Saul Perlmutter

Saul Perlmutter
	; (2011)
Biografía
Nacemento	22 de setembro de 1959 (65 anos); Champaign, Estados Unidos de América (pt)
Residencia	Berkeley
Educación	Universidade de California, Berkeley - física (–1986); Germantown Friends School (en) ; Universidade Harvard ; Greene Street Friends School (en)
Director de tese	Richard A. Muller
Actividade
Campo de traballo	Astrofísica
Ocupación	físico, astrofísico, catedrático, astrónomo, investigador
Empregador	Universidade de California, Berkeley, catedrático
Membro de	Academia das Artes e das Ciencias dos Estados Unidos (2007–); Academia Naciona de Ciencias dos Estados Unidos (Membro da Academia Nacional de Ciencias dos Estados Unidos) (2002–); Asociación Americana para o Avance das Ciencias ; Sociedade Estadounidense de Astronomía ; Sociedade Estadounidense de Física
Premios
	(21 de maio de 2019) honorary doctorate of Barcelona University (en) ; (17 de outubro de 2017) doutor honorário da Universidade Paris VII (pt) ; (2015) Fundamental Physics Prize (pt) ; (2014) doutor honorário da Universidade de Aix-Marselha (pt) ; (2011) Medalha Albert Einstein (pt) ; (2011) Premio Nobel de Física; (2010) Prêmio Dickson de Ciências (pt) ; (2010) Clarivate Citation Laureates; (2007) Prêmio Gruber de Cosmologia (pt) ; (2006) The Shaw Prize in Astronomy (en) ; (2006) Premio Feltrinelli; (2005) Medalla John Scott; (2002) Prêmio Ernest Orlando Lawrence (pt) ; Membro da Academia Estadounidense das Artes e as Ciencias; Membro da Sociedade Estadounidense de Física; membro da Asociación Estadounidense para o Avance da Ciencia ;

Saul Perlmutter, nado en Champaign-Urbana (Illinois) o 22 de setembro de 1959, é un astrofísico estadounidense do Laboratorio Nacional de Lawrence Berkeley, é profesor de física na Universidade de California, en Berkeley. Membro da Academia Estadounidense das Artes e as Ciencias foi elixido en 2003 a través da asociación americana para o avance científico. Membro da Academia Nacional de Ciencias dos Estados Unidos, imparte clases na Universidade de California.

Perlmutter compartiu en 2006 o premio Shaw en Astronomía e o Premio Nobel de Física 2011 con Adam Riess e Brian Schmidt por proporcionar probas sobre a aceleración da expansión do universo.

Formación

Perlmutter graduouse na Universidade Harvard en 1981 magna cum laude. Doutorouse en Ciencias Físicas en Berkeley en 1986.

A tese de Perlmutter tratou da hipótese sobre a existencia da estrela Némese, dirixido por Richard A. Muller.

Actividades científicas

Perlmutter liderou o Proxecto Supernova Cosmology no Laboratorio Nacional Lawrence Berkeley. Foron xunto co equipo de investigación High-Z Supernova quen acharon evidencias de que a expansión do universo está a acelerarse en base á observación das estrelas supernova de clase Ia do universo profundo.

As supernovas clase Ia fórmanse a partir de estrelas ananas brancas que incrementan a súa masa a partir dunha compañeira coa que forman un sistema binario ou múltiple, de tal forma que o incremento da masa, crea unha situación crítica máis alá do límite de Chandrasekhar, producindo unha inestabilidade e explotando.

Crese en xeral que as supernovas clase Ia teñen esencialmente unha mesma intensidade enerxética e lumínica, e pode asumirse que en todos os casos ven a ser practicamente o mesmo, polo que se ten calibrado unha medida estándar da luminosidade intrínseca.

Realizando medicións de magnitude aparente pode inferirse no coñecemento da distancia á que se acha a estrela, podéndose comparar co corremento a vermello do espectro é posible coñecer ademais a velocidade da supernova.

O proxecto Supernova Cosmology, concluíu do mesmo xeito que os seus competidores, en que as distantes supernovas ían máis atrasadas no seu movemento que a propia expansión do universo, en consecuencia, esta estase acelerando desde hai miles de millóns de anos, desde canto sucedeu o evento supernova.

Esta conclusión está a ser apoiada por outras liñas de investigación.

Perlmutter tamén lidera as investigacións no proxecto Supernova/Probas de aceleración, onde están a colaborar na construción dun satélite dedicado a localizar e estudar máis estrelas supernovas a gran distancia. Desa maneira poderán construír unha teoría máis consolidada acerca da aceleración na expansión do universo.

Tamén é partícipe do programa Berkeley de medición da Temperatura da Superficie da Terra, que axudará a comprender o recente quecemento global a través da realización de análise de datos climáticos.

Premios

2002 - Premio de Física E.O. Lawrence do Departamento de Enerxía dos Estados Unidos.
2003 - Científico californiano do ano.
2005 - Premio John Scott.
2005 - Premio Padua.
2006 - Premio Shaw en Astronomía, compartido con Adam Riess e Brian P. Schmidt.
2006 - Premio Internacional Antonio Feltrinelli.
2007 - Premio Gruber en Cosmoloxía, dotado con medio millón de dólares estadounidenses, a el e ó seu equipo, Schmidt e o equipo High-Z Supernova, polo descubrimento da aceleración da expansión do universo.
2011 - Premio Nobel de Física, compartido con Adam Riess e Brian P. Schmidt. O Premio Nobel está dotado cun premio económico de dez millóns de coroas suecas, equivalentes aproximadamente a un millón cen mil euros. Perlmutter obtivo a metade dese premio, mentres que Riess e Schmidt comparten a outra metade entre eles.^[1]
2011 - Foi mencionado para obter a Medalla Albert Einstein xunto con Adam Riess.