Pentref bychan yng nghymuned Betws-yn-Rhos, bwrdeistref sirol Conwy, Cymru, yw Dolwen.[1] Fe'i lleolir ar groesffordd lle mae'r B5383 o Fae Colwyn yn cwrdd â'r B5381 sy'n cysylltu Glan Conwy, i'r gorllewin, a Llanelwy i'r dwyrain. Y dref agosaf yw Bae Colwyn, tua 4 milltir i'r gogledd.
Llifa dwy o isafonydd Afon Dulas heibio i'r pentref ar ei ffordd o'r bryniau i aberu ym Môr Iwerddon ger Llanddulas. Yr enw ar un o'r isafonydd hyn ers talwm oedd Afon Dhôl Wen (c1700), sef tarddiad enw'r pentref.[2]
Cyfeirir at y pentref am y tro cyntaf mewn dogfen sy'n dyddio o 1546.
Cyfeiriadau
- ↑ British Place Names; adalwyd 24 Tachwedd 2021
- ↑ Dictionary of Welsh Placenames, gol. Hywel Wyn Owen a Richard Morgan (Gwasg Gomer, 2007)
