Este artigo (ou sección) está desactualizado(a). A información fornecida mudou ou é insuficiente.

As referencias deste artigo non teñen un formato correcto. Podes colaborar editándoas como se indica nesta páxina. Pode axudar a mellorar este artigo e outros en condicións semellantes.

España tiña unha poboación de 46  934 632 ao 1 de xaneiro de 2019, segundo o Instituto Nacional de Estadística (INE).^[1] Trátase do quinto país máis poboado da Unión Europea^[2]; con todo, a súa densidade de poboación (92.7 hab/km² segundo Eurostat 2017) é menor que a da maioría doutros países da Unión Europea.^[3]

A idade media da poboación residente en España no ano 2006 era de 40,1 anos: 38,7 anos para os homes e 41,4 anos para as mulleres.^[6] O 15,3 % da poboación tiña menos de 16 anos, o 69 % tiña entre 16 e 65 anos, mentres que o 15,7 % da poboación tiña máis de 65 anos. Ameazada a sociedade española dun envellecemento irreversible da poboación, a chegada de inmigrantes desde os anos 1990 freou este proceso: a idade media da poboación estranxeira residente en España era de 32,8 anos no 2004, fronte a 41,0 anos de media dos nacionais.

As comunidades autónomas que presentaban unha maior porcentaxe de poboación maior de 65 anos eran, segundo INE 2006, Castela e León (22,60 %), Asturias (21,96 %), Galicia (21,48 %) e Aragón (20,47 %). Doutra banda, as rexións onde esta franxa de idade tiña un menor peso eran Melilla e Ceuta, as illas Canarias (12,35 %), a Murcia (13,80 %), Baleares (13,84 %), Madrid (14,48 %) e Andalucía (14,7 %).^[7]

Segundo a Organización Mundial da Saúde, no ano 2005 a esperanza de vida en España estaba situada nos 80,3 anos de media: 76,9 os homes e 83,6 as mulleres.^[8]

En total había no 2006 en España 22 608 498 mulleres (50,57 % do total da poboación) e 22 100 466 homes (49,43 %).^[6] O número de mulleres supera ao de homes en todas as comunidades autónomas agás nas Illas Baleares, Illas Canarias, Murcia, Castela-A Mancha e as cidades autónomas de Ceuta e Melilla. Os homes son maioritarios entre a poboación menor de 49 anos, mentres que a partir dos 50 anos as mulleres son máis numerosas.

• Ao nacemento: 1,07 homes/muller.
• Menos de 30 anos: 1,06 homes/muller.
• Entre 30 e 65 anos: 1,02 homes/muller.
• Máis de 65 anos: 0,73 homes/muller.
• Total poboación: 0,98 homes/muller.

Segundo os datos do INE para o 2005, téñense os seguintes datos relacionados coa natalidade en España:^[9]

• Taxa bruta de natalidade: 10,75 por mil.
• Taxa global de fecundidade: 41,95 por mil.
• Número medio de fillos por muller: 1,346
• Idade media ao nacemento do primeiro fillo: 29,33 anos.
• Idade media á maternidade: 30,90 anos.
• Porcentaxe de nados de nai non casada: 26,57 %.

Datos relacionados coa mortalidade en España para o ano 2005:^[9]

• Taxa bruta de mortalidade: 8,93 por mil.
• Taxa de mortalidade infantil: 3,79 por mil nados vivos.

As principais causas de mortalidade en España para o ano 2001 foron ^[10]

• Para homes, os principais grupos de causas de mortalidade foron os tumores (orixe do 32,5 % do total das defuncións), enfermidades do sistema circulatorio (29,63 %), enfermidades do sistema respiratorio (11,85 %), causas externas (5,91 %) e enfermidades do sistema dixestivo (5,34 %).
• Para homes, as causas concretas de mortalidade que provocaron un maior número de defuncións foron a isquemia cardíaca (11,56 %), o cancro de pulmón (8,63 %), enfermidades cerebro-vasculares (7,91 %) e a enfermidade pulmonar obstrutiva crónica (5,99 %).
• Para mulleres, os principais grupos de causas de mortalidade foron as enfermidades do sistema circulatorio (39,86 %), os tumores (21,47 %), enfermidades do sistema respiratorio (8,79 %) e enfermidades do sistema dixestivo (4,87 %).
• Para mulleres, as causas concretas de mortalidade que provocaron un maior número de defuncións foron as enfermidades cerebro-vasculares (12,68 %), a isquemia cardíaca (9,7 %), a insuficiencia cardíaca (7,36 %) e outras enfermidades do corazón (5,05 %).

O crecemento vexetativo da poboación española no 2005 foi do 1,82?.^[9]

A densidade de poboación en España (92.7 hab/km² segundo Eurostat 2017) é menor que a da maioría doutros países da Unión Europea.^[3] e a súa distribución ao longo do territorio é moi irregular.

Así, a poboación española concéntrase predominantemente en dúas zonas:

• Costa e zonas próximas: as zonas de costa e os vales próximos son as máis densamente poboadas e onde se atopan os principais núcleos de poboación e as súas áreas metropolitanas (exceptuando a Madrid), por exemplo Barcelona que estende a súa área de influencia por toda a costa catalá, Valencia, Alacant-Elx-Murcia, Sevilla-Cádiz-Málaga-Granada, Bilbao-Guipúscoa-Santander, Asturias, A Coruña-Vigo, Palma etc.
• Madrid: é unha zona moi poboada, a cidade principal é a maior de España e a súa área metropolitana é a cuarta maior da Unión Europea (só superada por París, Londres e a rexión do Ruhr), na cal atópanse cidades como Móstoles, Alcalá de Henares, Fuenlabrada, Alcorcón, Leganés, Xetafe etc., que superan os 100.000 habitantes. Esta zona é tan poboada grazas a que Madrid é a capital de España e a súa influencia esténdese xa polas provincias de Toledo e Guadalaxara formando unha ampla rexión metropolitana.

Con todo, todo o interior sofre problemas de despoboamento; nesta parte do territorio, soamente pódense destacar Zaragoza e Valladolid.

As sete provincias máis poboadas concentran ao 45% da poboación española, mentres que nas quince con menor número de habitantes (sen contar a Ceuta e Melilla) só vive o 8% do total. Só dúas (Lugo e Huelva) das vinte e dúas provincias menos poboadas teñen costa, mentres que, salvo Madrid, Sevilla e Zaragoza as quince provincias máis poboadas teñen todas acceso ao mar.

As áreas metropolitanas que excedían en 2005 os 300.000 habitantes son as seguintes:^[13]

Ademais, para as dúas maiores áreas metropolitanas, pódese falar dun territorio máis extenso que as engloba: trátase da Rexión urbana de Madrid (con 6 380 229 habitantes) e da Rexión urbana de Cataluña (con 5 239 927 habitantes).

Os municipios de máis de 100.000 habitantes en 2016 (segundo o INE) son os seguintes:

Clasificación dos municipios españois segundo a densidade demográfica de habitantes por quilómetro cadrado no territorio do municipio en 2013:^[14]

Clasificación dos municipios de máis de 200.000 habitantes en 2016 segundo a densidade demográfica de habitantes por quilómetro cadrado no territorio do municipio:

Illas de España por poboación (INE 2014):

Desde 1976, o afundimento da taxa de fertilidade provocou un enlentecimiento no crecemento da poboación española, chegándose a prever a ameaza dun crecemento negativo para o 2030. Con todo, a chegada masiva de inmigrantes desde finais dos noventa permitiu un novo aumento no número de habitantes do país: de feito, este fenómeno provocou unha taxa de crecemento, en torno ao 1,7% anual desde o 2001, máis ben propia de países africanos ou asiáticos. O crecemento vexetativo, aínda baixo, empezou a crecer grazas á maior taxa de fertilidade dos novos residentes.

• 
  Distribución xeográfica do crecemento da poboación española entre 1857 e 2005
• 
  Evolución demográfica de España entre 1900 e 2005
• 
  Distribución xeográfica do crecemento da poboación española entre 1787 e 1857
• 
  Distribución xeográfica do crecemento da poboación española entre 1857 e 1887
• 
  Distribución xeográfica do crecemento da poboación española entre 1887 e 1920
• 
  Distribución xeográfica do crecemento da poboación española entre 1920 e 1950
• 
  Distribución xeográfica do crecemento da poboación española entre 1950 e 1981
• 
  Distribución xeográfica do crecemento da poboación española entre 1981 e 2005

Segundo o censo INE 2006, o 9,27% da poboación de España é de nacionalidade estranxeira. A inmigración a gran escala empezou a mediados da década dos noventa; desde o 2000, España recibiu o segundo maior número de inmigrantes de todo o mundo en termos absolutos (tras Estados Unidos) e a taxa de inmigración máis elevada do planeta. A maioría dos inmigrantes que chegan a España proveñen de Iberoamérica (nun 36,21%), seguido de Europa Occidental (21,06%), Europa do Leste (17,75%) e o Magreb (14,76%). A distribución xeográfica dos estranxeiros é moi irregular, concentrándose ao longo das costas mediterránea e canaria e en Madrid e arredores, en xeral acentuando aínda máis as xa profundas diferenzas rexionais de poboación do país.

Segundo un estudo do CIS realizado en 2017, un 52% dos participantes cre en Deus e un 16,8% non cre na existencia de Deus.^[16]Un 63,2% defínese como seguidor da relixión católica e un 29,7% di non abrazar ningunha relixión.^[17] Do 6,3% dos que se declaran pertencentes a outras relixións un 32,5% defínese protestante, un 26,6% musulmán, un 19,2 % ortodoxo, un 7,2% budista, un 5 % testemuña de Xehova, cristián nun 4,9% e un 2% encádrase noutras relixións^[17] Porén, un 50,9% declara que non asiste nunca a oficios relixiosos excluídas as ocacións especiais, como vodas e funerais.^[18]

Wikimedia Commons ten máis contidos multimedia na categoría:  Demografía de España

• España
• Etnografía de España
• Evolución demográfica de España

• Instituto Nacional de Estadística. Menú de datos estatísticos sobre demografía e poboación
• Instituto Nacional de Estadística. Análise da poboación de España segundo o censo a 1 de xaneiro de 2005 (pdf)
• Páxina do INE sobre series históricas de poboación^{[Ligazón morta]}
• Historia dos censos de poboación en España (pdf)
• Población de España - datos y mapas. Páxina da Universidade de Castela A Mancha