I'm Going Slightly Mad

I'm Going Slightly Mad è na canzuna dî Queen, scritta di Freddie Mercury e pubbricata comu secunnu síngulu nnô discu Innuendo dû 1991. Fu pubbricata 'n virsioni síngulu, cu la b-side "Lost Opportunity", lu 4 di marzu dû 1991. La canzuna fu criata umurística e demenziali. La canzuna fu misa nnâ secunna raccolta di successi dû gruppu, lu Greatest Hits II, pubbricatu nnô stissu annu.

A li tempi dâ riggistrazzioni dû branu, a Freddie era già statu diagnosticatu ca la so malatía ô virus HIV (scuperta nnâ primavera dû 1987) si era trasfurmata 'n AIDS, lu cantanti fu custrettu a diri a virità a l'àutri cumpunenti dû gruppu ntô maiu dû 1989, cuntinuannu pirò a nigari ê mass media. Pari ca l'ironia prisenti nnâ canzuna avía 'n rialtati nu suttafunnu malincònicu, dû mumentu ca si tratta propiu dâ situazzioni física e mintali dû cantanti a li presi cu la malattía, dicennu ca stava adaciu pi mpazzìrisi («I'm going slighlty mad»).

Lu vidiu clip di I'm Going Slightly Mad è unu di cchiù famusi di lu gruppu, nzemi a chiddi di Bohemian Rhapsody e I Want to Break Free. Giratu ntô frivaru dû 1991, nnô vidiu si vídinu li cumpunenti dû gruppu vistuti 'n modu stranu: lu chitarrista Brian May cu nu beccu di pinguinu, lu battiristsa Roger Taylor cu nu bullituri dâ cucina 'n testa e 'n sella a nu triciclu, n'omu vistutu di gurilla, lu bassista John Deacon cu nu cappeddu di jolly, e Freddie Mercury vistutu cu na parrucca e nu cascu di banani 'n testa.

A lu mumentu dâ rializzazzioni dû vidiu clip, Freddie Mercury era assai malatu. Pi ammucciari li so cunnizzioni físichi, lu vidiu fu fattu 'n jancu e níuru e lu cantanti camuffatu cu assai truccu. La differenza dû succissivu vidiu clip di These Are the Days of Our Lives, 'n cui la malattía di Mercury si vidi chiaramenti, ca nun si vidi assai, dû mumentu ca lu cantanti stissu si movi assai ('n These Are the Days of Our Lives a so cunnizzioni di saluti lu purtò a stari fermu pi tuttu lu vidiu).