PROFILPELAJAR.COM

A Constitución Europea é un tratado internacional que pretende a creación dunha constitución para a Unión Europea. Foi asinado no 2004 por representantes dos estados membros da Unión pero estaba suxeito a ratificación por tódolos estados membros, o cal aínda non sucedeu. As súas principais direccións eran: substituír o gran grupo de tratados existentes que forman a actual "constitución" da Unión, uniformar os dereitos humanos ó longo da Unión Europea, e racionalizar a toma de decisións no que é hoxe unha organización de 25 membros.

A Constitución Europea foi asinada polos representantes dos estados membros o 29 de outubro de 2004, e estaba en proceso de ratificación polos estados membros até que, no 2005, os votantes de Francia (29 de maio) e Países Baixos (1 de xuño) rexeitaron o tratado en referendo. A falta de apoio popular da constitución neses estados fixo que outros países pospoñesen ou detesen os seus procesos de ratificación, e a Constitución ten hoxe un futuro francamente incerto. Téndoo ratificado, o tratado comezaria a aplicarse o 1 de novembro de 2006. En maio de 2006 Alemaña, Austria, Bélxica, Chipre, Eslovaquia, Eslovenia, España, Estonia, Grecia, Hungría, Italia, Letonia, Lituania, Luxemburgo e Malta retificaron o tratado constitucional.

Ratificación

O Tratado da Constitución Europea (TCE) foi asinado nunha cerimonia celebrada en Roma o 29 de outubro de 2004. Antes de comezar coa súa aplicación, porén, debe ser ratificado por cada estado membro. O proceso de ratificación fíxose de diferentes formas en cada país, dependendo das súas tradicións, disposiciós constitucionais e procesos políticos. Nalgús estados membros, a aprobación do xefe de estado é tamén requirida para aprobar o TCE unha vez sexa aprobado polo parlamento ou por referendo. O Presidente de Alemaña non o ten feito aínda, debido a unha batalla legal por que o modo de ratificación non foi o referendo. O Presidente de Eslovaquia tampouco ten aprobada aínda a Constitución.

Lituania, Hungría, Eslovenia, Italia, Grecia, Eslovaquia, Austria, Alemaña, Letonia, Chipre, Malta, Bélxica e Estonia xa completaron a ratificación parlamentaria da Constitución Europea. Ademais, o Parlamento Europeo tamén aprobou o tratado (nun voto simbólico).

Dez dos 25 membros teñen anunciado a súa intención de convocar un referendo sobre a constitución. Nalgúns casos, o resultado será vinculante legalmente; noutros será consultivo (como foi o caso dos Países Baixos). Catro referendos xa tiveron lugar, resultando en España e Luxemburgo ratificada o TCE, e sendo rexeitado en Francia e os Países Baixos. Aínda que o referendo nos Países Baixos foi unicamente consultivo, o goberno neerlandés prometeu que non será ratificada.

Dende o voto francés, algúns dos membros da UE confirmaron a súa intención de abandonar ou pospor the referendo da ratificación, incluíndo o Reino Unido, onde o secretario de exteriores Jack Straw ten dito que non ten ningún sentido planear un referendo tralas decisións de Francia e os Países Baixos [1]. Outros países continuaron cos procesos de ratificación, incluíndo Luxemburgo, que aprobou o tratado nun referendo o 10 de xullo do 2005 [2].

O 15 de setembro de 2005, o membro do Parlamento Europeo Johannes Voggenhuber do Partido Verde Austríaco e Andrew Duff de Democracia Liberal suxeriron o seguinte plano de acción:

Antes da fin de 2006, redactar un tratado moi reducido contendo só os puntos sobre os que non hai controversia.
Denantes da fin de 2009, unha nova convención constitucional debería decidir sobre unha nova constitución, prestando especial atención ó sistema social e as Política Común Exterior e Política de Seguridade.
Xunto ás eleccións ó Parlamento Europeo no 2009, debería ser convocado un referendo europeo sobre o Tratado Constitucional.

Esta proposta foi votada no Parlamento Europeo o 19 de xaneiro de 2006 con 385 votos a favor e 125 en contra.

Ratificación en España

Resultados

Participación: 42,33 %

Si: 76,72%
Non: 17,25%
En branco: 6,03%

Abstención: 57,67%

Ratificación por referendo

Estado Membro	Data	Resultado: % votos a favor (% votantes)
España	20 de febreiro de 2005	Si: 76,7% (do 42,3%)^[1]
Francia	29 de maio de 2005	Non: 54,7% (do 69,3%)^[2]
Países Baixos	1 de xuño de 2005	Non: 61,6% (do 62,8%)
República Checa	Cancelado	Falta a ratificación do Parlamento
Luxemburgo	10 de xullo de 2005	Si: 56,5% (do 87,77%)
Irlanda	Posposto indefinidamente
Dinamarca	Posposto indefinidamente
Polonia	Posposto indefinidamente
Portugal	Posposto indefinidamente
Reino Unido	Posposto indefinidamente

Aprobación parlamentaria da Constitución

Parlamento	Data	Resultado	Sinatura do Xefe de Estado
Lituania	11 de novembro de 2004	Si: 84 a 4^[3]	Si
Hungría	20 de decembro de 2004	Si: 322 a 12	Si
Parlamento Europeo	12 de xaneiro de 2005	Si: 500 a 137	Non hai
Eslovenia	1 de febreiro de 2005	Si: 79 a 4^[4]	Si
Italia	6 de abril de 2005	Si: Cámara Baixa: 436 a 28. Si: Cámara Alta: 217 a 16	Si
Grecia	19 de abril de 2005	Si: 268 a 17.	Si
Eslovaquia	11 de maio de 2005	Si: 116 a 27	Pendente
España	18 de maio de 2005	Si: Cámara Baixa: 319 a 19. Si: Cámara Alta: 225 a 6	Si
Austria	25 de maio de 2005	Si. Cámara Baixa: 182 a 1. Si. Cámara Alta: 59 a 3	Si
Alemaña	27 de maio de 2005	Si: Cámara Baixa: 569 a 23. Si: Cámara Alta: 66 a 3.	Pendente
Letonia	2 de xuño de 2005	Si: 71 a 5^[5]	Si
Chipre	30 de xuño de 2005	Si: 30 a 19	Si
Malawi	6 de xullo de 2005	Si: 65 a 0	Si
Luxemburgo	25 de outubro de 2005	Si: 57 a 1	Si
Bélxica	8 de febreiro de 2006	Si. Cámara Baixa: 118 a 18 Si. Cámara Alta: 54 a 9. Si: Parlamento Rexional de Bruxelas: 69 a 10. Si: Parlamento da Comunidade Alemá: 21 a 2. Si: Parlamento Rexional de Valonia Si: Parlamento da Comunidade Francesa. Si: Parlamento Rexional Flamengo: 84 a 29. (Tódolos gobernos rexionais tamén aprobaron o tratado, cumprindo os requisitos do proceso de ratificación belga.)	Pendente
Estonia	9 de maio de 2006	Si: 73 a 1	Pendente
Finlandia	12 de maio de 2006 (Expectante) 2006	Si. Primeira Volta: 104 a 24. Segunda Volta: Non foi aínda.
Suecia	Posposto indefinidamente
República Checa	Posposto indefinidamente