PROFILPELAJAR.COM

Guillerme I de Alemaña
	;
Nome orixinal	(de) Wilhelm I.
Biografía
Nacemento	(de) Wilhelm I. Friedrich Ludwig von Hohenzollern ; 22 de marzo de 1797 ; Berlín, Alemaña
Morte	9 de marzo de 1888 (90 anos); Berlín, Alemaña
Lugar de sepultura	mausoleum of Charlottenburg Park (en)
1º Monarca do Império Alemão (pt)
	18 de xaneiro de 1871 – 9 de marzo de 1888 ; ← sen valor – Frederico III de Alemaña →
7º Rei de Prusia
	2 de xaneiro de 1861 – 9 de marzo de 1888 ; ← Frederico Guillerme IV de Prusia – Frederico III de Alemaña →
Datos persoais
Relixión	Prussian Union of Churches (en)
Actividade
Ocupación	monarca
Membro de	Academia de Ciencias de Rusia
Carreira militar
Rango militar	coronel-general (pt)
Conflito	Guerra franco-prusiana ; Guerras napoleónicas
Outro
Título	Rei de Prusia ; Príncipe
Familia	Dinastía Hohenzollern
Cónxuxe	Augusta de Saxe-Weimar (1829–1888)
Parella	Elisa Radziwill
Fillos	Agnes Dettman; () Elisa Radziwill; Frederico III de Alemaña; () Augusta de Saxe-Weimar; Luísa da Prússia; () Augusta de Saxe-Weimar
Pais	Frederico Guillerme III de Prusia e Luísa de Mecklemburgo-Strelitz
Irmáns	Carlos de Prusia; Alberte de Prusia; Frederico Guillerme IV de Prusia; Alexandrina de Prusia; Alexandra Feodorovna; Luísa da Prusia; Frederica de Prusia; Ferdinando de Prusia
Premios
	Cabaleiro da Orde do Vélaro de Ouro; Cabaleiro de cuarta clase da Orde de San Xurxo do Imperio Ruso; Ordem da Águia Vermelha, 1.ª classe (pt) ; Knight of the Order of the Crown of Italy‎ (en) ; Cabaleiro da Orde dos santos Mauricio e Lázaro; Orde de Santo André; Orde da Aguia Branca; Orde de Santo Alexandre Nevsky; Orde da Aguia Negra; Order of St. Vladimir, 1st class (en) ;
	Sinatura
Descrito pola fonte	Enciclopedia Xudía de Brockhaus e Efron; Dicionario Enciclopédico Brockhaus e Efron; Pequeno Dicionario Enciclopédico de Brockhaus e Efron

Guillerme I de Alemaña e Prusia (en alemán: Wilhelm Friedrich Ludwig) nado en Berlín o 22 de marzo de 1797 e finado o 9 de marzo de 1888, foi rei de Prusia, desde o 2 de xaneiro de 1861 e emperador de Alemaña (Káiser), desde o 18 de xaneiro de 1871 até o seu falecemento.

Traxectoria

Segundo fillo do rei Frederico Guillerme III e da duquesa Luísa de Mecklemburgo-Strelitz. En 1829 casou coa princesa Augusta de Saxonia-Weimar-Eisenach con quen tivo dous fillos:

Frederico (1831-1888), emperador de Alemaña durante 1888 (9 de marzo - 15 de xuño).
Luísa de Prusia (1838-1923).

Serviu no exército prusiano desde 1814 e encomendáronselle algunhas misións diplomáticas desde 1815.

En 1857, o seu irmán o rei Frederico Guillerme IV sufriu unha crise que lle xerou problemas de saúde mental até a súa morte. Un ano despois, Guillerme tivo que facerse cargo da rexencia de Prusia.

Ao falecer Frederico Guillerme IV sen fillos varóns, o 2 de xaneiro de 1861, Guillerme accedeu ao trono de Prusia co nome de Guillerme I.

Antes da rexencia non interviñera en política. Xa no trono mostrouse favorable a unha política conservadora, designando como chanceler a Otto von Bismarck (1862), que foi na práctica quen levou as rendas da política e do proceso de unificación alemá.

Tras a Guerra franco-prusiana, Guillerme I de Prusia foi proclamado Emperador alemán (e non Emperador de Alemaña) o 18 de xaneiro de 1871 no salón dos espellos do Palacio de Versalles. A Confederación Alemá do Norte (1867-1871) transformouse no Imperio alemán ("Kaiserreich", 1871-1918). Fundouse un único Estado de carácter federal co rei de Prusia como xefe de Estado, co título imperial e "presidente" ou primus inter pares dos monarcas que se federaron dos reinos de Baviera, Wurtemberg, Saxonia, o Gran Ducado de Baden e o de Hesse. Tamén quedaron incorporadas as cidades libres de Hamburgo, Lübeck e Bremen.

Últimos anos e morte

En agosto de 1878, o tsar Alexandre II de Rusia, sobriño de Guillerme, escribiulle unha carta queixándose sobre o trato que recibiron os intereses rusos no Congreso de Berlín. En resposta, Guillerme, o seu fillo Frederico e a súa muller Augusta de Saxonia-Weimar-Eisenach viaxaron a Rusia (en contra das indicacións de Bismarck) para facer as paces cara a cara. Porén, ameazando unha vez máis con renunciar, Bismark favoreceu unha alianza máis estreita con Austria. En outubro, Guillerme aceptou o Zweibund entre Alemaña e Austria-Hungría que ía dirixido directamente en contra de Rusia.^[1]

Guillerme sufriu intento de asasinato o 18 de setembro de 1883, levado a cabo polos anarquistas, pero que non tivo éxito debido a que o clima húmido impediu o uso de dinamita.^[1]

A pesar dos intentos de asasinato e o impopular papel de Guillerme na revolución de 1848, el e a súa muller eran moi populares, especialmente nos últimos anos. Moitos considerábanos a personificación da antiga Prusia e admiraban o seu estilo de vida simple e austero.^[1].^[2] Guillerme finou o 9 de marzo de 1888 en Berlín tras unha breve enfermidade. Foi enterrado o 16 de marzo no Mausoleo do Parque de Charlottenburgo.

Títulos e tratamentos

1797-1861: A súa Alteza Real o príncipe Guillerme de Prusia
1861-1871: A súa Maxestade o rei de Prusia
1871-1888: A súa Maxestade Imperial e Real o emperador de Alemaña, rei de Prusia

Títulos completos

A súa Maxestade Imperial e Real Guillerme I, pola graza de Deus, emperador de Alemaña e rei de Prusia, margrave de Brandeburgo, burgrave de Núremberg, conde de Hohenzollern, duque soberano e supremo de Silesia e do Condado de Glatz; gran duque do baixo Rin e de Pousen, duque de Saxonia, de Westfalia, de Angria, de Pomerania, Lüneburg, Holstein e Schleswig, de Magdeburgo, de Bremen, de Güeldres, Cléveris, de Jülich e Berg; duque dos Wendos e os Casubios, de Crossen, Lauenburgo e Mecklemburgo; landgrave de Hesse e Turinxia, margrave da Alta e Baixa Lusacia; príncipe de Orange, príncipe de Rügen, de Frisia Oriental, de Paderborn e Pyrmont, de Halberstadt, Munster, Minden, Osnabrück, Hildesheim, de Verden, Cammin, Fulda, Nassau e Moer; conde principesco de Henneberg, conde da Marck, de Ravensberg, de Hohenstein, Tecklenburgo e Lingen, de Mansfeld, Sigmaringen e Veringen; señor de Frankfurt.^[3]^[4]

Devanceiros

Devanceiros de Guillerme I de Alemaña

16. Frederico Guillerme I de Prusia

8. Augusto Guillerme de Prusia

17. Sofía Dorotea de Hannover

4. Frederico Guillerme II de Prusia

18. Fernando Alberte II de Brunswick-Luneburgo

9. Luísa Amalia de Brunswick-Wolfenbüttel

19. Antonieta de Brunswick-Wolfenbüttel

2. Frederico Guillerme III de Prusia

20. Lois VIII de Hesse-Darmstadt

10. Lois IX de Hesse-Darmstadt

21. Condesa Carlota de Hanau-Lichtenberg

5. Frederica Luísa de Hesse-Darmstadt

22. Conde Palatino Cristián III de Zweibrücken

11. Condesa Palatina Carolina de Zweibrücken

23. Condesa Carolina de Nassau-Saarbrücken

1. Guillerme I de Alemaña

24. Adolfo Frederico II de Mecklemburg-Strelitz

12. Carlos Lois Frederico de Mecklemburgo-Mirow

25. Cristina Emilia de Schwarzburg-Sondershausen

6. Carlos II de Mecklemburgo-Strelitz

26. Ernesto Frederico I de Saxonia-Hildburghausen

13. Isabel Albertina de Saxonia-Hildburghausen

27. Condesa Sofía Albertina de Erbach-Erbach

3. Luísa de Mecklemburgo-Strelitz

28. Lois VIII de Hesse-Darmstadt (= 20)

14. Xurxo Guillerme de Hesse-Darmstadt

29. Condesa Carlota de Hanau-Lichtenberg (= 21)

7. Frederica de Hesse-Darmstadt

30. Conde Cristián Carlos de Leiningen-Dachsburg-Falkenburg-Heidesheim

15. María Luísa Albertina de Leiningen-Falkenburg-Dagsburg

31. Condesa Catalina Polixena de Solms-Rödelheim

Notas

↑ ^1,0 ^1,1 ^1,2 Deutsches Historisches Museum (ed.). "Biografie Wilhelm I (German)". Arquivado dende o orixinal o 05 de xullo de 2014. Consultado o 12 de xuño 2013.
↑ Feldhahn, Ulrich (2011). Kunstverlag Josef Fink, Lindenberg, ed. Die preußischen Könige und Kaiser (German). pp. 24–26. ISBN 978-3-89870-615-5.
↑ "Wilhelm II, Emperor of Germany (1859-1941)". Web.archive.org. Archived from the original on 22 de decembro de 2007. Consultado o 2013-11-05.
↑ Rudolf Graf v. Stillfried: Die Titel und Wappen des preußischen Königshauses. Berlin 1875.

Véxase tamén

Bibliografía

Röhl John C. G. Young Wilhelm: The Kaiser's Early Life, 1859-1888 (1998) online
Steinberg, Jonathan. Bismarck: A Life (2011)

Outros artigos

Ligazóns externas

Predecesor: Título de nova creación	Emperador de Alemaña 1871 - 1888	Sucesor: Frederico III
Predecesor: Frederico Guillerme IV	Rei de Prusia 1861 - 1888	Sucesor: Frederico III