La distrikto Emmendingen situas en la federacia lando Baden-Virtembergo de Germanio. Ĝia administra sidejo estas la samnoma urbo Emmendingen. La distrikto estas parto de la distriktaro Freiburg kaj de la regiona ligo Suda Supra Rejno.
La distrikto havas areon de 679 km², kaj fine de decembro 2022 ĝi havis 170 996 loĝantojn. Najbaras la distriktoj Ortenau norde, Schwarzwald-Baar oriente, Breisgau-Hochschwarzwald plus la eksterdistrikta urbo Freiburg sude. En la okcidento la rivero Rejno konsistigas la naturan limon al la regiono Alzaco de la najbara ŝtato Francio. Rekte okcidente de la distrikto Emmendingen situas la arondismento Sélestat-Erstein de la departemento Bas-Rhin.
Eksteraj ligiloj
