Austur-Evrópa er ýmist skilgreind sem

• sá hluti Evrópu sem áður tilheyrði Austurblokkinni,
• þau lönd sem liggja á milli Mið-Evrópu og Rússlands (sérstaklega eftir upplausn Varsjárbandalagsins), eða
• lönd með svipaða menningu sem ná frá Úralfjöllum, eða austurmörkum Evrópuhluta Rússlands að
  • vesturlandamærum Samveldis sjálfstæðra ríkja eða
  • austurlandamærum Evrópubandalagsins.

Tölfræðideild Sameinuðu þjóðanna telur eftirfarandi lönd til Austur-Evrópu:

• Búlgaría
• Hvíta-Rússland
• Moldóva
• Pólland
• Rúmenía
• Rússland
• Slóvakía
• Tékkland
• Ungverjaland
• Úkraína

Eftirtalin lönd sem áður voru hluti af Austurblokkinni eru nú oft talin til annarra hluta Evrópu:

• Fyrrum Sovétlýðveldin Eistland, Lettland og Litháen eru nú oft talin til Norður-Evrópu fremur en til Austur-Evrópu.
• Pólland, Tékkland, Ungverjaland, Slóvakía og Slóvenía eru nú oft talin til Mið-Evrópu fremur en til Austur-Evrópu.
• Albanía, Bosnía og Hersegóvína, Búlgaría, Norður-Makedónía, Serbía, Svartfjallaland og Króatía eru talinn til Suðaustur-Evrópu eða Balkanskagans fremur en til Austur-Evrópu.

Ef notast er við skilgreiningarnar hér að ofan þá standa eftirtalin lönd eftir sem hlutar Austur-Evrópu:

• Hvíta-Rússland
• Moldóva
• Rússland
• Úkraína

  Þessi landafræðigrein er stubbur. Þú getur hjálpað til með því að bæta við greinina.