Seven er det sjette studioalbumet til det amerikanske countryrockbandetPoco. Det var det første albumet deira etter at frontmannen Richie Furay slutta i bandet. Plateomslaget var laga av Phil Hartman. På dette albumet eksperimenterte gruppa med ein hardare rockestil på somme av songane.
Utgjeving
I tillegg til ei vanleg stereoutgåve, vart albumet òg gjeve ut i kvadrofonisk lyd på LP og 8-sporslydband i 1974. Albumet vart gjeve ut i Storbritannia på Super Audio CD i 2018 av Dutton Vocalion. Denne utgåva kom på to plater der den eine plata inneheld albumet Cantamos.
Allmusic-skribenten Bruce Eder skreiv: «Med sterke, svevande harmoniar, ein sunn balanse mellom akustisk countryrock og tung rock and roll, og somme forholdsvis sterke songar, er Seven ei stor overrasking, sidan det var det første albumet deira etter Richie Furay. Med ein eller to sterke songar til, ville dette vert eit sterkt tilrådd album, og slik som det er, er det likevel ganske bra. Uheldigvis er ikkje alt her like solid som 'Drivin' Wheel' eller 'Rocky Mountain Breakdown'.»[1]
