PROFILPELAJAR.COM

Robert Erskine Childers
	;
Beathaisnéis
Breith	25 Meitheamh 1870; Mayfair, England
Bás	24 Samhain 1922 ; 52 bliana d'aois; Baile Átha Cliath (Poblacht na hÉireann)
Siocair bháis	Pionós an bháis (Tráma balaistíoch)
Áit adhlactha	Beairic Thor an Bhacaigh (1922–1923) ; Reilig Ghlas Naíon
Teachta Dála
	16 Lúnasa 1921 – 8 Meitheamh 1922 (díscaoileadh na parlaiminte) ; Téarma parlaiminte: 2ú Dáil ; Toghcheantar: Cill Dara–Cill Mhantáin ; Toghadh i: Olltoghchán na hÉireann, 1921
Faisnéis phearsanta
Reiligiún	Eaglais na hÉireann
Scoil a d'fhreastail sé/sí	Coláiste na Tríonóide, Cambridge ; Haileybury and Imperial Service College (en)
Céim acadúil	Baitsiléir Ealaíon; Baitsiléir Dlíthe
Gníomhaíocht
Gairm	scríbhneoir, úrscéalaí, polaiteoir, státseirbhíseach
Fostóir	Teach Theachtaí na Ríochta Aontaithe (1895–1910)
Ball de pháirtí polaitíochta	Sinn Féin
Teangacha	Béarla
Gairm mhíleata
Brainse míleata	Cabhlach Ríoga agus Arm na Breataine
Coinbhleacht	An Chéad Chogadh Domhanda agus Dara Cogadh na mBórach
Teaghlach
Céile	Molly Childers (1904–)
Páiste	Erskine Hamilton Childers, Robert Alden Childers
Athair	Robert Caesar Childers agus Anna Mary Henrietta Barton
	Gradam a fuarthas (24 Aibreán 1917) Cros Scothsheirbhíse ;

Údar agus náisiúnaí Éireannach ab ea (Robert) Erskine Childers (25 Meitheamh 1870 - 24 Samhain 1922), a thóg lastas de ghunnaí agus armlón i dtír faoi cheilt i mBinn Éadairar an mbád Asgard, chun chur i gcoinne na nÓglach Uladh. Cuireadh chun báis é ag rialtas nua an tSaorstáit le linn Chogadh Cathartha na hÉireann.

Mac an fhir léinn Sasanaigh Robert Caesar Childers a bhí ann, col ceathrar le Hugh Childers agus Robert Barton, agus bhí a mhac Erskine Hamilton Childers ar cheathrú Uachtarán na hÉireann.

Tús a shaoil

Tháinig Robert Erskine Childers chun saoil i Mayfair Londain, an dara mac a saolaíodh i gclann de bhunadh Angla-Éireannacha. Cailleadh a athair agus é ina bhuachaill sé bliana d'aois agus seoladh na leanaí go léir go áras na mBartons i nGleann Dá Loch in Éirinn.

Cothaíodh féiniúlacht Éireannach sa bhuachaill óg agus Gael go smior a bhí ann as seo amach, cé go raibh sé mar chuid den Chinsealacht Phrotastúnach.

Cogadh agus polaitíocht

Throid Childers sa Chogadh Boer.

Sa bhliain 1914, thóg Childers airm chuig Éirinn ina bhád, airm a úsáideadh i rith Éirí Amach na Cásca i 1916.

Throid Childers i gCogadh na Saoirse in Éirinn agus i gCogadh Cathartha na hÉireann, cogadh ina maraíodh é.

D'ionadaigh Childers Éire i gComhdháil Síochána Versailles, tar éis an Chéad Chogaidh Dhomhanda.

Bhí Childers i láthair i Londain i rith plé an Chonartha Angla-Éireannaigh. Ach bhí sé dian ina choinne agus bhí sé ar thaobh na bhfrith-chonratheoirí sa Chogadh Cathartha.

In Eanáir 1922, d'éirigh Childers ina eagarthóir ar Phoblacht na hÉireann, bileog nuachta phoblachtach. Tugadh nuacht faoi eachtraí laethúla an Chogaidh Chathartha ó dhearcadh poblachtach. Ní gá a rá nár thaitin an bolscaireacht leis an Saorstát ar chor ar bith.

Bású

Cuireadh Childers chun báis tar éis do chúirt mhíleata é a chiontú i seilbh ar arm tine gan cheadúnas (ina chás-sa, piostal leath-uathoibríoch amháin).^[1] Rinneadh cion báis de trí Rún um Chumhachtaí Éigeandála an Airm ar ghlac an Dáil leis roinnt míonna roimhe sin.

Rinne a dhlíodóirí tréaniarracht cruthú nach raibh an dlínse chuí ag an gcúirt mhíleata inar cuireadh Childers ar a thriail. Dhiúltaigh Máistir na Rollaí Cathal Ó Conchúir d'iarratas ar eascaire habeas corpus ar son Childers, toisc go raibh staid chogaidh ann agus, mar sin, ní raibh aon dlínse ag na cúirteanna sibhialta ar gníomhartha an airm i gcaitheamh na cogaíochta.

Ina theannta sin, bhí conspóid ar leith ag baint le bású Childers toisc gur cuireadh chun báis é as seilbh mhídhleathach ar phiostal leath-uathoibríoch de chalabra beag in áit a bhí geall lena bheith ina áras teaghlaigh.

Ar an 24 Samhain 1922, cuireadh Childers agus ochtar eile chun báis cé go rabhthas ag fanacht le hachomharc i gcoinne bhreithiúnas Mháistir na Rollaí.

Lámhachadh é, gníomh a bhain stangadh as an bpobal ag an am.

De réir an rialtais, ní raibh ann ach bolscaire, ach bhí Childers i mbéal an phobail.

Scríbhneoireacht

Scríobh sé an t-úrscéal The Riddle of the Sands.

ar saoire, an Bhailt, 1910
1920
Londain, Nollaig 1921: George Gavan Duffy, Erskine Childers, Robert Barton agus Arthur Griffith
Glas Naíon
Comhad faisnéise míleata ar Erskine Childers ó Arm na Breataine Móire