PROFILPELAJAR.COM

Scarlett Johansson
	; (2019) Irudi gehiago
Bizitza
Jaiotzako izen-deiturak	Scarlett Ingrid Johansson
Jaiotza	Manhattan, 1984ko azaroaren 22a (40 urte)
Herrialdea	Ameriketako Estatu Batuak
Talde etnikoa	askenazia; Juduak
Lehen hizkuntza	estatubatuar ingelesa
Familia
Aita	Karsten Olaf Johansson
Ama	Melanie Sloan
Ezkontidea(k)	Ryan Reynolds (2008ko irailaren 27a - 2011ko uztailaren 1a); Romain Dauriac (2014 - 2017); Colin Jost (2020 -
Bikotekidea(k)	ikusi Colin Jost;
Seme-alabak	ikusi Rose Dauriac (en) ;
Haurrideak	ikusi Vanessa Johansson;
Hezkuntza
Heziketa	Professional Children's School (en) ; Lee Strasberg Antzerki- eta Film-Eskola ; P.S. 41 (en)
Hizkuntzak	estatubatuar ingelesa; ingelesa
Jarduerak
Jarduerak	zinema aktorea, abeslaria, modeloa, antzerki aktorea, ahots-aktorea, estudioko musikaria, film-zuzendaria eta aktorea
Lateralitatea	ezkerra
Altuera	160 zentimetro
Jasotako sariak	ikusi Honorary César (2014) ; Theatre World Award (2010) : A View from the Bridge (en) ; Tony Award for Best Featured Actress in a Play (2010) : A View from the Bridge (en) ; BAFTA Award for Best Actress in a Leading Role (2004) : Lost in Translation; Izarra Hollywoodeko Ospearen pasealekuan ; Time 100 (2021) ; Hasty Pudding Woman of the Year (2007) ;
Kidetza	Zinemako Arte eta Zientzien Akademia
Genero artistikoa	pop musika
Musika instrumentua	ahotsa
Diskoetxea	Atco Records
Sinesmenak eta ideologia
Erlijioa	judaismoa
Alderdi politikoa	Ameriketako Estatu Batuetako Alderdi Demokrata

Scarlett Ingrid Johansson (New York, 1984ko azaroaren 22a - ) zinemako aktore, modelo eta abeslari estatubatuarra da eta Danimarkako herritartasuna ere badu. The Horse Whisperer filmak eman zion ospea eta kritikoek asko goraipatu zuten Ghost World pelikulan egindako lana. BAFTA sari bat ere bereganatu zuen eta Urrezko Globo sarietarako izendatu zuten Lost in Translation eta Girl with a Pearl Earring egindako lanagatik.

2008ko maiatzaren 20an, bakarlari izan zen bere lehen lan musikalean, Anywhere I Lay My Head, Tom Waits maixuaren hainbat abesti bertsionatu zituelarik^[1].

Biografia

Scarlett Johansson 1984ko azaroaren 22an jaio zen Manhattanen jaio zen. Scarletten aita Karsten Johanson Danimarkako arkitektoa da eta ama, berriz, poloniar jatorriko Melanie Sloan film ekoizlea. Aitaren aldeko aitona, Ejner Johansson, gidoilaria eta film zuzendaria izan zen.

Johanssonek herritartasun bikoitza dauka, estatubatuarra eta daniarra. Gurasoek Danimarkan ezagutu zuten elkar, ama amona Dorothyrekin bizi zenean. Amona hau liburuzaina eta irakaslea zen^[2]. Scarlettek ahizpa zaharrago bat du, Vanessa, eta anaia bikia, Adrian, biak aktoreak. Anaiaorde bat ere badu, Christian, bere aitaren bigarren ezkontzaren ondorio^[3].

Txiki-txikitatik prestatzen aritu zen aktore izateko eta Manhattaneko Professional´s Children School hasi zituen bere ikasketak, ondoren Lee Strasberg Theatre Institute ospetsuan jarraitu zuelarik. Telebistako iragarkien castingetara hainbat alditan aurkeztu ondoren, 8 urterekin teatroan debuta egin zuen. Handik aurrera, filmetan parte hartzeko paperak iristen hasi ziren, 1996an, Manny & Lo filman, bere lehenengo paper nagusia eman zioten arte.

Harrezkero, filmetan antzezten jarraitu zuen, baina ez zen oso ospetsua. Alabaina, 2003an, Girl with a Pearl Earring filman parte hartu zuen paper nagusian. Urte honetan ere, Scarlettek 4 Oscar izendapen jaso zituen Lost in Translation filmean antzezteagatik. Arrakasta horiek ez ezik, beste batzuk lortu ditu, esate baterako, Match Point filman antzezteagatik, Urrezko Globo sarietara izendatu zuten emakumezko bigarren aktorerik onenaren kategorian.

Ezkontza

2008ko maiatzean, Scarlettek Ryan Reynoldsekin zuen konpromisoa jakinarazi zuen New Yorkeko Arte Museo Metropolitanon. 2007ko otsailaz gero bikotea harremanetan zebilen eta, 2008ko urriaren 28an, bere ezkontzaren berri eman zuten People aldizkarian. Aldizkari berak argitaratu zuen 2010eko abenduaren 14an bikotekideek ezkontza bertan behera uzten zutela ere^[4].

Karrera

Esan bezala, txiki-txikitatik jaso zuen aktore izateko prestakuntza eta, telebistako iragarkien castingetara hainbat alditan aurkeztu ondoren, 8 urte zituen teatroan debuta egin zuenean. Handik aurrera, filmetan parte hartzeko paperak iristen hasi zitzaizkion, 1996an, Lisa Kruegerren Manny & Lo filman Amanda izateko aukera, bere lehenengo paper nagusia, eskaini zioten arte.

Scarlett ez zen sekula, Hollywoodeko gainontzeko haur prodigioen antzeko haur izarra izan. Hasierako paper garrantzitsuenetako bat Kate Armstrongena izan zen, Sean Conneryren alaba izan zelarik Arne Glimcherren The Street Lawyerren akzio eta suspentsezko filmean, baina ez zuen arrakasta handirik izan.

Zineman jarraitu zuen arren, 4 urte geroago arte ez zuen paper egokirik lortu, Robert Redforden eskutik, honek Grace MacLean haurra izateko aukera eman zionean The Horse Whisperer filman. Garai horretan atera zen Scarlett nerabezarotik eta aktore helduen paperak iristen hasiko zitzaizkion handik aurrera.

2001ean, Coen anaien The Man Who Wasn't There filman egin zuen Birdy, protagonistaren (Billy Bob Thornton) lagun pianojolea. Urte berean, Ghost World egin zuen Thora Birch eta Steve Buscemikin batera, arrakasta handia izan zuen komedia-drama. Horrela esan zuen Scarlettek:

«

Scarlettek bere pertsonaiari buruz esann zuen: " Rebbeca adimen handiko neska da eta besteengandik desberdina (...) Ez da ohiko nerabe film horietako bat^[5]

»

2003a izan zen Scarletten urte borobila, nazioartean oihartzuna izan zuelako eta komunikabideetan benetako errekonozimendua jasotzen hasi zelako. Tracy Chavalierren Girl with a Pearl Earring eleberrian oinarritutako Peter Webberren filman Johannes Vermeerrek margotutako koadroa erakutsi ziguten eta Griet antzeztu zuen artistak, kritikaren ustez lan bikaina.

Ospe handia hartuta bazuen, jada, Sofia Coppolaren Lost in Translation egin zuenean, Charlotten paperak berriro deitu zuen kritikaren arreta. Bill Murrayrekin batera egin zuen film independente honek 4 izendapen jaso zituen Oscar sarietan.

Laudorio ez gutxi berriro ere Woody Allenen Match Point filman, Nola Rice ederraren paperean. 2006ko Urrezko Globo sarietarako izendapena jaso zuen, Rachel Weiszek eraman bazuen ere (Fernando Meirellessen Lorezain leialaen egindako Tessa Quayle paperagatik)

2006an, James Ellroyren eleberriaren adaptazioa den Brian de Palmaren The Black Dahlia filman egin zuen lan eta berriro hartu du parte Woody Allenen beste 2 filmetan: Scoop eta Vicky Cristina Barcelona.

Hortik aurrera, eten gabe aritu da lanean, bai zineman eta baita iragarkietako modelo bezala ere.

Era berean, aipatzekoa da, Johansson Bushen aukari ziren aktore taldeko kide izan zela, Susan Sarandon, Tim Robbins, Sean Penn, Richard Gere, Angelina Jolie, George Clooney, Charlize Theron, Rachel Weisz, Woody Harrelson, Tommy Lee Jones, Marisa Tomei, Diane Kruger edo Cameron Díaz bezala.

Antzerkia

Johansson Sophistry antzez lanean agertu zen lehenengoz Broadwaytik kanpo.

2009an, egin zuen debuta Broadwayn, New Yorkeko Cort Antzokian. Arthur Millerrek idatzitako eta Gregory Mosherrek zuzendutako A View from the Bridge drama eskaini zuen. 2010eko ekainean, aktore hoberenari eskainitako Tony Saria jasoko zuen lan honengatik^[6].

Musika

2005ean, Andrew Lloyd Webberen The Sound of Music musikalerako hartu zuten kontuan, azkenean Mariaren papera Connie Fisherrek egingo bazuen ere.

2006an, Hollywoodeko aktoreek grabatutako abesti bilduma baterako, George Gershwinen Summertime abestia grabatu zuen

2007an, berriz, The Jesus and Mary Chain taldearekin batera aurkeztu zen Indion (Kalifornia) egingo zen Coachella jaialdira. Just Like Honey izan zen abestia ^[7].

2008ko maiatzaren 20an atera zuen bere lehen diska, Anywhere I Lay My Head, Tom Waitsen 10 abestiren bertsioak eta bat berea^[8]. Harrera ezberdinak izan zituen albumak: NME25en ustez, 2008ko albumik hoberena izan zen eta Billboard Top Heatseekersentzat lehena izan zen. Billboard 200entzat, berriz, 126.a izan zen.

2009an, Jeff Buckley handiaren Last Goodbye abestia grabatu zuen He's Just Not That Into You filmaren soinu bandarentzako^[9]. Urte berean, Break Up albuma atera zuen Pete Yornekin batera, Serge Gainsbourg eta Brigitte Bardotek egin zituzten duetoetan inspiratuta ^[10]. Billboard 200ean 41.a geratu zen albuma eta Erresuma Batuan, berriz, 160.a.

2010ean, Steel Train bandak Terrible Thrills Vol. 1 argitaratu zuen, emakume artistek bere taldearen abestiak bertsionatzen dituztelarik. Johanssonek lehena abestu zuen, Bullet.

2011n, berriz, One Whole Hour grabatu zuen Wretches And Jabberers film dokumentalarentzako.

Filmografia

Zinema

Urtea	Filma	Pertsonaia	Oharra(k)
1994	North	Laura Nelson
1995	Just Cause	Kate Armstrong
1996	If Lucy Fell	Emily
1996	Manny & Lo	Amanda
1997	Fall	Little girl
1997	Home Alone 3	Molly Pruitt
1998	The Horse Whisperer	Grace MacLean
1999	My Brother the Pig	Kathy Caldwell
2001	The Man Who Wasn't There	Rachael "Birdy" Abundas
2001	Ghost World	Rebecca
2001	An American Rhapsody	Zsuzsi / Suzanne Sandor (15 urte)
2002	Eight Legged Freaks	Ashley Parker
2003	Lost in Translation	Charlotte
2003	Girl with a Pearl Earring	Griet
2004	The Perfect Score	Francesca Curtis
2004	A Love Song for Bobby Long	Pursy Will
2004	A Good Woman	Meg Windermere
2004	The SpongeBob SquarePants Movie	Mindy	Voice role
2004	In Good Company	Alex Foreman
2005	Match Point	Nola Rice
2005	The Island	Jordan Two Delta / Sarah Jordan
2006	Scoop	Sondra Pransky
2006	The Black Dahlia	Katherine "Kay" Lake
2006	The Prestige	Olivia Wenscombe
2007	The Nanny Diaries	Annie Braddock
2008	The Other Boleyn Girl	Maria Bolena
2008	Vicky Cristina Barcelona	Cristina
2008	The Spirit	Silken Floss
2009	He's Just Not That Into You	Anna Marks
2010	Iron Man 2	Natasha Romanoff / Black Widow
2011	We Bought a Zoo	Kelly Foster
2012	The Avengers	Natasha Romanoff / Black Widow
2012	Hitchcock	Janet Leigh
2013	Don Jon	Barbara Sugarman
2013	Under the Skin	Laura
2013	Her	Samantha	Ahotsa
2014	Captain America: The Winter Soldier	Natasha Romanoff / Black Widow
2014	Chef	Molly
2014	Lucy	Lucy
2015	Avengers: Age of Ultron	Natasha Romanoff / Black Widow
2016	Hail, Caesar!	DeeAnna Moran
2016	The Jungle Book	Kaa	Ahotsa
2016	Captain America: Civil War	Natasha Romanoff / Black Widow
2016	Sing	Ash	Ahotsa
2017	Ghost in the Shell	The Major
2017	Rock That Body	Jess
2018	Isle of Dogs	Nutmeg	Ahotsa
2018	Avengers: Infinity War	Natasha Romanoff / Black Widow
2019	Captain Marvel	Natasha Romanoff / Black Widow	Kredituen osteko eszena
2019	Avengers: Endgame	Natasha Romanoff / Black Widow
2019	Marriage Story	Nicole
2019	Jojo Rabbit	Rosie Betzler

Telebista

Urtea	Telesaila	Pertsonaia	Oharra(k)
1995	The Client	Jenna Halliwell	Pilotua
2001	Anatomy of a Scene	Bera	Atal 1
2004	Entourage	Bera	Atal 1
2005, 2006 2008	Robot Chicken	Ahotsa	6 atal
2006, 2007 2010, 2015	Saturday Night Live	Bera	4 atal
2014	HitRecord on TV	Olivia	Atal 1

Erreferentziak

↑ (Ingelesez)«Too hot to be cool - TV on the Radio interview». Scotland on Sunday (2008ko irailaren 14a).
↑ (Ingelesez)Weiss, Anthony (2006ko apirilaren 7a). «The Scarlett Grandma». The Jewish Daily.
↑ (Ingelesez)«Scarlett Johansson». Famous Why (2008ko abuztuaren 6a).
↑ (Ingelesez)«Scarlett Johansson y Ryan Reynolds se han separado». El País (2010eko abenduaren 14a).
↑ (Ingelesez)[Scarlett Johanssonen hitzak Ghost World filmaren gune ofizialeko Cast and Crew atalean
↑ (Ingelesez)Soll, Lindsay (2010eko ekainaren 14a). «Scarlett Johansson Thanks 'My Canadian,' Ryan Reynolds, At Tony Awards 2010». MTV.
↑ (Ingelesez) http://artsbeat.blogs.nytimes.com/2007/04/28/coachella-scarlett-johansson-joins-jesus-and-mary-chain/
↑ (Ingelesez) http://www.smh.com.au/news/film/local-favourite/2007/09/16/1189881329353.html
↑ (Ingelesez) http://stereogum.com/?p=048421
↑ (Ingelesez) http://www.usatoday.com/life/music/news/2009-05-21-break-up-album_N.htm