Uničov

Uničov
germane Mährisch Neustadt
urbo
Urbodomo en Uničov
Flago Blazono
Oficiala nomo: Uničov
Ŝtato	Ĉeĥio
Regiono	Regiono Olomouc
Distrikto	Distrikto Olomouc
Administra municipo	Uničov
Historia regiono	Moravio
Parto de	Hanakio
Riveroj	Oskava, Lukavice
Situo	Uničov
- alteco	248 m s. m.
- koordinatoj	49° 46′ 16″ N 17° 07′ 01″ O / 49.77111 °N, 17.11694 °O / 49.77111; 17.11694 (mapo)
Areo	48,27 km² (4 827 ha)
Loĝantaro	11 151 (2024)
Denseco	231,01 loĝ./km²
Valego	Supramoravia valego
Fondo	1213
Horzono	MET (UTC+1)
- somera tempo	MET (UTC+2)
Poŝtkodo	783 81 ĝis 783 91
NUTS 3	CZ071
NUTS 4	CZ0712
NUTS 5	CZ0712 505587
Katastraj teritorioj	9
Partoj de urbo	9
Bazaj setlejunuoj	22
Situo enkadre de Ĉeĥio
Vikimedia Komunejo: Uničov
Retpaĝo: www.unicov.cz
Portalo pri Ĉeĥio

Uničov estas urbo en Ĉeĥio kun 11 151 loĝantoj (2024), situanta en norda Moravio, en norda parto de regiono, kies nomo estas Hanakio, 8 km de urbo Litovel.

La najbaraj municipoj de la setlejo estas Želechovice, Medlov, Šumvald, Troubelice, Újezd, Pňovice, Červenka, Litovel kaj Dlouhá Loučka.

Kiel reĝan ministan urbon fondis ĝin en la jaro 1213 moravia markgrafo Vladislav Jindřich, frato de reĝo Přemysl Otakar la 1-a. Ĝi estis centro de regiono kaj ĝi estis forte fortikigita per ŝtonaj remparoj, parte konservintaj (duonronda bastiono), kun kvar pordegoj, el kiuj konserviĝis Medecká-pordego kaj pli juna Vodní-pordego. Vane la urbon konkeris tataroj kaj pli malfrue Matiaso la 1-a Korvino, sed sukcesis en sieĝado prusia soldataro en la jaro 1742. Bazplano de la urbo estas ronda kun placo kaj urbodomo, kiu estis neniigita de svedoj kaj en la jaro 1891 ĝi estis renovigita, kun 45 m alta turo. Dominaĵo estas trinava preĝejo de Ascendotago de Virgulino Mario (1330–1341) kun alkonstruita baroka kapelo (1713).

Uničov krom la propra urbo dividiĝas en pluaj ok partoj:

• Benkov
• Brníčko
• Dětřichov
• Dolní Sukolom
• Horní Sukolom
• Nová Dědina
• Renoty
• Střelice

En la jaroj 1974–1990 konsisto de la urbo estis ankaŭ municipo Želechovice.

En la urbo estas maŝinindustrio kaj nutraĵindustrio, en pasinteco oni minis okcidente de Uničov ferercon.

En fruaj matenaj horoj la 16-an de marto 2020, en la tempo, kiam Ĉeĥa respubliko baraktis sin en pandemio de kronviruso COVID-19, higienistoj decidis rilate al abrupta kresko de pacientoj kun tiu ĉi malsano fermi urbojn Uničov kaj Litovel komune kun ties ĉirkaŭaĵoj. Polico gardis la regionojn kaj malebligis al neniu enpaŝi en la regionon nek forlasi ĝin. Unu el tiel ĉi trafitaj municipoj estis ankaŭ Uničov.

Tra Uničov gvidas enelektrizita fervoja linio numero 290 de Olomouc al Šumperk.