«Shapes of Things» er ein song skriven av Paul Samwell-Smith, Keith Relf og Jim McCarty og spelt inn av The Yardbirds. Han kom ut som singel i 1966.

Songen er ein av dei mest kjende songane til The Yardbirds på grunn av gitarsoloen til Jeff Beck med mykje fuzz og feedback, som ikkje var vanleg på denne tida.

Beck omarbeidde songen to år seinare med sitt eige band, og han vart første songen på solodebuten hans, Truth (1968), med vokal av Rod Stewart. Medlåtskrivar McCarty spelte òg songen på ny med bandet sitt The British Invasion All-Stars for albumet Yardbirds Family Tree i 2006.

I mars 2005 rangerte musikkmagasinet Q songen på 61. plass på lista over dei 100 største gitarsongane gjennom tidene.

Songen har vorte spelt inn fleire gonger. David Bowie spelte inn songen for albumet Pin Ups i 1973. Nazareth spelte songen på albumet Rampant i 1974. Gary Moore gjorde ei utgåve av Jeff Beck Group sin versjon i 1983 på albumet Victims of the Future og Jeff Healey Band spelte songen på Cover to Cover i 1995. The Black Crowes har spelt songen på konsert med gitarist Jimmy Page. I 2004 spelte Rush ei utgåve av songen på albumet Feedback.