Art Farmer

Art Farmer
	;
Biografía
Nacemento	21 de agosto de 1928 ; Council Bluffs, Estados Unidos de América (pt)
Morte	4 de outubro de 1999 (71 anos); Nova York, Estados Unidos de América
Grupo étnico	Afroamericano
Educación	Jefferson High School (en)
Actividade
Ocupación	compositor, trompetista, músico de jazz, artista discográfico
Período de actividade	1999 -
Xénero artístico	Jazz
Instrumento	Trompeta e Frauta
Selo discográfico	Atlantic Records ; Enja Records (pt) ; Contemporary Records (pt) ; Fantasy
Premios
	Member, Special Class of the Order of Honour (en) ; NEA Jazz Masters ;
Descrito pola fonte	Biographical Dictionary of Afro-American and African Musicians
Sitio web	artfarmer.org

Arthur Stewart Farmer, nado en Council Bluffs (Iowa) o 21 de agosto de 1928 e finado en Nova York o 4 de outubro de 1999, coñecido artisticamente como Art Farmer, foi un músico estadounidense de jazz que interpretaba a trompeta e o fliscorno e en ocasións a flumpet.

Traxectoria

Era fillo dun traballador do aceiro. Farmer comezou a traballar como músico pasada a metade da década de 1940. Asentado nos Ánxeles, formou parte das bandas de Benny Carter e Jay McShann, entre outros.

Uniuse á orquestra de Lionel Hampton arredor 1953 (trompetistas como Clifford Brown e Quincy Jones tamén formaron parte da orquestra de Hampton naquela época) e tras o seu traslado a Nova York, traballou máis tarde con Gigi Gryce, Horace Silver e Gerry Mulligan, entre outros. A partir de mediados da década de 1950, figurou en gravacións dos principais arranxistas da época, incluíndo a George Russell, Jones e Oliver Nelson. Tamén formou The Jazztet co compositor e saxofonista tenor Benny Golson; ambos homes por separado tomaran a decisión de que o outro debería ser un membro do seu grupo. The Jazztet non tivo contratos con clubs suficientes para durar máis aló de 1962, aínda que si axudou ás carreiras de diversos músicos, como o pianista McCoy Tyner ou o trombonista Grachan Moncur III, gravando o grupo varios álbums para Argo e Mercury Records. Farmer e Golson reviviron The Jazztet nos anos 80 para unha serie de contratos, co trombonista orixinal Curtis Fuller.

A comezos dos anos 60, Farmer formou un trío co guitarrista Jim Hall e o baixista Steve Swallow. Despois trasladáronse a Europa, asentándose finalmente en Viena (Austria), onde traballou con The Kenny Clarke-Francy Boland Big Band. Tamén realizou gravacións como líder na transcurso da súa carreira posterior.

Tiña un irmán xemelgo idéntico, Addison Farmer, que tocaba o baixo.