Mortemer (atestacion monasterium Mortuimaris, cap a 1136), coma Mòrtamar (Nauta Vinhana), pòt venir del nom de la Mar Mòrta, sovenir de las crosadas, o representar de sanhas (lo resultat del latin mare pòt prene lo sens de « pesquièr, sompa, nausa, gana, lavanha, clòt, clòta »); Dauzat supausa que la darrèra sillaba poiriá tanben significar meix (del latin mansus), prononciat mé; caldriá explicar alavetz perqué l'adjectiu es al femenin [1],[2],[3]; Mortemer es dins una depression pauc marcada, d'ancianas sanhas son donc possiblas en teoria. Es a remarcar que l'abadiá de Mortemer (omonima), entre Lyons-la-Forêt e Lisors dins l'Eure es dins una comba, prèp d'un estanh restancat, çò que fa que la probabilitat del sens de « sanha » es encara pus granda.
