ტურიზმი სინგაპურის ეკონომიკის მნიშვნელოვან სექტორს წარმოადგენს. 2017 წელს ქვეყანას 17.4 მილიონ ტურისტზე მეტი ეწვია, რაც სინგაპურის მოსახლეობაზე სამჯერ მეტია.^[1] სინგაპურის ტურიზმისთვის გარემოსადმი მოფრთხილებაა დამახასიათებელი, რასაც ბუნებრივი და კულტურული მემკვიდრეობის ძეგლების კონსერვაციის პროგრამებით უზრუნველყოფს. ამასთან ერთად სინგაპურში კრიმინალური შემთხვევების მსოფლიოში ყველაზე დაბალი მაჩვენებელია.ქვეყნის ოთხ ოფიციალურ ენას შორისაა ინგლისურიც, რაც ტურისტებსა და ადგილობრივ მოსახლეობას შორის კონტაქტის დამყარებას ამარტივებს. მსოფლიო მასშტაბით სინგაპური მეხუთე ადგილზეა ყველაზე მონახულებად ქალაქებს შორის, ხოლო აღმოსავლეთ აზია-ოკეანეთის ქალაქებს შორის - მეორეზე.^[2]

მსოფლიო ეკონომიკური ფორუმის მოგზაურობისა და ტურიზმის კონკურენტუნარიანობის 2017 წლის მოხსენების მიხედვით სინგაპურს საუკეთესო მაჩვენებლები შემდეგ სვეტებში აქვს: საერთაშორისო ღიაობა (პირველი ადგილი), ბიზნეს გარემო(მე-2 ადგილი), მოგზაურობისა და ტურიზმის პრიორიტიზაცია (მე-2 ადგილი) და სახმელეთო და საზღვაო იფრასტრუქტუა (მე-2 ადგილი), ხოლო ყველაზე ცუდი მაჩვენებლებით ბუნებრივი რესურსებისა (103-ე ადგილი) და ფასების კონკურენტუნარიანობს (91-ე ადგილი) სვეტებში აქვს.^[3]

სინგაპურის ტურიზმის ფორუმის მონაცემებით 2014 წელს სინგაპურს 15 085 152 ვიზიტორი ეწვია,^[4] თუმცა ამ მონაცემებში ის მალაიზიელი ტურისტები არ არის გათვალისწინებული, რომლებიც სინგაპურში ჯაჰორი-სინგაპურისა და მალაიზია-სინგაპურის დამაკავშირებელი ხიდებით ჩავიდნენ. ეს მაჩვენებელი 2013 წლის მონაცემებთან შედარებით 3%-ით ნაკლებია, რაც ჩინეთიდან ჩამოსულ ტურისტთა კლებითაა გამოწვეული.

ვიზიტების საერთო მაჩვენებელმა 56 მილიონი დღე, 3%-იანი მაჩვენებელი შეადგინა, ანუ თითო ტურისტმა საშუალოდ 3.7 დღე გაატარა ტურიზმში. ტურისტთა 21% ერთდღიანი ტურის მონაწილეები იყვნენ, 79% კი ერთ დღეზე დიდხანს დარჩა სინგაპურში. ვიზიტორთა 78% საჰაერო ტრანსპორტით ჩამოფრინდა, 10% საზღვაო ტრასპორტით, ხოლო 12% - სახმელეთოთი. ვიზიტორთა ყველაზე დიდ ჯგუფს (მთლიანი რაოდენობის 23%) 25-დან 34 წლამდე ასაკის ტურისტები შეადგენდნენ. ტურისტთა 21% 35-44 , ხოლო 17% 45-54 წლის კატეგორიას მიეკუთვნებოდა.

ტურისტთა ძირითადი ნაწილი ხუთი უმსხვილესი ბაზრიდან: ინდონეზიიდან, ჩინეთის სახალხო რესპუბლიკიდან, მალაიზიიდან, ავსტრალიიდან და ინდოეთიდან ჩამოვიდა. 2016 წელს ჩინეთიდან სინგაპურში ჩასულ ტურისტთა რაოდენობამ ინონეზიიდან ჩასული ტურისტების რაოდენობას გადააჭარბა.^[5]

2014 წელს ტურიზმის სექტორის შემოსავალმა 23.6 მილიარდი სინგაპურული დოლარი შეადგინა, რაც 2010 წლის შემოსავალთან შედარებით 4.7 მილიარდი სინგ. დოლარით მეტია. შემოსავლების 24.7% გართობისა და სათამაშო ტურიზმის სექტორზე მოდის, განთავსების საშუალებებზე 22.5%, შოპინგზე - 17.4%, სასმელებისა და საჭმლის სექტორზე - 9.6%, ხოლო სამედიცინო საშუალებებზე (სამედიცინო ტურიზმი) - 4.2%.

მოზაურობისა და ტურიზმის კონკურენტუნარიანობის 2017 წლის მონაცემებით 136 ქვეყანას შორის 4.9 ქულით სინგაპური მეცამეტე ადგილზე იმყოფება (2015 წელს 141 ქვეყანას შორის სინგაპური მეთერთმეტე ადგილზე იყო, თუმცა კონკურენტუნარიანობის ინდექსი მაშინაც 4.9 ჰქონდა). სინგაპურში 12 051 929 საერთაშორისო ტურისტი ჩავიდა. საერთაშორისო ტურიზმის შემოსავლებმა 16 743 400 000 აშშ დოლარი შეადგინა, რაც თითო ტურისტის მიერ მოგზაურობის პერიოდში დახარჯულ 1 389,3 დოლარს უდრის. ამავე წლის მოხსენების მიხედვით მოგზაურობისა და ტურიზმის ინდუსტრიაში 158 381 სამუშაო ადგილია შექმნილი (მთლიანი სამუშაო ადგილების 4.3%).^[6]

წყარო: სინგაპურის ტურიზმის საბჭო.^[8]

ქვეყანა ან ტერიტორია	2000	2001	2002	2003	2004	2005	2006	2007	2008	2009	2010
ინდონეზია	1,313,316	1,364,380	1,393,020	1,341,747	1,765,324	1,813,569	1,922,217	1,962,055	1,765,429	1,745,330	2,305,149
ჩინეთი	434,336	497,398	670,099	568,510	880,259	857,814	1,037,201	1,113,956	1,078,742	936,747	1,171,337
მალაიზია[9]	564,750	578,719	548,659	439,437	537,336	577,987	634,303	645,774	647,480	764,309	1,036,918
ავსტრალია	510,347	550,681	538,408	392,906	561,163	620,255	691,632	768,490	833,156	830,299	880,486
ინდოეთი	346,360	339,828	375,697	309,487	471,244	583,590	658,902	748,728	778,303	725,624	828,903
იაპონია	929,895	755,766	723,431	434,087	598,840	588,535	594,406	594,514	571,040	489,987	528,817
ფილიპინები	181,032	190,630	195,564	176,585	245,918	319,971	386,119	418,775	418,938	432,072	544,344
ჰონგ-კონგი	285,975	276,157	265,970	226,260	271,691	313,831	291,474	302,110	278,115	294,420	387,552
ტაილანდი	246,750	260,958	263,866	235,826	341,989	379,040	356,367	353,416	333,905	317,905	430,022
აშშ	385,585	343,805	327,648	250,678	333,156	371,440	399,786	408,885	396,631	370,704	416,990
სამხრეთ კორეა	354,353	359,083	371,050	261,403	361,083	364,206	454,722	464,292	423,018	271,987	360,673
გაერთიანებული სამეფო	444,976	460,018	458,528	387,982	457,262	467,154	488,167	495,693	492,933	469,756	461,714
ვიეტნამი	31,837	34,633	40,652	44,420	105,803	150,626	165,105	203,210	239,299	265,414	322,853
ტაივანი	290,904	222,087	209,321	144,942	182,443	213,959	219,463	208,156	175,924	156,761	191,173
გერმანია	169,408	166,981	157,510	121,376	142,371	154,779	161,125	164,900	175,280	183,681	209,231

წყარო: სინგაპურის ტურიზმის საბჭო.^[7]

ქვეყანა ან ტერიტორია	2011	2012	2013	2014	2015	2016	2017
ჩინეთი	1,577,522	2,034,177	2,269,870	1,722,380	2,106,164	2,863,582	3,226,929
ინდონეზია	2,592,222	2,837,537	3,088,859	3,025,178	2,731,690	2,893,614	2,954,384
ინდოეთი	868,991	894,993	933,553	943,636	1,013,986	1,097,186	1,272,069
მალაიზია[9]	1,140,935	1,231,686	1,280,942	1,233,035	1,171,077	1,151,480	1,168,356
ავსტრალია	956,039	1,050,373	1,125,179	1,074,878	1,043,568	1,027,309	1,081,987
იაპონია	656,417	757,116	832,845	824,741	789,179	783,721	792,813
ფილიპინები	677,723	656,804	687,794	676,481	673,374	691,555	736,456
სამხრეთ კორეა	414,879	445,184	471,768	536,975	577,082	566,503	631,359
აშშ	440,576	477,213	491,946	484,912	499,509	516,276	565,250
ვიეტნამი	332,231	366,234	380,495	424,408	418,266	469,409	531,359
ტაილანდი	472,708	477,654	497,409	506,509	516,409	546,384	531,307
გაერთიანებული სამეფო	442,611	446,497	461,459	451,931	473,810	489,205	518,903
ჰონგ-კონგი	464,375	472,167	539,810	631,029	609,888	537,964	465,769
ტაივანი	238,488	282,203	350,308	337,431	378,026	394,174	395,549
გერმანია	219,952	252,433	251,560	263,513	286,732	328,762	342,336

ბრიტანეთის ყოფილ კოლონიის ტერიტორიაზე ბევრი ისტორიული და კულტურული ღრისშესანიშნაობა მდებარეობს. არქიტექტურაში ბრიტანული და რეგიონული გავლენა იგრძნობა. კულტურულ ღირსშესანიშნაობებს შორისაა: სულთანის მეჩეთი, სინგაპურის ერთ-ერთი ყველაზე მნიშვნელოვანი მეჩეთი, რომელიც 1826 წელს აიგო; ზეციური ბედნიერების სასახლე (Thian Hock Keng) - სინგაპურის ერთ-ერთი ყველაზე ძველი ტაძარი, რომელიც 1839 წელს აიგო და შრი მარიამანის ტაძარი, რომლის მშენებლობაც 1827 წელს დასრულდა და სინგაპურში მდებარე ყველაზე ძველი ინდუისტური ტაძარია. სხვა ისტორიულ ძეგლებს შორისაღსანიშნავია კრანჯის ომის მემორიალი, სამოქალაქო ომის მემორიალი, ვიქტორიას თეატრი და საკონცერტო დარბაზი და Istana Kampong Glam -ყოფილი მალაიური სასახლე.

სინგაპურში ქვეყნისა და რეგიონის ხელოვნებისა და ისტორიის ამსახველი ოთხი მთავარი მუზეუმი მდებარეობს. აზიური ცივილიზაციების მუზეუმში ჩინეთის, სამხრეთ-აღმოსავლეთ აზიის, სამხრეთ აზიისა და დასავლეთი აზიის მატერიალური ისტორიის ნიმუშებია წარმოდგენილი. პერანაკანის მუზეუმში პერანაკანის კულტურისა და მალაკაში, პენანგსა და სამხრეთ-აღმოსავლეთ აზიაში არსებული პერანაკანის თემების კულტურის ნიმუშებია გამოფენილი.^[10] სინგაპურის ეროვნული მუზეუმი ქვეყნის ყველაზე ძველი მუზეუმია, რომლის ისტორიაც 1849 წლიდან იწყება და ქვეყნის ერადქმნადობისა და სინგაპურის ისტორიის შესახებ ნიმუშებს მოიცავს.^[11] სინგაპურის ხელოვნების მუზეუმი თანამედროვე ხელოვნების მუზეუმია, რომელიც სინგაპურისა და სამზრეთ-აღმოსავლეთ აზიის ხელოვნებაზე ფოკუსირდება. სხვა მცირე მუზეუმებს შორის აღსანიშნავია ჩანგის მუზეუმი, რომელშიც მხატვრობის, ფოტოგრაფიისა და იაპონელების მიერ სინგაპურის ოკუპაციის ამსახველი სხვა ნიმუშების კოლექციებია წარმოდგენილი.^[12] მინტის სათამაშოების მუზეუმში კი 3000 სათამაშოს კოლექციაა წარმოდგენილი, რომელიც XIX-XX საუკუნეების ბავშვობის პერიოდს ასახავს.

• სინგაპური, ტურისტული მეგზური ვიკივოიაჟზე
• Singapore Tourism Board დაარქივებული 2014-02-09 საიტზე Wayback Machine.
• VisitSingapore.com – სინგაპურის ღირსშესანიშნაობათა ოფიციალური ვებსაიტი