Forumo Junulara Eŭropa
internacia organizaĵo interesogrupo
Komenco	1996 vd
Antaŭe	Q21082728 • Q11923407 • Q21055588 vd
Sidejo	Bruselo
Adreso	Rue de l’Industrie, 10
Agareo	youth policy • youth activism
Lingvoj	angla lingvo • franca lingvovd
Partoj youth council (en) kaj ne-registara organizaĵo vd
Retejo	Oficiala retejo
Jura formo	international non-profit association
v • d • r

La Forumo Junulara Eŭropa, mallongita kiel FoJE, (france Forum européen de la jeunesse, FEJ, angle European Youth Forum, EYF, germane Europäisches Jugendforum, EJF) estas internacia neregistara organizo, en kiu membras naciaj junularaj konsilioj kaj internaciaj neregistaraj junularaj organizoj en Eŭropo. Ĝi celas reprezenti la asociojn kaj junularon ĝenerale al Eŭropaj kaj internaciaj institutoj kiel la Eŭropa Unio, Konsilio de Eŭropo kaj Unuiĝintaj Nacioj. En januaro 2023, Forumo Junulara Eŭropa kunigas 105 organizojn, inter ili 44 naciajn junularajn konsilojn kaj 61 neregistarajn organizaĵojn. Ankaŭ TEJO estas membro de FoJE kiel neregistara organizaĵo.^[1] Krome laŭ la nuna stato unu landa sekcio de TEJO, Pola Esperanto-Junularo, sukcesas esti plena membro^[2] de sia landa konsilio de junularaj organizaĵoj^[3] - plia landa sekcio, Germana Esperanto-Junularo, havis kompareblan statuson ekde komence de la 1990-aj ĝis meze de la 2010-aj jaroj,^[4] sed perdis ĝin pro tio ke la ĉiukaze altaj postuloj pri grandeco de la membroasocioj estis ankoraŭ plialtigitaj, kaj la aktivuloj de GEJ ne plu sukcesis plenumi la postulojn konatajn al ĉiuj.

Kreiĝinte en 1996, FoJE estas la kunigado de tri antaŭaj organizoj (angle nomitaj Council of European National Youth Committees (CENYC), Youth Forum of the European Communities (YFEU) kaj European Co-ordination Bureau of International Youth Organisations (ECB) ), kiuj laboris por la rajtoj de junuloj ekde la 1960-aj jaroj (CENYC kaj ECB) aŭ ekde la fino de la 1970-aj jaroj (YFEU).

FoJE celas esti la voĉo de la junularo en Eŭropo. Junuloj estas egalaj civitatanoj kiujn FoJE subtenas por ke ili plenumu siajn rolojn kiel mondaj civitatanoj kaj plibonigu siajn proprajn vivojn. FoJE estas sendependa kaj demokrata komunumo, organizata kaj dirigestrata de junuloj. Ĝi reprezentas la naciajn junularajn konsilojn kaj la sendependajn junularajn organizojn kiuj membriĝas en ĝi, kaj batalas por iliaj interesoj kaj bezonoj kaj la interesoj kaj bezonoj de la junularo mem.

La celoj de FoJE estas:

• Pligrandigi la partoprenon de la junularo kaj la junularaj organizoj en la socio kaj en la decidado.
• Influi la politikajn problemojn kiuj trafas la junulojn kaj la junularajn organizojn, reprezentante ilin oficiale ĉe internaciaj organizoj : EU, la Konsilio de Eŭropo kaj Unuiĝintaj Nacioj.
• Prihelpi la laboron de la junularo en la naciaj kaj internacia nivelo, ĉefe helpante ilin por ricevi taŭgajn subvenciojn
• Prihelpi la interŝanĝon de ideoj kaj spertoj, la reciprokan interkomprenon, kaj egalajn rajtojn kaj ŝancojn inter la junuloj de Eŭropo.
• Subteni la interkulturan komprenon, la demokration, la respekton, la diversecon, la homajn rajtojn, la aktivan civitatanecon kaj la solidarecon.
• Kunlabori por la pligrandigado de la junulara laboro en aliaj regionoj de la mondo.

Lando	Nomo	Mallongigo	Stato
Armenio	Armena Nacia Junulara Konsilio	ՀԵաԽ HEaĤ NYCA	Plenrajta
Aŭstrio	Aŭstria junulara reprezentantaro	ÖJV	Plenrajta
Azerbajĝano	Nacia Asembleo de Junularaj Organizoj de Azerbajĝano	ARGTMŞ NAYORA	Plenrajta
Belgio - komunumo germanlingva	Rat der Deutschsprachigen Jugend	RDJ	Plenrajta
Belorusio	Belorusa Unuiĝo de Junularaj kaj Infanaj Publikaj Asocioj	РАДА RADA	Plenrajta
Britio	Brita Junulara Konsilio	BYC	Plenrajta
Bulgario	Nacia Junulara Forumo de Bulgario	НМФ NMF	Kandidato
Ĉeĥio	Ĉeĥia Konsilio de Infanoj kaj Junularo	ČRDM	Plenrajta
Danio	Dana Junulara Konsilio	DUF	Plenrajta
Estonio	Estona Junulara Konsilio	ENL	Plenrajta
Finnlando	Allianssi	Allianssi	Plenrajta
Flandrio - Belgio nederlandlingva	Vlaamse Jeugdraad	VJR	Plenrajta (unu voĉdono kun CRIJ)
Francio	Komitato de Asocioj de Junularo kaj Popola Edukado	CNAJEP	Plenrajta
Germanio	Germania nacia komitato por internacia junulara laboro	DNK	Plenrajta
Grekio	Greka Nacia Junulara Konsilio	ΕΣΥΝ ESYN	Plenrajta
Hispanio	Konsilio de la Junularo de Hispanio	CJE	Plenrajta
Irlando	Irlanda Nacia Junulara Konsilio	NYCI	Plenrajta
Islando	Landsamband æskulýðsfélaga	LÆF	Plenrajta
Italio	Nacia Konsilio de Junuloj en Italio	FNG	Plenrajta
Kartvelio	Kartvela Nacia Konsilio de Junularaj Organizoj	საოს SaoS NCYOG	Plenrajta
Katalunio	Nacia Konsilio de la Junularo de Katalunio	CNJC	Plenrajta (sen voĉdono)
Kipro	Kipra Junulara Konsilio	ΣNK CYC	Plenrajta
Kroatio	Reto Junulara de Kroatio	MMH	Plenrajta
Latvio	Junulara Konsilio de Latvio	LJP	Plenrajta
Litovio	Konsilio de Junulaj Organizaĵoj de Litovio	Lijot	Plenrajta
Luksemburgo	Ĝenerala Konferenco de Luksemburgia Junularo	CGJL	Plenrajta
Malto	Nacia junulara konsilio de Malto	KNZ	Plenrajta
Moldavio	Nacia Junulara Konsilio de Moldavio	CNTM	Plenrajta
Nederlando	Nacia junulara konsilio de Nederlando	NJ	Plenrajta
Norvegio	Nacia konsilio por norvegaj infanaj kaj junularaj organizaĵoj	LNU	Plenrajta
Pollando	Pola Konsilio de Junularaj Organizoj	PROM	Plenrajta
Portugalio	Nacia Konsilio de la Junularo de Portugalio	CNJ	Plenrajta
Rumanio	Junulara Konsilio de Rumanio	CTR	Kandidato
Rusio	Rusa Nacia Junulara Konsilio	НСМДОР	Plenrajta
Serbio	Tegmenta Organizaĵo de la Junularo de Serbio	КOMС KOMS	Kandidato
Slovakio	Junulara Konsilio de Slovakio	RMS	Plenrajta
Slovenio	Junulara Konsilio de Slovenio	MSS	Plenrajta
Svedio	Nacia Konsilio por la junularaj organizaĵoj de Svedio	LSU	Plenrajta
Svislando	Svisa Nacia Junulara Konsilio	SAJV/CSAJ	Plenrajta
Ukrainio	Ukrainia Junulara Forumo	YМФ UMF	Kandidato
Valonio - Belgio franclingva	Comité pour les Relations Internationales de Jeunesse	CRIJ	Plenrajta (unu voĉdono kun VJR)

• Oficiala retejo (angle kaj france)
• "vizitkarto" de TEJO en la oficiala retejo Arkivigite je 2023-02-08 per la retarkivo Wayback Machine (angle)
• artikolo "TEJO-ano estros ĉe Forumo Junulara Eŭropa" en Libera Folio de novembro 2020 (esperante)