Artikulu honen edukia ez da guztiz zehatza, daukan informazioa zaharkituta dagoelako. Zure esku dago artikulua hobetzea, informazio hori eguneratuz. Beharbada, informazio osagarria izango duzu eztabaida orrian.

Caroline Wozniacki
(2016) Irudi gehiago
Bizitza
Jaiotza	Odense, 1990eko uztailaren 11 (34 urte)
Herrialdea	Danimarka
Bizilekua	Monte-Carlo
Lehen hizkuntza	poloniera daniera
Familia
Aita	Piotr Wozniacki
Ama	Anna Wozniacki
Ezkontidea(k)	David Lee (en)  (2019ko ekainaren 15a -
Bikotekidea(k)	ikusi Rory McIlroy
Haurrideak	ikusi Patrik Wozniacki (en)
Hezkuntza
Heziketa	Harvard Unibertsitatea Marie Kruses Skole (en)
Hizkuntzak	daniera poloniera ingelesa
Jarduerak
Jarduerak	tenislaria
Tenis
Jokaera	eskuina eta bi eskuz errebeska jotze
Bakarka i/g	640–269
Binaka i/g	39–56
Rankinga	1 tennis singles (en) (2010eko urriaren 11) 52 tennis doubles (en) (2009ko irailaren 14a) 2 junior tennis (en) (2006ko uztailaren 10a)
Parte-hartzailea Tenisa 2008ko Olinpiar Jokoetan tennis at the 2012 Summer Olympics (en) tennis at the 2016 Summer Olympics (en)
Lateralitatea	eskuina
Pisua	60 kilogramo
Altuera	177 zentimetro
Jasotako sariak	ikusi Danish Sports Name of the Year  (2010) Danish Sports Name of the Year  (2018)
carolinewozniacki.com

Caroline Wozniacki (Odense, Danimarka, 1990ko uztailaren 11) tenislaria da. Sortzez daniarra, poloniarrak ditu gurasoak, eta Monakon bizi da.^[1]

2006. urtean Winledonho junior txapelketa irabazi zuen. 2007.ean WTAko zerrendan munduko 100 emakume onenen artean sartu zen. 2008. urtean irabazi zituen lehenengo torneoak eta 2010. urtean gorenera iritsi zen.

Wozniackiren estiloa oso defentsiboa da, aurrea hartzea, oin jokoa, mugimendua eta bizitasuna dira bere jokoaren oinarriak. Bi eskuko errebesa, bestalde, zirkuituko errebes onenetakoa da defentsa-jokoa erasotzaile bihurtzeko duen gaitasunagatik. Estilo honek counter-puncher izena jasotzen du tenis munduan, euskaraz "aurkako kolpekari" moduan itzul litekeena ^[2].

Tenislaria urte honetan hasi zen lehenbiziko junior txapelketak irabazten; besteak beste, aipatzekoa da Orange Bowl tenis txapelketa. WTA tourrean ere 2005ean sartu zen eta debut profesionala uztailaren 18an izan zen^[3]. Bi txapelketa jokatu zituen eta bietan lehenengo txandan kanporatua izan zen. Cincinnatiko Mendebaldeko & Hegoaldeko Finantza-Taldearen Emakumezkoen Irekian txapelduna izango zen Patty Schnyder suitzarraren aurka galdu zuen eta Nordea Nordic Light Irekian, aldiz, Martina Suchá eslovakiarrak garaitu zuen bi setean ^[4].

Urtea ondo hasi zuen Wozniackik. Serie buru izendatu zuten Australiako Irekiko nesken bakarkakoan eta finaleraino iristea lortu zuen. Dena den, azkeneko partidu honetan Anastasia Pavliutxenkova errusiarraren aurka galdu zuen 6-1, 2-6 eta 3-6. Txapelketa honetan nesken binakakoan ere parte hartu zuen, baina Alizé Cornet eta Corinna Dentoni bikoteak Anna Tatishvili lagunarekin batera kaleratu zuten semifinalean.

Otsailean Memphisko Regions Morgan Keegan txapelketa jokatu zuen eta WTA Tourreko lehenbiziko final erdietara iritsi zen Kristina Brandi eta Ashley Harkleroad garaitu ondoren. Txanda horretan, hirugarren serie buru zen Sofia Arvidsson suediarraren aurka galdu zuen.

Wimbledongo txapelketa ospatu baino lehen, Wozniackik Liverpoolgo prestaketa txapelketa irabazi zuen eta Olga Savtxuk ukrainiarra garaitu zuen finalean 7-6 eta 6-3. Wimbledon jokatzeko wild card edo pase askea eman zioten, baino lehenengo txandan Miho Saeki japoniarraren aurka galdu zuen. Bestalde, Wozniackik txapelketako nesken barkarkakoan ere parte hartu zuen urte berean eta lehiaketa honetan garailea izan zen. Finalean Magdaléna Rybáriková eslovakiarra garaitu ondoren, etorkizun oparoena iragartzen zuen nazioarteko emakumezko tenislaria bihurtu zen ^[5].

Abuztuan, WTA Tourreko beste final laurden batera iritsi zen, kasu honetan, aurreko urtean lehenbizikoan galdu zuen Nordea Nordic Light Irekian. Hirugarren serie burua zen Zheng Jiek garaitu baino lehen, top 100ean zeuden Iveta Benešová eta Eleni Daniilidou greziarra menderatu zituen.

AEBetako Irekia ez zen bere txapelketa izan. 2006an Nesken bakarkakoan baino ez zuen jokatu eta lehenbiziko txandan kanporatua izan zen. Hain zuzen ere, Aleksandra Panovaren aurka jokatzen ari zela, epaileak partidua errusiarrari eman zion Wozniacki ikusle bat iraintzen ikusi zuela argudiatu ondoren. Esaten da daniarrak ikusle bati gaizki esaka hasi zitzaiola mugikorrean hitz egiten egoteagatik; dena den, tenislariak akusazio hauek errefusatu ditu eta tanto txar baten ondoren bere buruaren aurka ari zela esan du behin baino gehiagotan ^[6][7].

AEBetako Irekiko eskandalua eta gero, azkenenko junior txapelketan, Osakan ospatu zen Mayor kopan, nesken bakarkakoa eta binakakoa irabazi zituen. Lehen titulua eta aurreneko 25.000$ak, aldiz, Istanbulen urriaren 29an Nazioarteko Tenis Federazioak antolatu zuen txapelketan eskuratu zituen; finalean Tatjana Malek alemaniarra garaitu zuen ^[8].

Azaroaren 29an, Daniar Junior Tenisaren enbaxadore izendatu zuen Danimarkako garaiko Brian Mikkelsen Kultura ministroak ^[9].

Ez du oraindik Gran Slamik irabazi (lorpenik handiena AEBetako Irekian izan zuen 2009an finalera iritsi zenean) baina bai torneo ugari eta honek lehenengo postua eman dio WTAko zerrendan.

• (Ingelesez) Caroline Wozniackiren beraren webgunea.
• (Ingelesez) «Caroline Wozniacki», Women's Tennis Association (WTA) elkarteko profila.
• (Ingelesez) «Caroline Wozniacki», Nazioarteko Tenis Federazioko (ITF) profila.
• (Ingelesez) «Caroline Wozniacki», Nazioarteko Tenis Federazio Juniorreko profila
• (Ingelesez) «Caroline Wozniacki», Fed Cupeko profila.
• (Ingelesez) «Caroline Wozniacki», Internet Movie Database (IMDB) datu baseko profila.