Broken Arrow er det 26. albumet til den kanadiske musikaren Neil Young, spelt inn i lag med Crazy Horse. Dei første tre songane er tre lange, strukturerte jammar, i liknande stil som tidlegare Crazy Horse-samarbeid som Everybody Knows This Is Nowhere, Zuma og Ragged Glory. Det siste sporet er eit konsertopptak av ein Jimmy Reed-song som vart spelt inn med ein liten publikumsmikrofon på ein liten «hemmeleg» konsert i California, for å gje han ei kjensle av piratopptak.[3][4]
På vinylutgåva og på CD-singelen «Big Time» finst bonussporet «Interstate». Dette var ein song frå innspelinga av Ragged Glory i 1990. Dette var det siste studioalbumet til Young på fire år.[5]
