PROFILPELAJAR.COM

Xogos Olímpicos de 1984
Nome oficial	Spiller vun der XXIII. Olympiad
Tipo	Xogos Olímpicos de Verán
Mascota	Sam (pt)
Parte de	Xogos Olímpicos de Verán
Composto por	Voleibol nos Jogos Olímpicos de Verão de 1984; Saltos ornamentais nos Jogos Olímpicos de Verão de 1984; Handebol nos Jogos Olímpicos de Verão de 1984 +; ../... 29
Número de participantes	140; 6.829
Localización e Datas
Eventos olímpicos	221
Localización	Os Ánxeles (Condado dos Ánxeles) ; Los Angeles Memorial Coliseum (California)
País	Estados Unidos de América
Intervalo de tempo	28 de xullo de 1984 – 12 de agosto de 1984
Número de edición	23 (1984)
Aberto oficialmente por	Ronald Reagan
Xuramento feito por	Edwin Moses ; Sharon Weber (en)
Facho acendido por	Rafer Johnson
Outro
Páxina web oficial	olympics.com…
	← 1980 1988 →

Os Xogos Olímpicos de 1984 foron realizados na cidade dos Ánxeles, EUA, entre o 28 de xullo e 12 de agosto de 1984, sen a participación dos países da Europa Oriental, liderados pola URSS, ademais de países comunistas como Cuba, Corea do Norte e Etiopía, en resposta ó boicot liderado polos norteamericanos ós Xogos de Moscova, realizados catro anos antes.

A pesar do boicot, que prexudicou o nivel técnico de varias modalidades dominadas polos europeos do leste e polos cubanos, Os Ánxeles –candidata única á realización destes Xogos, debido ó receo xeral provocado polos grandes prexuízos económicos sufridos por Montreal nos seus Xogos Olímpicos de 1976- recibiu a presenza dun número récord de atletas, 6.829 (1566 mulleres, outro récord) de 140 países e foi cuberto por máis de 9.000 xornalistas de todo mundo.

A rica e suntuosa cerimonia de apertura, oficialmente feita polo presidente Ronald Reagan, un nativo do estado de California, sede dos Xogos, ocorreu no mesmo estadio olímpico, o Memorial Colyseum completamente remodelado, onde foron realizados xa os Xogos Olímpicos de 1932 e contou coa emoción da entrada da chama olímpica cargada pola neta de Jesse Owens, o máis emblemático dos heroes olímpicos americanos e gran nome dos Xogos Olímpicos de 1936 de Berlín, alén da inesquecible participación do home-foguete, nunha demostración da tecnoloxía dos anfitrións.

Mais o feito máis importante destes Xogos foi o anuncio, feito polo Presidente do Comité Organizador Peter Ueberroth meses após o seu termo, de que deran un beneficio de 200 millóns de dólares, alén do lucro indirecto á propia cidade, o que significaba que os Xogos Olímpicos poderían ser economicamente viables, afastando a sombra dunha extinción provocada pola imposibilidade económica que vagaba sobre eles.

Boicot

Despois dos Xogos Olímpicos de 1980, que foran boicoteados polos Estados Unidos e varios países do bloque capitalista, foi a quenda da Unión Soviética, Cuba, Alemaña Oriental e demais países do Pano de Aceiro e do mundo comunista para boicotearen os Xogos dos Ánxeles. Os soviéticos alegaron falta de seguranza ós seus atletas, e anunciaron súa decisión de non competir nos Xogos o 8 de maio de 1984.

Modalidades disputadas

Cadro de medallas

Cadro de Medallas
Posición	País				Total
1	Estados Unidos	83	61	30	174
2	Romanía	20	16	17	53
3	Alemaña	17	19	23	59
4	China	15	8	9	32
5	Italia	14	6	12	32
6	Canadá	10	18	16	44
7	Xapón	10	8	14	32
8	Nova Zelandia	8	1	2	11
9	Iugoslavia	7	4	7	18
10	Corea do Sur	6	6	7	19