O sinal máis-menos^[1] (±) é un símbolo matemático empregado con distintos significados tamén noutros campos. Outro símbolo relacionado con este é o menos-máis (∓).

Unha versión do signo, coa palabra francesa "ou", aparece nunha obra de Albert Girard de 1626 e o signo na forma moderna foi empregado por William Oughtred en Clavis Mathematicae, en 1631.^[2]

En Matemáticas indica que un número ou unha expresión pode tomar dous valores, un positivo e un negativo, como na solución da ecuación x² = 1, que é x = ±1, é dicir, x = +1 ou x = –1.

Nalgúns casos emprégase para resumir dúas ecuacións, como na fórmula para resolver ecuacións de segundo grao: :${\displaystyle \displaystyle x={\frac {-b\pm {\sqrt {b^{2}-4ac}}}{2a}}.}$ que describe as dúas solucións da ecuación ax² + bx + c = 0.

Do mesmo xeito as dúas fórmulas trigonométricas

${\displaystyle \cos(A+B)=\cos(A)\cos(B)-\sin(A)\sin(B)\,}$

${\displaystyle \cos(A-B)=\cos(A)\cos(B)+\sin(A)\sin(B)\,}$

poden resumirse con

${\displaystyle \cos(A\pm B)=\cos(A)\cos(B)\mp \sin(A)\sin(B)}$

En Estatística e outras ciencias experimentais indica o erro aleatorio ou erro nunha medida, no caso da estatística a miúdo o desvío estándar.

En xadrez o símbolo ± indica vantaxe para o xogador branco, mentres o símbolo ∓ representa vantaxe para o xogador negro.

• Signos máis e menos
• Símbolos matemáticos