Die toernooi se formaat van 2003, 2007 en 2011 het onveranderd gebly en 20 nasionale rugbyspanne het aan die Rugbywêreldbeker 2015 deelgeneem: die twaalf regstreekse kwalifiseerders van die 2011-toernooi (Argentinië, Australië, Engeland, Frankryk, Ierland, Italië, Nieu-Seeland, Samoa, Skotland, Suid-Afrika, Tonga en Wallis), saam met die agt beste spanne van die kwalifisering (Fidji, Georgië, Japan, Kanada, Namibië, Roemenië, Uruguay en die Verenigde State). Tydens die Rugbywêreldbeker 2015 is 48 wedstryde gespeel, waaronder 40 tydens die groepfase en agt tydens die uitklopfase, insluitende die eindstryd. Die spanne is in vier groepe van vyf elk verdeel, waarvan elke span een keer teen al die ander spanne in die groep gespeel het. Die twee beste spanne van elke groep het hierna vir die kwarteindrondte gekwalifiseer, terwyl die drie beste spanne van elke groep – altesaam twaalf spanne – regstreeks vir die volgende Rugbywêreldbeker 2019 in Japan gekwalifiseer het.
Voor die afskop van die Rugbywêreldbeker 2015 is Nieu-Seeland, Australië, Suid-Afrika en Ierland as gunstelinge op die titel beskou.[3] Die verdedigende kampioen Nieu-Seeland het die eindstryd op Twickenham in Londen teen Australië met 34–17 gewen en sodoende sy derde wêreldtitel ingepalm. Daarmee het Nieu-Seeland die eerste nasionale rugbyspan geword wat die beker kon verdedig en ook vir ’n derde keer kon wen.[4] Daarbenewens was dit die tweede eindstryd in dié toernooi se geskiedenis wat twee spanne van die Suidelike Halfrond gesien het, ná die Rugbywêreldbeker 1995 in Suid-Afrika, en die eerste halfeindrondte sonder spanne van die Noordelike Halfrond.[5] Twickenham het ná Edenpark in Auckland die tweede rugbystadion geword wat die rugbywêreldbekereindwedstryd vir meer as een keer – ná die 1991-toernooi – gehuisves het.[6] Suid-Afrika het in die derde en Argentinië in die vierde plek geëindig. Namibië is ná vier nederlae reeds in die groepfase uitgeskakel. Vir die eerste keer in dié toernooi se geskiedenis was daar geen debutante nie.
Die wedstryd tussen Japan en Suid-Afrika tydens die openingsnaweek, waarin Japan die beslissende drie in ekstra tyd teen die gunsteling Suid-Afrika kon druk, word algemeen as die “grootste ontsteltenis” in die rugbygeskiedenis beskou.[7] Vervolgens het dié toernooi van die begin af baie media-aandag geniet. Die gasheer Engeland is ná nederlae teen Wallis en Australië reeds in die groepfase uitgeskakel; dit was die eerste keer in die toernooi se geskiedenis wat ’n nominale gasheer nie tot die uitklopfase kon vorder nie. Daarbenewens was Japan, as gevolg van minder bonuspunte, die eerste span met drie oorwinnings wat nie tot die kwarteindrondte kon vorder nie.[8][9]
Met meer as vier miljard televisiekykers wêreldwyd was die Rugbywêreldbeker 2015 die mees gesiene rugbywêreldbekertoernooi ooit. Altesaam is daar sowat 2,47 miljoen kaartjies vir die 48 wedstryde verkoop, waarmee elke wedstryd gemiddeld 51 621 toeskouers gelok het.[10][11]
Toewysing
Kaart van die kandidaatlande vir die Rugbywêreldbeker 2015
Die wêreldbeheerliggaam Wêreldrugby (tot 2014: Internasionale Rugbyraad) het tot op 15 Augustus 2008 vir bode van belangstellende lande wat die Rugbywêreldbeker 2015 of Rugbywêreldbeker 2019 wou aanbied tyd gegee. Tot op hierdie datum was slegs ’n formele verklaring sonder gedetailleerde planne voldoende. ’n Rekord van tien lande het vervolgens hul belangstelling vir een van die twee toernooie aangekondig: Australië, Engeland, Ierland, Italië, Jamaika, Japan, Rusland, Skotland, Suid-Afrika en Wallis.[12] Van hierdie tien lande het ses hul kandidatuur in die eerste helfte van 2009 teruggetrek. Engeland, Italië, Japan en Suid-Afrika was vervolgens die moontlike kandidaatlande; met Engeland en Japan as gunstelinge.[13]
Tydens ’n spesiale vergadering van die Internasionale Rugbyraad wat op 28 Julie 2009 in Dublin gehou is, is die Rugbywêreldbeker 2015 aan Engeland toegeken, terwyl die Rugbywêreldbeker 2019 aan Japan toegewys is.[14][15]
Naas die nominale gasheer Engeland, wat ook met sy deelname aan die kwarteindrondte van die Rugbywêreldbeker 2011 gekwalifiseer het, het ook die ander sewe deelnemers aan die kwarteindrondte en die vier derdeplek-spanne van die 2011-groepfase vir die Rugbywêreldbeker 2015 gekwalifiseer. Vervolgens is agt van die 20 plekke van die toernooi tydens die kwalifisering uitgespeel. Die kwalifiseringstoernooi is in vyf streeksgroepe verdeel: Afrika, Amerikas, Asië, Europa en Oseanië. Twee plekke elk is vir die nasionale spanne van die Amerikas en Europa gereserveer en een elk vir Afrika, Asië en Oseanië. Die oorblywende plek is tydens ’n interkontinentale kwalifiseringsrondte beslis.[19] As die regstreekse klassifiseerders getel word, het 96 spanne in aanmerking gekom vir kwalifisering vir die finale toernooi in Engeland en Wallis.
Die volgende spanne het regstreeks vir die Rugbywêreldbeker 2015 gekwalifiseer: Engeland as gasheer en kwarteindrondtespan 2011, Nieu-Seeland as verdedigende kampioen, Frankryk as naaswenner en Australië as derde plek in 2011, Wallis as halfeindrondtespan, die spanne van die kwarteindrondte Ierland, Suid-Afrika en Argentinië, asook die derde plekke in die groepfase Skotland, Samoa, Tonga en Italië. In Augustus 2013 het Kanada as Amerikas 1 gekwalifiseer toe hulle die Verenigde State met ’n algehele telling van 40–20 verslaan het.[20] Amerikas 2 is in Maart die volgende jaar gevul toe die Verenigde State Uruguay met ’n algehele telling van 59–40 geklop het.[21] In dieselfde maand het Georgië as Europa 1 gekwalifiseer en Roemenië as Europa 2.[22] Twee maande later het Japan die enigste Asiatiese toekenning gewen.[23] In Junie 2014 is Fidji bevestig as as kwalifiseerder van Oseanië as Oseanië 1.[24] Een maand later het Namibië vir sy vyfde agtereenvolgende rugbywêreldbekertoernooi gekwalifiseer toe die span die Afrikabeker met ’n beter punteverskil beklink het.[25] Uruguay het deur heruitdunning gekwalifiseer nadat die span Rusland met ’n algehele telling van 57–49 geklop het.[26]
Kwalifiserende spanne
Die volgende 20 spanne het vir die finale toernooi gekwalifiseer. Dieselfde 20 lande het ook aan die toernooi in 2003 deelgeneem. Uruguay, wat Rusland vervang het, is die enigste verandering in die 20-span-lys van die Rugbywêreldbeker 2011.
Spanne wat aan die kwalifiseringstoernooi deelgeneem en die wat regstreeks gekwalifiseer het; altesaam 96 spanne het deelgeneem.
Anders as oorspronklik beplan kon Manchester se Old Trafford tydens die Rugbywêreldbeker 2015 nie gebruik word nie
Ná die besluit van die Internasionale Rugbyraad op 28 Julie 2009 is die voorgestelde stadions vir die toernooi bekendgestel. Op 2 Mei 2013 is die finale plekke saam met die toernooiformaat bevestig.[27] Elf stadions is in Engeland gekies, terwyl die Millenium-stadion in Wallis geleë is. Reeds in 2011 het die IRR die gebruik van die Millenium-stadion weens sy kapasiteit en ligging goedgekeur, ondanks die feit dat dit buite die gasheerland is.[28] Slegs twee plekke (Kingsholm-stadion en Sandy Park) is spesifiek vir rugby ontwerp; twee is nasionale rugbystadions (Twickenham en Millennium); twee is veeldoelig (Wembley en Olimpiese Stadion) en die ander sewe is sokkerstadions.[29]
Op 2 Mei 2013 is die stadions vir die toernooi bevestig.[33] Twickenham was gasheer vir die eindstryd, die twee halfeindstryde, een kwarteindstryd en vier groepwedstryde, waaronder die openingswedstryd. Die Millennium-stadion het twee kwarteindstryde en ses groepwedstryde gekry en Wembley die vierde een. Die Londense Olimpiese Stadion het die bronseindstryd en vier groepwedstryde gehuisves. Al die ander stadions is vir groepwedstryde gebruik.[34]
Calverley-straat in Leeds, Wes-Yorkshire, op die vooraand van die Rugbywêreldbeker 2015
Die Rugbywêreldbeker 2015 is oor 44 dae tussen 20 verskillende spanne oor 48 wedstryde beslis. Dit het op 18 September 2015 afgeskop op Twickenham met die openingswedstryd tussen die nominale gasheer Engeland en Fidji. Die toernooi het geëindig by dieselfde stadion op 31 Oktober met die eindstryd tussen Nieu-Seeland en Australië, waartydens die All Blacks die Webb Ellis-beker verdedig het.
Kalender
Die volgende tabel dui die Rugbywêreldbeker 2015 se daaglikse program aan. ’n Rooi blokkie dui op beide die openings- en sluitingseremonie, ’n pers blokkie op wedstryde tydens die groepfase, ’n groen blokkie op wedstryde tydens die uitklopfase, ’n blou blokkie op die bronseindstryd en ’n geel blokkie op die eindstryd.
Aantal daaglikse wedstryde tydens die toernooi
Groepfase September/Oktober
Vr 18
Sa 19
So 20
Ma 21
Di 22
Wo 23
Do 24
Vr 25
Sa 26
So 27
Ma 28
Di 29
Wo 30
Do 1
Vr 2
Sa 3
So 4
Ma 5
Di 6
Wo 7
Do 8
Vr 9
Sa 10
So 11
Seremonies
OS
Groep A
1
1
1
1
1
1
1
1
2
Groep B
1
1
1
1
1
2
1
1
1
Groep C
1
1
1
1
1
1
1
1
1
1
Groep D
2
1
1
1
1
1
1
2
Uitklopfase Oktober
Ma 12
Di 13
Wo 14
Do 15
Vr 16
Sa 17
So 18
Ma 19
Di 20
Wo 21
Do 22
Vr 23
Sa 24
So 25
Ma 26
Di 27
Wo 28
Do 29
Vr 30
Sa 31
Seremonies
SS
Uitklopfase
2
2
1
1
1
1
Verklaring
Seremonies
Groepfase
Uitklopfase
Bronseindstryd
Eindstryd
Groepe
Die loting vir die Rugbywêreldbeker 2015 het op 3 Desember 2012 in die Londense Tate Modern plaasgevind
Die eerste rondte, of die groepfase, het 20 lande wat in vier groepe van vyf spanne gedeel is met dieselfde formaat as wat in 2003, 2007 en 2011 gebruik is. Die loting vir die groepfase was op 3 Desember 2012, gedurende die kwalifisering, in die Londense Tate Modern waar die twaalf regstreekse kwalifiseerders in drie groepe gedeel is na aanleiding van hul posisie op die IRR-ranglys. Die loting het plaasgevind ná die Noordelike Halfrond se 2012 eindjaarrugbytoetsreeks wat op 1 Desember klaar was en van die ranglys ná die toetsreeks gebruik gemaak.[35][36] Die loting se vroeë datum, drie jaar voor die toernooi, is gekritiseer en die wêreldbeheerliggaam het belowe om die volgende rugbywêreldbekertoernooi se loting nader aan die toernooi te laat plaasvind.[37]
Die lootstelsel van vorige rugbywêreldbekertoernooie is behou met die twaalf regstreekse kwalifiseerders uit 2011 wat op die lotingsdag aan hul onderskeie groepe toegewys is, gebaseer op hul plek op die IRR-ranglys op 1 Desember 2012:
Groep 1: Die vier beste gekeurde spanne
Groep 2: Die vier naasbeste gekeurde spanne
Groep 3: Die vier laagste regstreekse kwalifiseerders
Die oorblywende twee groepe bestaan uit die agt bykomende spanne, met die toewysing in elke groep gebaseer op die vorige Rugbywêreldbekertoernooi:
Groep 4: Oseanië 1, Europa 1, Asië 1 en Amerikas 1
Groep 5: Afrika 1, Europa 2, Amerikas 2 en uitspeelwedstrydwenner
Die groepe is soos volg (in hakies is die ranglysplasing vóór die loting:[38][39]
’n Reuse rugbybal, Match XV – die amptelike rugbybal van die Rugbywêreldbeker 2015 – by die Cardiff-kasteel in Wallis op die vooraand van die Rugbywêreldbeker 2015Land Rover, borg van die Rugbywêreldbeker 2015, by die aanbieding van die Webb Ellis-beker
Soos in die rugbywêreldbekertoernooie van 2003, 2007 en 2011 is die 20 spanne wat vir die Rugbywêreldbeker 2015 gekwalifiseer het in vier groepe verdeel. Die groepe is verdeel van Groep A tot Groep D en elke groep het bestaan uit vyf spanne. Elke groep het drie regstreekse kwalifiseerders van die Rugbywêreldbeker 2011 bevat, met die ander twee plekke wat deur die kwalifiseringstelsel gevul is. Elke land het een keer teen elke ander span in sy groep gespeel: elke land het dus vier wedstryde tydens die groepfase gespeel.
Klassifisering binne elke groep was gegrond op die volgende puntestelsel:
vier wedstrydpunte vir ’n oorwinning;
twee vir ’n gelykopuitslag;
geen vir ’n nederlaag;
Een bonuspunt vir die druk van vier of meer drieë, of ’n nederlaag met sewe punte of minder.[41]
Bonuspunte wat bydra tot spanne se versamelde wedstrydpuntetelling is toegeken in elkeen van die volgende omstandighede (een wedstrydpunt vir elke geval):
’n span druk vier of meer drieë (ongeag van die wedstryduitslag);
’n span verloor met sewe punte (’n verdoelde drie) of minder.[41]
Aan die einde van die groepfase is die spanne gerangskik van die eerste na die vyfde posisie, gegrond op versamelde wedstrydpunte, met die twee beste spanne wat na die kwarteindrondte deurgedring het. As twee of meer spanne ewe veel punte behaal het, is ’n kriteriastelsel gebruik om te bepaal watter span ’n hoër rang gehad het. Die kriteriastelsel het berus op ’n gedetailleerde analise van die wedstryde waaraan die spanne deelgeneem het. As geen uitslag met die stelsel bereik kon word nie, is die span wat die hoër rang op die amptelike ranglys van Wêreldrugby gehad het (soos gepubliseer op 12 Oktober 2015) die hoër rang toegeken.[41]
Uitklopfase
Van die begin van dié fase af het die toernooi ’n uitklopformaat aangeneem wat uit agt wedstryde bestaan het: vier kwarteindstryde, twee halfeindstryde, ’n derdeplekwedstryd en die eindstryd.
Die wenner en naaswenner van elk van die groepe het na die uitklopfase deurgedring. Groepwenners het teen naaswenners in ander groepe in die kwarteindstryde gespeel, byvoorbeeld: die wenner van Groep A het teen die naaswenner van Groep B en die wenner van Groep B teen die naaswenner van Groep A gespeel. Spanne van dieselfde groep sou dus eers in óf die klein finale óf die eindstryd kon herontmoet het.
Elke wedstryd in die uitklopfase moes met ’n oorwinning vir een van die spanne eindig. As daar ná tagtig minute van gewone spel ’n gelykopuitslag was, is daar verder gespeel om te bepaal wie die wenner is. Aanvanklik is daar twee periodes van ekstra tyd gespeel, tien minute in elke rigting: as daar dan steeds geen wenner was nie, is daar vir tien minute gespeel in ’n uitklopformaat, waar die eerste span wat daarin geslaag het om punte aan te teken, gewen het. As daar steeds nie ’n wenner was ná 110 minute nie is die wenner bepaal deur ’n stelskopkompetisie.[41]
2015-effek op 2019-kwalifisering
Soos tydens die rugbywêreldbekertoernooie van 2007 en 2011 het die beste drie spanne in elke groep regstreeks vir die volgende Rugbywêreldbeker 2019 in Japan gekwalifiseer. Hulle was Argentinië, Australië, Engeland, Frankryk, Georgië, Ierland, Italië, Japan, Nieu-Seeland, Skotland, Suid-Afrika en Wallis.
Kaartjies en borgskappe
Amptelike 2015 Rugbywêreldbeker-winkel
Kaartjies vir die Rugbywêreldbeker 2015 is in vyf fases verdeel. Die eerste-fase-kaartjies is op 1 Januarie 2014 vrygestel toe oorsese aanhangers die geleentheid gebied is om verskeie kaartjiepakkette aan te skaf. Op 1 Februarie 2014 is gasvryheidspakkette vrygestel. In Mei en Junie dieselfde jaar is aanhangers die geleentheid gegee om kaartjies by rugbyklubs te koop. In September 2014 is met die algemene kaartjieverkoop begin en vanaf November 2014 is in die laaste fase die oorblywende kaartjies vrygestel.[42] In Oktober 2014 is daar aangekondig dat daar reeds 950 000 van die 2,4 miljoen kaartjies verkoop is.[43] Altesaam is daar 2,47 miljoen kaartjies verkoop, wat die 2007-toernooi se 2,25 miljoen oorskry en die 2011-toernooi se 1,6 miljoen uitoorlê.[44]
Die wêreldwye vennote van die toernooi was Heineken, Land Rover, Société Générale, DHL, Emirates en Mastercard, en die amptelike borge sluit in Coca-Cola, Canon en Toshiba.[45]Gilbert het die rugbyballe vir die toernooi verskaf en die Match XV-wedstrydbal is deurgaans in die toernooi gebruik. Dit sit Gilbert se betrokkenheid by rugbywêreldbekertoernooie voort nadat die maatskappy die Barbarian- (1995), Revolution- (1999), Xact- (2003), Synergie- (2007) en Virtuo-balle (2011) vir vorige toernooie verskaf het.[46] Saam met Gilbert was die amptelike verskaffers Canterbury, Clifford Chance, EY, Dove en Duracell.[45]
Betrokkenes
Wedstrydbeamptes
’n Paneel van twaalf skeidsregters, sewe lynregters en vier televisieskeidsregters is vir die groepfase ingespan.[47]
Elke land kon 31 spelers vir die toernooi kies. Die spanne moes teen 31 Augustus 2015 aan Wêreldrugby voorgelê word. Nadat die span voorgelê is, kon ’n beseerde speler vervang word, maar so ’n speler is nie toegelaat om weer by die span aan te sluit nie. Daar was ook ’n uitstaanperiode van 48 uur voordat die nuwe speler toegelaat is om die veld in te neem. Gevolglik sal ’n plaasvervanger wat op die vooraand van ’n wedstryd in die span ingeroep is, nie toegelaat word om in daardie wedstryd te speel nie.[48]
Uit die toernooi geskakel, maar kwalifiseer regstreeks vir die Rugbywêreldbeker 2019.
Uit die toernooi geskakel én loop regstreekse kwalifisering vir die Rugbywêreldbeker 2019 mis.
Die wedstryde is in twee fases opgedeel, naamlik die groep- en die uitklopfase.
Groepfase
20 spanne het aan die groepfase deelgeneem. Die twee beste spanne in elke groep het na die uitklopfase deurgedring, terwyl die drie beste spanne regstreeks vir die volgende toernooi gekwalifiseer het.
Groep A
Australië klop Engeland met 33–13 op Twickenham in Londen
Bywoning: 39 605 Skeidsregter: Pascal Gaüzère (Fra) Speler van die wedstryd: Sean McMahon (Aus)
Diego Magno (Uru) speel in sy 50ste toetswedstryd.
Drew Mitchell druk sy twaalfde drie tydens ’n rugbywêreldbekerwedstryd en oortref Chris Latham se vorige Australiese rekord van elf drieë tydens ’n rugbywêreldbekerwedstryd.[52]
Bywoning: 81 010 Skeidsregter: Romain Poite (Fra) Speler van die wedstryd: Joe Launchbury (Eng)
Met hierdie nederlaag word Engeland die eerste gasheer sedert Wallis in 1991,[53][54] die eerste Engelse span en die eerste voormalige kampioen wat nie tot die uitklopfase kon vorder nie.[55]
Dit is Australië se hoogste oorwinning oor Engeland in Engeland.[56]
Australië en Wallis vorder hiermee tot die kwarteindrondte.[57]
Engeland is hiermee uit die toernooi geskakel.[58]
Sedert Wallis se 6–0-oorwinning in 1947 is dit die eerste toetswedstryd tussen Australië en Wallis waarin albei spanne nie daarin kon slaag om ’n drie te druk nie.
Sedert Ierland se 2011-oorwinning oor Australië met 15–6 is dit die eerste rugbywêreldbekerwedstryd waarin albei spanne nie ’n drie kon druk nie.
Bywoning: 71 619 Skeidsregter: Nigel Owens (Wal) Speler van die wedstryd: Julian Savea (NZL)
Dit is die hoogste oorwinning ooit in ’n uitklopwedstryd en oortref die 43-punte-oorwinning van Nieu-Seeland teen Wallis tydens die 1987-halfeindrondte.[80]
Die nege Nieu-Seelandse drieë is die meeste drieë ooit wat ’n span in ’n uitklopwedstryd kon druk.[81]
Fraser Brown en Tim Swinson (albei Sko) is oorspronklik vir die beginspan benoem, maar nadat Ross Ford en Jonny Gray se skorsings vir drie wedstryde opgehef is, is hulle enkele minute voor afskop van die wedstryd vir die beginspan benoem.[85]
Matt Giteau en Stephen Moore speel as onderskeidelik die sewende en agtste Australiërs in hul 100ste toetswedstryd.
Die 34 punte is die meeste wat Skotland tot dusver teen Australië kon aanteken.[86]
Ná die wedstryd het Wêreldrugby ’n verklaring oor skeidsregter Craig Joubert se omstrede toekenning van ’n laat strafdoel vir Australië uitgereik. Die verslag het tot die gevolgtrekking gekom dat hoewel Joubert destyds nie die televisiewedstrydbeampte kon geraadpleeg het nie, sy besluit in werklikheid verkeerd was, aangesien die herhaling gewys het dat die Australiese Nick Phipps die bal gespeel het voordat die Skot Jon Welsh dit ontvang het. Die regte oproep moes ’n skrum vir Australië vir die oorspronklike klopjag gewees het.[87]
Bywoning: 80 025 Skeidsregter: Wayne Barnes (Eng) Speler van die wedstryd: Adam Ashley-Cooper (Aus)
Michael Hooper, slegs 3 jaar en 140 dae ná sy toetsdebuut, word die vinnigste rugbyspeler om in sy 50ste wedstryd te speel, en oortref die Australiër Al Baxter se vorige rekord van 4 jaar en 44 dae, en word ook die jongste Australiër om dié mylpaal te bereik.[90]
Ná Nieu-Seeland een dag vroeër word Australië die tweede span om vier eindstryde te haal, nadat hulle in die 1991-, 1999- en 2003-eindstryde verskyn het.[92]
Bywoning: 80 125 Skeidsregter: Nigel Owens (Wal) Speler van die wedstryd: Dan Carter (NZL)
Sedert die 1995-eindstryd tussen Nieu-Seeland en Suid-Afrika is dit die tweede wat tussen twee spanne van die Suidelike Halfrond beslis is.[94]
Nieu-Seeland word die eerste span om die wêreldtitel te verdedig, en om sy derde titel in te palm.[95]
Dit is die eerste keer wat Nieu-Seeland die titel op vreemde grond kon wen.[96]
Die altesaam 51 aangetekende punte is die meeste in ’n rugbywêreldbekereindstryd ooit.
Ben Smith word die eerste rugbyspeler wat ’n geelkaart in ’n eindstryd sien. Dit was die destyds meeste kaarte in ’n eindstryd – later oortref tydens die 2023-eindstryd.[97]
14 Nieu-Seelandse spelers sluit by vyf Australiërs en een Suid-Afrikaner aan as tweemalige rugbywêreldbekerkampioene. Richie McCaw word die eerste kaptein van twee rugbywêreldbekerwenners.[98]
Nieu-Seeland wen die Rugbywêreldbeker 2015 sonder ’n verlore wedstryd.
By the SeaPoster rilis teatrikal untuk By the SeaSutradaraCharles ChaplinProduserJess RobbinsDitulis olehCharles ChaplinPemeranCharles Chaplin Billy Armstrong Margie Reiger Bud Jamison Edna Purviance Paddy McGuireSinematograferHarry EnsignPenyuntingCharles ChaplinDistributorGeneral Film CompanyTanggal rilis29 April 1915Durasi20 menitNegaraAmerika SerikatBahasaBisu (intertitel Inggris) By the Sea By the Sea adalah sebuah film komedi Amerika tahun 1915 yang dibuat oleh Charlie Chaplin saat menu...
Sergey KudrinKudrin at the World Open chess tournamentCountryUnited StatesBorn (1959-09-07) September 7, 1959 (age 64)Novosibirsk, Soviet UnionTitleGrandmaster (1984)Peak rating2580 (July 1992) Sergey Kudrin (born September 7, 1959) is a Soviet-American chess Grandmaster. Career He achieved his Grandmaster title in 1984 going on to win chess tournaments at Copenhagen in 1983, and Beer-Sheva in 1984, and Torremolinos in 1985. He played in the 2005 Chess World Cup at Khanty-Mansiysk, ...
Pour les articles homonymes, voir Maurice Plantier et Plantier. Maurice Plantier Fonctions Député français 11 juillet 1968 – 6 mai 1978(9 ans, 8 mois et 25 jours) Élection 30 juin 1968 Réélection 11 mars 197319 mars 1978 Circonscription 2e des Pyrénées-Atlantiques Législature IVe, Ve et VIe (Cinquième République) Groupe politique RPR Prédécesseur Guy Ébrard Successeur Auguste Cazalet 19 janvier 1956 – 5 décembre 1958(2 ans, 10 mois et 16 jours...
العلاقات الكوبية المنغولية كوبا منغوليا كوبا منغوليا تعديل مصدري - تعديل العلاقات الكوبية المنغولية هي العلاقات الثنائية التي تجمع بين كوبا ومنغوليا.[1][2][3][4][5] مقارنة بين البلدين هذه مقارنة عامة ومرجعية للدولتين: وجه المقارنة كوبا من...
Strada statale 392del Lago del CoghinasLocalizzazioneStato Italia Regioni Sardegna DatiClassificazioneStrada statale InizioTempio Pausania FineOschiri Lunghezza32,432[1] km Provvedimento di istituzioneD.M. 1/02/1962 - G.U. 97 del 13/04/1962[2] GestoreANAS Manuale La 392 all'altezza di Tempio Pausania La strada statale 392 del Lago del Coghinas (SS 392) è una strada statale italiana di rilevanza regionale. È una trasversale che collega il centro Sardegna con Tempio....
Pour les articles homonymes, voir Crèche. La Crèche La Mairie de la Crèche 79 Administration Pays France Région Nouvelle-Aquitaine Département Deux-Sèvres Arrondissement Niort Intercommunalité Communauté de communes Haut Val de Sèvre Maire Mandat Laetitia Hamot 2020-2026 Code postal 79260 Code commune 79048 Démographie Gentilé Créchois, Créchoises Populationmunicipale 5 732 hab. (2021 ) Densité 166 hab./km2 Géographie Coordonnées 46° 21′ 42″ ...
Guido Canella (Bucarest, 19 gennaio 1931 – Milano, 2 settembre 2009) è stato un architetto italiano. È stato uno dei protagonisti più importanti ed originali dell'architettura italiana del dopoguerra. Docente presso la Facoltà di architettura civile del Politecnico di Milano, è stato direttore delle riviste Hinterland (34 numeri dal 1977 al 1985) e Zodiac (21 numeri dal 1989 al 1999). Nominato Professore Emerito al termine della sua carriera universitaria nel 2006, nel biennio 2007-200...
International athletics championship eventSenior women's race at the 2003 IAAF World Cross Country ChampionshipsOrganisersIAAFEdition31stDateMarch 29Host cityLausanne, Vaud, Switzerland VenueL'Institut Équestre National d'AvenchesEvents1Distances7.92 km – Senior womenParticipation65 athletes from 25 nations← 2002 Dublin 2004 Bruxelles → The Senior women's race at the 2003 IAAF World Cross Country Championships was held at the L'Institut Équestre National in Avenches near Lausa...
2023 television film by Anya Adams Prom PactOfficial release posterGenreRomantic comedyWritten byAnthony LombardoDirected byAnya AdamsStarring Peyton Elizabeth Lee Milo Manheim Blake Draper Monique Green Arica Himmel Jason Sakaki David S. Jung Wendi McLendon-Covey Margaret Cho Country of originUnited StatesOriginal languageEnglishProductionExecutive producers Julie Bowen Melvin Mar Jake Kasdan Rachael Field Anya Adams Running time98 minutesProduction companies Bowen and Sons The Detective Age...
v · mDélégation de Pennsylvanie au Congrès des États-Unis Sénateurs John Fetterman (D) Bob Casey, Jr. (D) Représentants (liste des districts) Brian Fitzpatrick (R) Brendan Boyle (D) Dwight Evans (D) Madeleine Dean (D) Mary Scanlon (D) Chrissy Houlahan (D) Susan Wild (D) Matt Cartwright (D) Dan Meuser (R) Scott Perry (R) Lloyd Smucker (R) Summer Lee (D) John Joyce (R) Guy Reschenthaler (R) Glenn Thompson (R) Mike Kelly (R) Chris Deluzio (D) Délégations par États Alabama Alaska ...
Good Girl Gone Bad TourTur {{{type}}} oleh RihannaRihanna tampil langsung dalam konsernya.Good Girl Gone BadMulai15 September 2007Berakhir24 Januar1 2009Putaran8Penampilan42 di Eropa22 di Amerika Utara12 di Oseania3 di Asia1 di AfrikaKronologi konser Rihanna Rihanna: Live in Concert Tour (2006) Good Girl Gone Bad Tour (2007-09) Last Girl on Earth Tour (2010-11) The Good Girl Gone Bad Tour / Good Girl Gone Bad Tour adalah konser tur kedua oleh artis penyanyi asal Barbados yaitu Rihanna, untuk ...
Pemberontakan Jacobite 1715Bagian dari JacobitismePertempuran Sheriffmuir, John WoottonTanggal1715–1716LokasiSkotlandia dan Inggris UtaraHasil Pemerintah menangPihak terlibat Britania Raya JacobiteTokoh dan pemimpin John Campbell Charles Wills George Carpenter Earl dari Mar Thomas Forster Mackintosh dari Borlum Pemberontakan Jacobite 1715 (bahasa Gaelik Skotlandia: Bliadhna Sheumais [ˈbliən̪ˠə ˈheːmɪʃ]) (disebut juga sebagai Pemberontakan Lima Belas atau Pemberontakan Lor...
Kvalifikations Ligaen 2014Kvalifikations Ligaen Competizione Campionato danese di football americano Sport Football americano Edizione Organizzatore DAFF Date dal 12 aprile 2014al 14 settembre 2014 Luogo Danimarca Partecipanti 4 Formula Girone all'italiana e playoff Risultati Vincitore Kolding Guardians Statistiche Incontri disputati 18 Punti segnati 780 (43,33 per incontro) Cronologia della competizione KL 2013 KL 2015 Manuale Hawks Guardians Stallions Thunder Distr...
Australian daily tabloid newspaper This article is about the Australian newspaper. For the British newspaper, see The Daily Telegraph. For other uses, see The Telegraph (disambiguation). The Daily TelegraphCover of The Daily Telegraph (26 May 2016), occupied by a story on David Feeney, during the 2016 federal election campaign.TypeDaily newspaperFormatTabloidOwner(s)Nationwide News (News Corp Australia)EditorBen EnglishFounded 1879 (as The Daily Telegraph) 1990 (merger with The Daily Mirror a...
You can help expand this article with text translated from the corresponding article in Persian. Click [show] for important translation instructions. Machine translation, like DeepL or Google Translate, is a useful starting point for translations, but translators must revise errors as necessary and confirm that the translation is accurate, rather than simply copy-pasting machine-translated text into the English Wikipedia. Do not translate text that appears unreliable or low-quality. If possi...
Ancient city in modern Libya Leptis MagnaShown within LibyaAlternative nameLepcis Magna, Neapolis, LpqyLocationKhoms, LibyaRegionTripolitaniaCoordinates32°38′21″N 14°17′26″E / 32.63917°N 14.29056°E / 32.63917; 14.29056TypeSettlementHistoryFounded1000 BC[1]Abandoned7th c. ADPeriodsIron Age to ByzantineCulturesCarthaginianRoman UNESCO World Heritage SiteOfficial nameArchaeological Site of Leptis MagnaTypeCulturalCriteriai, ii, iiiDesignated1982 (...
_participating_nations.svg)
.jpg)
.jpg)
.jpg)
.jpg)
.jpg)
.jpg)
.jpg)
_results.svg)
