PROFILPELAJAR.COM

Meldingar
Karakter
Allmusic
Christgau's Record Guide	(B+)
Pitchfork Media	(8.3/10)

Neil Young og Crazy Horse-kronologi
American Stars 'n Bars Studioalbum av Neil Young og Crazy Horse

Språk	engelsk
Utgjeve	27. mai 1977^[1]
Innspelt	13. desember 1974 til 4. april 1977
Studio	Quadrafonic i Nashville; Wally Heider Studios i Hollywood; Broken Arrow Ranch i Redwood City i California; Indigo Recording Studio i Malibu
Sjanger	Heartland rock countryrock folkrock bluesrock
Lengd	37:54
Selskap	Reprise, Warner Bros.
Produsent	Neil Young, David Briggs, Tim Mulligan Elliot Mazer «Star of Bethlehem»
Long May You Run (1976)	American Stars 'n Bars	Decade (1977)

Singlar frå American Stars 'n Bars
«Hey Babe» Utgjeve: 1977 «Like a Hurricane» Utgjeve: 1977

American Stars 'n Bars er det åttande studioalbumet til den kanadiske musikaren Neil Young, gjeve ut på Reprise Records i 1977. Det bestod av innspelingar spreidde over to og eit halvt år, og inneheld mellom anna «Like a Hurricane», ein av dei mest kjende songane til Young. Albumet nådde 21. plassen på Billboard 200 og har selt til gullplate i USA.^[5]

Bakgrunn

Sommaren 1976 spelte Young inn eit album i lag med Stephen Stills, Long May You Run, og ein turné som enda brått. Han la så ut på den andre turneen sin det året i lag med Crazy Horse, men første halvdelen var 1977 var han ikkje på turné.^[6] Det førre albumet hans kom ut i november 1975 og etter å ha spelt inn fleire countryrocksongar i april, sette han saman songar frå forskjellige tidlegare innspelingar for å fylle opp resten av albumet.

I april 1977 vart Crazy Horse utvida til eit kortvarig band kalla «The Bullets» med pedalsteelgitaristen Ben Keith, fiolinisten Carole Mayedo og korvokalistane Linda Ronstadt og Nicolette Larson.

Innhald

«Homegrown» og «Star of Bethlehem» var føst meint for eit skrinlagd album, Homegrown.^[7]^[8] Begge desse songane, og «Like a Hurricane», «Hold Back the Tears» og «Will to Love», var òg meint for eit anna skrinlagd album, Chrome Dreams. Sju av dei ni spora vart spelt nin med det faste bandet hans, Crazy Horse, og ein annan vart spelt inn med countrystjerna Emmylou Harris. Songane frå april 1977 er alle i countrystil.

Plateomslaget vart designa av skodespelaren og den nære venen til Young, Dean Stockwell, som òg hadde skrive manuset som inspirerte til After the Gold Rush. På omslaget kan ein sjå Connie Moskos, som då var kjæraste med produsenten David Briggs som held ei flakse kanadisk whisky i hand og ein full Young som har pressa andletet sitt mot ei glasdør.

Mottaking

Albumet fekk god kritikk då det kom ut og vart skildra som «ein prøve...med dei forskjellige stilane til Young»,^[9] eller «ei suppe».^[8] Paul Nelson skreiv for Rolling Stone om dei mange stilartane på albumet og hylla den «stormande gitaren» på «Like a Hurricane»:

Ein kan nesten sjå på albumet som eit utval, men ikkje ei oppsummering av dei forskjellige stilartane til Young frå After the Gold Rush og Harvest (mykje av det countryrock) til On the Beach (den utrulege «Will to Love») til Zuma («Like a Hurricane» er ein verdig oppfølgjar til «Cortez the Killer») med mykje overlapping i songane.^[9]

I følgje William Ruhlmann i ei melding for Allmusic

Neil Young gjorde eit poeng ut av å liste opp når songane vart innspelt på American Stars 'n Bars; datoane er til og med trykte på plateomslaget. Dei syner at songane hadde vorte spelt inn i fire bolkar heilt tilbake til 1974. Men sjølv med slik dokumentasjon, hadde det vore lett å seie at albumet er ei stilmessig suppe. Den første sida består av country-aktige songar med steelgitar og fele, samt korvokal frå Linda Ronstadt og den då ukjende Nicolette Larson, medan dei fire songane på side to varierer frå akustiske solosongar som 'Will to Love' til rockesongar som 'Like a Hurricane.' 'Will to Love' er eit særleg skummelt og ambisiøst stykke, som strekkjer den romantiske metaforen med ein laks som sym oppover ei elv til sju minuttar. Høgdepunktet på albumet er 'Like a Hurricane,' ein av dei klassiske hardrocksongane og gitarsoloane til Young, som har vorte ein konsertfavoritt.^[2]

Albumet vart først gjeve ut på CD, som HDCD, den 19. august 2003, som ein del av Neil Young sin Digital Masterpiece Series i lag med On the Beach, Hawks & Doves og Re-ac-tor.

Innhald

Side ein

Framført av Neil Young, Crazy Horse og the Bullets.

Alle spor skrivne av Neil Young, utanom der andre er nemnde

Nr.	Tittel	Låtskrivar(ar)	Lengd
1.	«The Old Country Waltz» (innspelt april 1977)		2:58
2.	«Saddle Up the Palomino» (innspelt april 1977)	Neil Young, Tim Drummond, Bobby Charles	3:00
3.	«Hey Babe» (innspelt april 1977)		3:35
4.	«Hold Back the Tears» (innspelt april 1977)		4:18
5.	«Bite the Bullet» (innspelt april 1977)		3:30

Side to

Framført av Neil Young og Crazy Horse.

Nr.	Tittel	Lengd
1.	«Star of Bethlehem» (innspelt november 1974)	2:42
2.	«Will to Love» (innspelt mai 1976)	7:11
3.	«Like a Hurricane» (innspelt november 1975)	8:20
4.	«Homegrown» (innspelt november 1975)	2:20

Medverkande

Neil Young — vokal, gitar; munnspel på «Star of Bethlehem»; klokkespel, klaverinstrument, piano, vibrafon, trommer på «Will to Love»
Frank «Poncho» Sampedro — gitar alle spor utanom «Star of Bethlehem» og «Will to Love»; synthesizer på «Like A Hurricane»; korvokal på «Like A Hurricane» og «Homegrown»
Ben Keith — pedalsteelgitar på «The Old Country Waltz», «Saddle Up the Palomino», «Hey Babe», «Hold Back the Tears» og «Bite the Bullet»; Dobro, korvokal på «Star of Bethlehem»
Carole Mayedo — fiolin på «The Old Country Waltz», «Saddle Up the Palomino», «Hey Babe», «Hold Back the Tears» og «Bite the Bullet»
Billy Talbot — bass alle spor utanom «Star of Bethlehem» og «Will to Love»
Tim Drummond — bass på «Star of Bethlehem»
Ralph Molina — trommer alle spor utanom «Star of Bethlehem» og «Will to Love»; korvokal på «Like A Hurricane» og «Homegrown»
Karl T. Himmel — trommer på «Star of Bethlehem»
Linda Ronstadt, Nicolette Larson — korvokal på «The Old Country Waltz», «Saddle Up the Palomino», «Hey Babe», «Hold Back the Tears» og «Bite the Bullet»
Emmylou Harris — harmonivokal på «Star of Bethlehem»

Kjelder

Denne artikkelen bygger på «American Stars 'N Bars» frå Wikipedia på engelsk, den 28. oktober 2010 og 25. februar 2019.
- Wikipedia på engelsk oppgav desse kjeldene: