Don't Stop Me Now

Don't Stop Me Now è na canzuna dû gruppu ngrisi li Queen, ca fa parti di l'album Jazz dû 1978. Fu pubbricata comu sìngulu ntô jinnaru 1979. La canzuna fu scritta di Freddie Mercury e riggistrata tra l'austu e lu sittèmmiru dû 1978 a Nizza, 'n Francia, ê Super Bear Studios di Berre-les-Alpes.

Innu libbiratoriu a qualsiasi tipu di sfrenatezza sessuali, musicalmente, la canzuna è basata supra la parti chianìstica di Mercury, cu John Deacon e Roger Taylor ô bassu e â battarìa. La traccia è nu esempiu lampanti dû carattarìsticu stili dî Queen, chinu d'arminìi vucali multitraccia.

Na virsioni 'n studiu, Brian May sona sulu 'n assolu di chitarra, ma duranti li spittàculi live nnô corsu dî Jazz Tour e Crazy Tour, May sunava puru la chitarra rittìmica nnô branu pi dunari na sunurità cchiù rock. Na virsioni live dâ canzuna s'attrova nna l'album dû 1978 Live Killers.

Don't Stop Me Now fu misa nnâ raccolta Greatest Hits I dû 1981, e ntô giugnu 2011, na vecchia take dâ canzuna câ maggiuri parti di chitarra fu misaa nna l'EP bonus dâ ristampa rimastirizzata di l'album “Jazz”.

• Ntô 2004 sta canzuna fu usata ntô film L'alba ri morti dementi (Shaun of the Dead).
• Ntô 2005 la canzuna era vutata comu "The Greatest Driving Song Ever" dî spittaturi di lu prugramma tilivisivu Top Gear dâ BBC, ma duranti li conzegni di lu premiu a Roger Taylor lu tìtulu dâ canzuna fu "tagghiatu", 'n Stop Me Now (significannu ca liggeva comu "Ferma mi ora" mmeci di "Nun ferma mi ora").
• Fu usata pi na pubblicità 'n Giappuni.
• Fu sunata 'n American Dad! nna l'episodiu, Roger e ju.
• Ntô vidiu clip, mentri li Queen sunavanu darreri ô palcu spuntaru dui cristiani chi nun cci avìssiru a èssiri.
• Ntô 2013 la canzuna è prisenti ntô spot' pubblicitariu dâ Visa.

• The Vandals fìciru na cover punk ntô 2004.
• Li Fobia nni fìciru na cover 'n spagnolu.
• La cover di McFly arrivau ô 1° postu ntô Regnu Unitu.
• Katy Perry la canta 'n alcuni live, macari ô Sanremo 2009.