Eienskappe

Algemeen
Naam	Lantaanoksied
Chemiese formule	La2O3
Molêre massa	325,82 [g/mol][1]
CAS-nommer	1312-81-8[1]
Voorkoms	wit vastestof[1]
Reuk	reukloos[1]
Fasegedrag
Fase	T<2313K
Selkonstantes	a=393,8; c=613,6 pm[2]
Ruimtegroep	P3m1
Nommer	164
Strukturbericht	D5₂
Fase	2373K>T>2313K
Ruimtegroep	P63/mmc
Nommer	194
Fase	T>2373K
Ruimtegroep	Im3m
Nommer	229
Smeltpunt	2 315 °C [1]
Kookpunt	4 200 °C [1]
Digtheid
Oplosbaarheid	onoplosbaar; reageer met water[1]
Suur-basis eienskappe
pKa
Veiligheid
Flitspunt
LD50	>5 000 [mg/kg][3]
Tensy anders vermeld is alle data vir standaardtemperatuur en -druk toestande.
Portaal Chemie

Lantaanoksied is 'n verbinding van lantaan en suurstof met die chemiese formule La₂O₃.

Die stof is higroskopies.^[1]

Lantaanoksied kristalliseer in 'n trigonale struktuur wat die argetipe is van die D5₂-struktuur van die strukturbericht-klassifikasie. Daar is heelparty oksiede van ander seldsame aarde en 'n aantal metaallegerings wat hierdie struktuur besit, soos: α-Bi₂Mg₃, α-Sb₂Mg₃, Ac₂O₃, As₂Mg₃, Ce₂O₃, Gd₂O₃, Nd₂O₃, Pr₂O₃, Pu₂O₃, Th₂N₃ en U₂N₃.^[2]

Hierdie struktuur word ook die A-tipe seskwioksied (A-Ln₂O₃-tipe) genoem. (Sien: lantaniedoksiede). Die metaalione het 'n ongewone sewevoudige koördinasie deur suurstofione. Lantaanoksied kan met ander oksiede mengkristalle vorm soos die reeks La_2−xEu_xO₃ (x<0,1) wat ook as La₂O₃:Eu weergegee word. Hierdie gedoteerde vorms het luminesserende eienskappe.^[4]

Teen hoë temperature vind twee faseoorgange plaas. Teen 2313K skakel die struktuur om na die heksagonale H-tipe Ln₂O₃-struktuur en teen 2373K na die X-tipe-struktuur.^[5]

Daar is berig dat die stabiele laetemperatuurfase eintlik die C-tipe sou wees, wat teen 500 °C na die A-tipe oorgaan, maar die materiale wat hierdie oorgang vertoon, bevat nog vlugtige komponente. Die C-tipe-struktuur word dalk deur OH⁻-ione gestabiliseer en hierdie materiale is nie suiwer oksiede nie.^[5]

Lantaanoksied kan uit die elemente vervaardig word:^[6]

${\displaystyle 4La(s)+3O_{2}(g)\rightarrow 2La_{2}O_{3}(s)}$

Die oksied kan nes kalsiumoksied in water geblus word, wat baie hitte vrystel:

${\displaystyle La_{2}O_{3}+3H_{2}O\rightarrow 2La(OH)_{3}}$

Lantaanoksied kan gebruik word om lantaanfluoried te verkry:^[4]

${\displaystyle La_{2}O_{3}+NH_{4}F\xrightarrow {100\ C} 2NH_{4}LaF_{4}+6NH_{3}\uparrow +3H_{2}O\uparrow }$

Die ammoniumfluoorlantanaat NH₄LaF₄ kan teen hoër temperature ontbind word:

${\displaystyle NH_{4}LaF_{4}\xrightarrow {300\ C} LaF_{3}+NH_{4}F\uparrow }$