Ralf Dahrendorf
Irudi gehiago
Lorden Ganberako kidea 1993ko uztailaren 15a - 2009ko ekainaren 17a European Commissioner for Research, Innovation and Science (en) 1973ko urtarrilaren 6a - 1977ko urtarrilaren 5a ← Altiero Spinelli - Guido Brunner → European Commissioner for Trade (en) 1970eko uztailaren 1a - 1973ko urtarrilaren 5a Bundestageko kidea 1969ko urriaren 20a - 1970eko abuztuaren 25a - Georg Gallus → Hautetsia: 1969ko Mendebaldeko Alemaniako hauteskunde orokorrak Baden-Württemberg-eko Landtag-eko kidea Parliamentary Secretary in Germany (en) europar komisarioa
Bizitza
Jaiotza	Hanburgo, 1929ko maiatzaren 1a
Herrialdea	Erresuma Batua  Alemania
Lehen hizkuntza	alemana
Heriotza	Kolonia, 2009ko ekainaren 17a (80 urte)
Hobiratze lekua	Ohlsdorf Cemetery (en)
Heriotza modua	berezko heriotza: minbizia
Familia
Aita	Gustav Dahrendorf
Ama	Lina Witt
Ezkontidea(k)	Ellen Dahrendorf (en)  (1980 -
Hezkuntza
Heziketa	Hanburgoko Unibertsitatea London School of Economics Saarland University (en)
Hizkuntzak	ingelesa alemana
Jarduerak
Jarduerak	filosofoa, politikaria, soziologoa, politologoa eta unibertsitateko irakaslea
Lantokia(k)	Oxford Berlin Konstantza Stuttgart Bonn eta Tübingen
Enplegatzailea(k)	Tübingengo Unibertsitatea London School of Economics Oxfordeko Unibertsitatea Hanburgoko Unibertsitatea University of Konstanz (en)
Jasotako sariak	ikusi Arteetan eta Zientziatan Merituaren Ordena Knight Grand Cross of the Order of Leopold II Britainiar Inperioko Ordenaren zaldun komendadorea Order of Merit of Baden-Württemberg  (1999) Alemaniako Errepublika Federalaren Merituaren Izar eta Gerrikodun Merituaren Gurutze Handia Gizarte Zientzietako Asturiasko Printzesa Saria  (2007) Sigmund Freud Prize  (1989) Schader Award  (2009) Reinhold Maier Medal  (1994) Goethe domina  (1998) Grand Cross of the Order of Merit of the Grand Duchy of Luxembourg Knight Grand Cross of the Order of Merit of the Italian Republic honorary doctor of the University of Warsaw honorary doctor of the Katholieke Universiteit Leuven Theodor Heuss Award  (1997) Grand Cross of Honor for Services to the Republic of Austria Asturiasko Printzea Sariak Fellow of the British Academy Walter Hallstein Prize  (2002) honorary Fellow of the Royal College of Surgeons  (1981) Nevitt Sanford Award for Outstanding Professional Contributions to Political Psychology  (1989) Honorary doctorate Paris Descartes University  (1994ko abenduaren 20a)
Influentziak	Karl Marx
Kidetza	Sozialistischer Deutscher Studentenbund (en) Ameriketako Estatu Batuetako Zientzien Akademia Nazionala Arteen eta Zientzien Ameriketako Estatu Batuetako Akademia Amerikako Sozietate Filosofikoa Britainiar Akademia Poloniako Zientzien Akademia Zientzien Errusiar Akademia
Sinesmenak eta ideologia
Alderdi politikoa	Erresuma Batuko Liberal Demokratak Alemaniako Alderdi Sozialdemokrata Alderdi Demokratiko Askea

Ralf Gustav Dahrendorf, Dahrendorf baroia, (Hanburgo, 1929ko maiatzaren 1a -Kolonia, 2009ko ekainaren 17a) filosofoa, soziologoa, politologoa eta politikoa izan zen.

Gizarte gaztazkaren teoriaren fundatzailetako bat izan zen. 1947 eta 1952 urteen artean filosofia, filologia klasikoa eta soziologia ikasi zituen Hanburgon, 1952an doktoretza lortu zuelarik. Soziologo, filosofo eta politikaria zen. Filosofiako eta Filologiako ikasketak egin zituen Hanburgoko Unibertsitatean 1947-1952 urte-bitartean, eta 1952an amaitu zuen doktoregoa, Karl Marxi buruzko tesi batekin. Gero, Soziologia ikasi zuen Londresko London School of Economicsen. Alemaniara itzulita, katedra lortu zuen Sarreko Unibertsitatean. Geroztik, irakasletzan aritu zen Hanburgoko, Tübingengo eta Konstantzako unibertsitateetan.

Irakasle lanetan hasi zen: 1957an Hanburgoko unibertsitatean; 1960an Tubingako unibertsitatean; 1966an Konstantzan, 1969a arte. Europako komunitatearen sorkuntzarako egin zuen ekarpena nabarmen daiteke bere lanen artean. Gizarte post-kapitalistaren arazoak aztertzen dituen lan askoren sortzailea da. 1974 eta 1984 artean London School of Economicseko zuzendaria izan zen eta 1987 eta 1997 artean St. Anthony´s Collegen dekanoa izan zen Oxfordeko unibertsitatean. 1993an Elisabet II.a erreginak sir izendatu zuen, Darhendorf Clar Marketeko baroi titulua eman zion Westminster hirian. 2007an gizarte zientzien Asturiasko printzea saria jaso zuen.

Politikagintzari dagokionez, 1968-1969 bitartean, parlamentari izan zen Baden-Württembergeko Parlamentuan. 1968tik 1974ra, FDP (Freie Demokratische Partei) edo Alderdi Demokratiko Askeko Bundesvorstand-eko kide izan zen Alemaniako Parlamentuan eta 1969-1979 bitartean Estatuko idazkari gisa lan egin zuen Kanpo Arazoetako ministerioan. 1970etik 1974ra Europako Erkidegoko (gaur egun, Europar Batasuna) batzordekide izan zen, eta data hartatik aurrera, hamar urtez, Londresko London School of Economics zuzendu zuen. 1987tik 1997 arte, Oxfordeko St. Anthony Collegeko zuzendari izan zen, Erresuma Batuan. Dahrendorf, batez ere, gizarte-aldaketen muinean egon ohi diren gatazka-prozesuez interesatu zen. Alemaniar soziologoaren arabera, gatazkak ezinbestekoak eta beharrezkoak dira gizarte-garapenerako, beraz, alferrikakoa da haiek desagerrarazten saiatzea; aldiz, soluzio arrazoizkoak eta emankorrak aurkitzeko modua egin behar da.

Dahrendorfek landu zituen beste teoria batzuk nagusigoarena eta gizarte-rolarena izan dira, eta biak, gatazka bezalaxe, gertaera unibertsaltzat jotzen zituen. Haren argitalpenen artean aipatzekoak dira Soziale Klassen und Klassenkonflikt in der industriellen Gesellschaft (1959, Gizarte-klaseak eta beren gatazka gizarte industrialean); Homo sociologicus. Ein Versuch zur Geschichte, Bedeutung und Kritik der Kategorie der sozialen Rolle (1959); Gizartearen teoriari buruzko saiakerak (1968) eta Askatasun berria: bizirik irautea eta justizia mundu aldakor batean.

Hogeitik gora honoris causa doktorego jaso zituen; besteak beste, Erresuma Batuko, Irlandako, Belgikako, Italiako eta Estatu Batuetako unibertsitateek emandakoak. 2007an, Gizarte Zientzietako Asturiasko Printzearen saria jaso zuen.

Dahrendorfek liberalismoaren defendatzaile bezala definitzen du bere burua, baina ñabardura batzuekin. Baztertuen azpiklase deitzen duenarentzako neurri eraginkorrak hartu behar direla uste du, eta, estatuaren interbentzioaren gabeziez ohartarazten du, Halaber. Bere irakasle izan zen Karl Popperren eragina nabari zaio, batez ere, idealisten giza erakundeak eratzeko proposamenen aurka egiten zuenean, hobekuntzak bilatzeari ez utzi arren. Horregatik, bere argudiaketetan giza errealitatearen ikuspegi deskribatzailearen eragina antzeman daiteke.

Dahrendorf ez da iniziatiba publikoetaz fidatzen, horrek totalitarismo batera eraman dezakeelako gizartea. Ez dator bat ezkertiarren instituzionalismo moralizatzailearekin, ezta Anthony Giddensen hirugarren bidea liburu nahasketa zalantzagarriarekin. Gogor egiten du komunitarismoaren kontra: bere ustez, nazioaren gorespenean eta kulturaren partikularitatean bilakatzen baita. Baieztapen hau sinplista eta orokortzailea da behar bada, komunitaristen nazionalismoarekiko jarrerak beraien artean oso desberdinak baitira.

• 1973an Homo soziologicus
• 1974an Gizarte eta soziologia
• 1974an Gizarte eta soziologia. Aplikaturiko ilustrazioa.
• 1976an Europar Batasunare defentsan.
• 1979an Gizarte klaseak eta bere gatazka gizarte industrialean.
• 1982an Liberalismo berria.
• 1983an Bizitzeko aukerak.
• 1983an Krisiaren aukerak.
• 1991an Europako iraultzaren gogoetak.
• 1994an Giza gatazka modernoa.
• 1994an Legea eta ordena.
• 2002an Demokrazioaren ondoren: Antonio Polito-ri elkarrizketa.
• 2007an Historiaren berrasiera: Harresiaren erortzetik Irakeko gerrara.
• 2008an Orden berri baten bila: XXI.mendearentzako askatasun politika berria.
• 2009an Askatasuna proban. Intelektualak tentazio totalitarioen aurrean.