Massimo Osanna
Irudi gehiago
Ponpeiako excavation director (en) 2014 - 2020 ← Giuseppe Proietti
Bizitza
Jaiotza	Venosa eta Italia, 1963ko maiatzaren 24a (61 urte)
Herrialdea	Italia
Hezkuntza
Heziketa	Perugiako Unibertsitatea Atenasko Italiar Arkeologia Eskola (1986 - 1986) Atenasko Italiar Arkeologia Eskola (1990 - 1990)
Doktorego ikaslea(k)	Raphaëlle-Anne Kok (en)
Hizkuntzak	italiera ingelesa alemana
Irakaslea(k)	Mario Torelli
Jarduerak
Jarduerak	arkeologoa, unibertsitateko irakaslea eta arte-historialaria
Lantokia(k)	Pompei Matera Napoli eta Venosa
Enplegatzailea(k)	University of Basilicata (en) Rennes 2 Unibertsitatea - Bretainia Garaia archaeological excavations of Pompeii (en)
Kidetza	Academia Europaea (en)

Massimo Osanna (Venosa, Italia, 1963ko maiatzaren 23a) arkeologo eta ikertzaile italiarra da.

Batxilergoa bere jaioterrian egin ondoren, 1985ean literatura klasikoan lizentziatu zen Perugiako Unibertsitatean. 1986an urtebete baterako beka bat irabazi zuen Atenasko Arkeologia Italiarraren Eskolan ikasteko. 1987an doktoretza hasi zuen Perugiako Unibertsitatean eta 1987/88 ikasturtean Tubingako Unibertsitatean egonaldi bat egiteko aukera ere izan zuen.

1993/94 ikasturtean Humboldt Fellow izan zen Heidelbergeko Unibertsitateko Tonio Hölscher katedran.

1994tik 2000ra bitartean, irakasle laguntzailea izan zen Basilicatako Unibertsitatean. 1997tik aurrera, Unibertsitateko Arkeologia Eskola Berezian irakatsi zuen, eta 2000. urtean irakasle bihurtu zen. 2002tik 2007ra arte, Arkeologia Eskola Bereziko zuzendaritzako kide izan zen. 2007an, Basilicatako ondare arkeologikoaren superintendente izendatu zuten. 2009tik 2014ra arte, Materako Arkeologia Eskola Berezia zuzendu zuen. Ondoren, Arkeologia Klasikoko irakasle titularra izan zen Napoliko Federico II Unibertsitatean.

Osanna Archäologischer Anzeiger eta Ostraka aldizkarietako aholkularitza-batzorde zientifikoetako kide da 2012tik.

2014ko martxoaren 4an Osannak Ponpeia, Herkulano eta Stabiako Ondare Arkeologikoko zuzendaritza hartu zuen. 2016tik 2020ko uztailera arte, Ponpeiako Arkeologia Parkeko zuzendaria izan zen.

2020ko uztailean Italiako Kultura Ondare eta Jardueren Ministerioko Museoen Zuzendari Nagusi izendatu zuten ^[1]. 2021eko apirilean, Osannak Paestum eta Elea-Veliako Arkeologia Parkeko behin-behineko zuzendaritza bere esku hartu zuen, zuzendari berria aukeratzeko lehiaketa egin arte. ^[2]