Tal-Pietà (magħrufa ukoll bħala Pieta') hija belt żgħira fir-Reġjun Ċentrali ta’ Malta, li tinsab qrib il-periferija tal-belt kapitali Valletta. Pietà hija s-subborg l-aktar viċin għall-kapitali wara l-Furjana. Isem din-lokalità jiġi mil-kelma Taljana pietà li jfisser “ħniena”.
Deskrizzjoni
Tal-Pietà hija belt kostali żgħira li fiha sit partikolari ta’ interess storiku notevoli magħruf bħala Kamra tad-Dgħajjes (li bħalissa qed tintuża bħala restorant). Din tinsab fuq il-front tal-ilma. Viċin ferm tal-Marina di Valletta fejn qabel kien jitrakka l-vapur t' Ghawdex. F'din il-lokalità hemm l-isptar nazzjonali l-antik ta’ Malta, St. Luke’s. Ta’ interess storiku, u viżibbli f’diversi stampi antiki, hija l-kappella żgħira tal-Madonna tad-Duluri, li tmur lura għas-seklu sbatax u li għadha tintuża b’mod attiv sal-illum.
Diversi toroq fil-lokalità għandhom ismijiet bħal Santu Wistin u ommu, Santa Monika. L-imħażen tad-dgħajjes tal-għassa tal-Forzi Armati ta’ Malta jinsabu hawn f’Hay Wharf qrib il-Furjana. Fil-konfini ta’ Pietà hemm siti ta' mportanza bħal l-Orfanatrofju ta' Sant' Ursula, Ix-xandar nazzjonali PBS (Public Broadcasting Services) Villa Guardamangia, li serviet bħala r-residenza ta’ dak iż-żmien tal-Prinċipessa Elizabetta tar-Renju Unit (aktar tard ir-Reġina Elizabetta II), meta għexet f’Malta bejn l-1949 u l-1951, Il-Kumpless taċ-Ċimiterju ta' Braxia, huwa sit tal-Kummissjoni ta' l-Oqbra tal-Gwerra tal-Commonwealth. Hawn issib midfuna ħafna veterani mill-armata u forza navali Brittanica. Dan iċ-ċimiterju jinstab fil-Pietà. Il-Kwartieri Generali tal-Partit Nazzjonalista jinstab ukoll fil-Pietà.
Tal-Pietà huwa meqjus bħala subborg ta’ Ħamrun, l-Imsida, il-Furjana u l-Belt Valletta. Il-biċċa l-kbira tal-popolazzjoni residenti f’din il-lokalità f'dawn l-aħħar 30 sena ġiet minn din iż-żona.
.jpg)
