTV, addivintannu lu primu vidiu musicali a èssiri cinzuratu di sta stazziuni tilivisiva.